फलटण प्रांत कार्यालयात कारभाराचा बोजवारा; नागरिक हैराण! प्रश्नांचे निवारण की राजकीय निष्ठा? फलटण तालुक्यातील कामांसाठी नागरिकांची भटकंती! फलटण (विशेष प्रतिनिधी): फलटण प्रांत अधिकाऱ्यांच्या दालनात कामांचा पार बोजवारा उडाला असून, आपल्या न्याय्य हक्कांसाठी आणि विविध प्रशासकीय कामांसाठी येणारे सामान्य नागरिक प्रशासनाच्या ढिसाळ कारभारामुळे अत्यंत हैराण झाले आहेत. फलटण तालुक्यातील रस्त्यांचे प्रश्न असोत किंवा प्रशासनाशी संबंधित इतर कोणतीही कामे, मार्ग काढण्यासाठी आणि प्रश्न सोडवण्यासाठी बसलेले अधिकारी हे प्रशासकीय परीक्षा पास होऊन आले आहेत की केवळ "राजकीय परीक्षा" पास झाले आहेत? असा संतप्त सवाल आता तालुक्यातील सामान्य जनता विचारू लागली आहे. फलटणला येण्यापूर्वी राजकीय परीक्षा द्यावी लागते का? फलटण तालुक्यात कोणत्याही शासकीय अधिकाऱ्याची बदली झाली की, आधी त्यांना एखाद्या राजकीय पाठिंब्याची किंवा राजकीय परीक्षेची पायघडी घालूनच यावे लागते का? अशी शंका नागरिकांच्या मनात निर्माण होत आहे. प्रशासकीय सेवेचा मूळ उद्देश सर्वसामान्यांना न्याय देणे हा असतो; परंतु, या ठिकाणी अधिकाऱ्या...

नवनियुक्त DYSP साहेब, बंद गाडीत बसण्यापेक्षा दुचाकीवरून फिरा; रस्त्यांवर मांजाचा मृत्यूचा फास! फलटण (विशेष प्रतिनिधी): फलटण शहर आणि ग्रामीण भागात सध्या पतंगबाजीच्या नावाखाली सर्रासपणे बंदी असलेला नायलॉन आणि प्राणघातक मांजा वापरला जात असल्याचे चित्र दिसत आहे. या जीवघेण्या मांजामुळे रस्त्यावरून जाणाऱ्या दुचाकीस्वारांचे गळे कापले जाण्याचा, निष्पाप नागरिकांचा जीव जाण्याचा आणि मुक्या पक्षांचा बळी जाण्याचा गंभीर धोका निर्माण झाला आहे. एवढे सगळे उघड्या डोळ्यांनी दिसत असतानाही फलटण शहर व ग्रामीण पोलीस प्रशासन मात्र गाढ झोपेत असल्याचे दिसून येत आहे. "पोलीस मांजा बंद करणार की एखाद्याचा नाहक बळी गेल्यावर जागे होणार?" असा संतप्त सवाल आता सामान्य नागरिकांमधून विचारला जात आहे. DYSP साहेब, गाडीतून बाहेर पडा! नुकतेच पदभार स्वीकारलेल्या नवनियुक्त पोलीस उपअधीक्षकांनी (DYSP) परिसरातील कायदा व सुव्यवस्थेचा आढावा घेण्यासाठी केवळ चारचाकी गाडीतून फिरणे सोडून द्यावे, अशी जोरदार चर्चा नागरिकांमध्ये सुरू आहे. एसी गाडीच्या बंद काचांमधून रस्त्यावरील नायलॉन मांजाचे प्राणघातक जाळे आणि नागरिकां...

५ सप्टेंबरला शिक्षक दिन शिक्षणाचा सन्मान मंगळवेढा येथे भव्य वितरण सोहळा विशेष (प्रतिनिधी) राजू भाई काझी:  शिक्षण क्षेत्रातील उत्कृष्ट योगदानाबद्दल खुपसंगी (ता. मंगळवेढा) येथील श्री. कामसिद्ध विद्यालयाच्या शिक्षिका सौ. नसीम मुक्तार पटेल यांना दैनिक ‘दामाजी एक्सप्रेस’ तर्फे दिला जाणारा ‘जिल्हास्तरीय आदर्श शिक्षिका पुरस्कार’ जाहीर झाला आहे. विद्यार्थ्यांच्या सर्वांगीण विकासासाठी त्यांनी केलेले विशेष प्रयत्न, नाविन्यपूर्ण अध्यापन पद्धती आणि शैक्षणिक क्षेत्रातील उल्लेखनीय कार्याची दखल घेऊन त्यांची या मानाच्या पुरस्कारासाठी निवड करण्यात आली आहे. पुरस्कार वितरण सोहळ्याचे नियोजन हा पुरस्कार वितरण सोहळा शिक्षक दिनाचे औचित्य साधून आयोजित करण्यात आला आहे. कार्यक्रमाची सविस्तर माहिती खालीलप्रमाणे: दिनांक: शनिवार, ५ सप्टेंबर २०२६ वेळ: सायंकाळी ठीक ६.०० वाजता स्थळ: आदित्य पॅलेस अँड गार्डन, हॉटेल नंदराज शेजारी, पंढरपूर रोड, मंगळवेढा गौरव व अभिनंदन: सौ. नसीम पटेल यांना हा पुरस्कार जाहीर झाल्याबद्दल श्री. कामसिद्ध विद्यालय, खुपसंगी येथील ग्रामस्थ, शिक्षक वृंद, विद्यार्थी आणि मंगळवेढा ता...

सासवड / पुरंदर: पुरंदर-सासवड उपविभागीय (प्रांत) कार्यालयात कामानिमित्त गेलेल्या पत्रकाराशी अत्यंत उद्धट, अरेरावीचे व अपमानजनक वर्तन केल्याचा धक्कादायक प्रकार समोर आला आहे. या प्रकरणी कार्यालयातील संबंधित कर्मचारी बापू सटाले यांच्यावर तात्काळ कडक प्रशासकीय कारवाई करावी, अन्यथा येत्या १५ ऑगस्ट (स्वातंत्र्यदिना दिवशी) प्रांत कार्यालयासमोर 'आमरण उपोषण' करण्याचा इशारा 'साप्ताहिक सातारा सम्राट'चे जिल्हा प्रतिनिधी नितीन बाळासो जगताप यांनी दिला आहे. मिळालेल्या माहितीनुसार, पत्रकार नितीन जगताप हे १० ऑगस्ट रोजी स्वतःच्या मालकी जमिनीच्या चालू/बंद असलेल्या केसच्या सद्यस्थितीबाबत (Status) माहिती घेण्यासाठी पुरंदर-सासवड प्रांत कार्यालयात गेले होते. त्यांनी येथील कर्मचारी बापू सटाले यांच्याकडे अत्यंत नम्रतेने माहिती विचारली. मात्र, बापू सटाले यांनी शांततेने विचारपूस न करता जगताप यांच्याशी असभ्य व अरेरावीची भाषा वापरली. जेव्हा जगताप यांनी लोकशाहीचा चौथा स्तंभ मानल्या जाणाऱ्या पत्रकारितेचा संदर्भ देत "मी एक पत्रकार आहे" अशी ओळख करून दिली, तेव्हा सटाले यांनी सर्व ...

मुंबई, प्रतिनिधी, भांडुप येथील गुणवंत कामगार, समाजसेवक श्री. राजेंद्र ज्ञानदेव कांबळे यांना मैत्री संस्था व युवा सामाजिक प्रतिष्ठान धडक कामगार युनियन महासंघ, स्वातंत्र्य दिन ,ऑगस्ट क्रांती गौरव व मैत्री दिनानिमित्त आयोजित, आरे कॉलनी गोरेगाव मुंबई, येथे मा. दिलीप सेनजी.प्रसिद्ध बॉलीवूड ओले ओले फेम अभिनेत्री ,पियू चव्हाण, मा. अभिजीत राणे कामगार नेते मा.विलास खानोलकर सदस्य फिल्म सेंसर बोर्ड मा.संभाजी जाधवराव राजमाता मासाहेब जिजाऊ यांचे चौदावे वंशज मा. अनघा राणे यांचे शुभ हस्ते शाल पुष्पगुच्छ मानचिन्ह सन्मानपत्र वंदे मातरम सन्मान पुरस्कार देऊन मोठ्या थाटामाटात सत्कार करण्यात आला .त्यावेळी मान्यवरांचे भाषण झाले त्यावेळी संस्थापक अध्यक्ष सुरज भोईर यांनी राजेंद्र कांबळे यांच्या कार्याचा आढावा घेतला त्यांचे काम सामाजिक कला क्रीडा शैक्षणिक,सहकार आरोग्य सर्व ठिकाणी कार्यरत असून ते अष्टपैलू असल्याचे मैत्री संस्थापक अध्यक्ष सुरज भोईर यांनी जाहीर केले कांबळे यांची निवड केली त्यांच्या कार्याची दखल महाराष्ट्र शासन कामगार कल्याण मंडळ मुंबई यांनी गेल्या वर्षी घेतली होती त्यांना गुणवंत काम...

फलटण (प्रतिनिधी): तरडफ (ता. फलटण) गावातील कृषी बंधाऱ्यांची तातडीने दुरुस्ती करण्यात यावी, तसेच तलावातून अनधिकृतपणे पाणी उपसा करणाऱ्या मोटारी त्वरित बंद करून संबंधितांवर कडक कारवाई करण्यात यावी, या मुख्य मागण्यांचे निवेदन निवासी नायब तहसीलदार अभिजित सोनवणे यांना देण्यात आले. सध्या शेतीसाठी पाण्याचा वापर वाढला असून शेतकऱ्यांना सिंचनासाठी तीव्र पाणीटंचाईचा सामना करावा लागत आहे. या पार्श्वभूमीवर गावातील कृषी बंधारे सुस्थितीत असणे अत्यंत गरजेचे आहे. बंधारे दुरुस्त झाल्यास पाणीसाठा टिकून राहण्यास मदत होईल, त्यामुळे या बंधाऱ्यांची तात्काळ दुरुस्ती करावी, अशी आग्रही मागणी निवेदनात करण्यात आली आहे. तसेच गावातील स्थानिक तलावातून काही व्यक्ती नियमबाह्य आणि अनधिकृतपणे थेट मोटारी लावून पाण्याचा मोठा उपसा करत आहेत. या अनधिकृत पाणी उपशामुळे तलावातील पाणीसाठा झपाट्याने खाली जात असून, त्याचा थेट फटका सर्वसामान्य नागरिक आणि इतर शेतकऱ्यांना बसत आहे. त्यामुळे अशा अनधिकृत मोटारी तात्काळ जप्त करून संबंधितांवर नियमानुसार कठोर कारवाई करण्याची मागणी ग्रामस्थांकडून करण्यात आली. निवेदन स्वीकारल्यानं...

सरडे गावातील निविदा प्रक्रिया काही दिवसात जाहीर करण्यात आली असून चव्हाण वस्ती सरडे येथील तांडा वस्तीतील काम असलेल्या ठिकाणी 6 ठेकेदार यांनी निविदा सादर केली परंतु या मध्ये ओंकार दादासो भोईटे या ठेकेदार यांच्या माध्यमातून 15.50 असे बिलो मधून काम टाकल्यानंतर यांना काम ग्रामपंचायत मासिक मीटिंग मध्ये काम जाहीर करण्यात आले आहे . परंतु हे काम चांगल्या दर्जाचे करण्यासाठी मीटिंग मध्ये मुद्दे उपस्थित केले आहे  मीटिंग चालू होण्या आगोदर संबंधित 30 पेक्षा जादा लोकांनी काम चांगल्या दर्जाचे होण्यासाठी अर्ज सुद्धा दिले आहे  या कामात पारदर्शक पद्धतीने काम  कॉलिटी मध्ये करण्यात यावे  कॉलिटी कंट्रोल अधिकारी सातारा हे काम पाहण्यास येणार का असा सुद्धा सवाल नागरिक करत आहे..? बांधकाम विभागाचे अधिकारी काम सुरुवात ते दाखला देणे पर्यंत योग्य काम पाहणार का असा सवाल केला जात आहे 

फलटण प्रतिनिधी लेखणीच्या सामर्थ्यावर समाजप्रबोधन, सामाजिक न्याय आणि लोकहिताची चळवळ उभी राहू शकते, याचे मूर्तिमंत उदाहरण म्हणजे प्रा.रमेश आढाव यांची पत्रकारिता होय. पत्रकारितेला लोकसेवेचे प्रभावी माध्यम मानत त्यांनी समाजातील विविध घटकांच्या समस्या सातत्याने मांडल्या. वंचित, उपेक्षित आणि अन्यायग्रस्तांच्या हक्कांसाठी ठाम भूमिका घेत आदर्श पत्रकारितेचा वस्तुपाठ त्यांनी घालून दिला. त्यांच्या स्मरणार्थ गरजू विद्यार्थ्यांना एक लाख वह्यांचे मोफत वाटप करण्याचा आढाव कुटुंबीयांनी घेतलेला संकल्प प्रेरणादायी आहे, असे मत कै.भाऊसाहेब दैठणकर प्राथमिक आश्रमशाळेचे मुख्याध्यापक सुपुत्र बंडी यांनी व्यक्त केले. महात्मा फुले ज्ञान विकास प्रसारक मंडळ शिक्षण संस्थेचे अध्यक्ष प्रा. रमेश तुकाराम आढाव यांच्या जयंतीनिमित्त त्यांच्या प्रेरणादायी कार्याला अभिवादन म्हणून शालेय साहित्य वाटप व अभिवादन कार्यक्रमाचे आयोजन निंभोरे (ता. फलटण) येथील प्राथमिक शाळेत करण्यात आले होते, यावेळी ते बोलत होते. याप्रसंगी शाळेचे अधीक्षक अनिल महामुनी, मोहनराव माळवे, दस्तगीर पठाण, संजय इंगळे, चंदाराणी जगताप यांच्यासह आढाव ...

*सरडे ता. फलटण* : क्रांतिसिंह नाना पाटील हायस्कूल, सरडे येथे क्रांतिसिंह नाना पाटील यांची _126 वी जयंती_ मोठ्या उत्साहात साजरी करण्यात आली. कार्यक्रमाचे प्रस्ताविक _श्री दादासाहेब एजगर सर_ यांनी केले. प्रस्ताविकेत त्यांनी नाना पाटील यांना _शेतकऱ्यांचे कैवारी, तुफान सेनादलाचे संस्थापक, देशभक्तीचे प्रेरणास्थान, जीवनाला दिशा देणारे दीपस्तंभ, मराठीचा अभिमान आणि स्वातंत्र्याचा महान योद्धा_ अशा शब्दांत आदरांजली वाहिली. कार्यक्रमाच्या अध्यक्षस्थानी _युथ असोसिएशन संस्थेचे माजी चेअरमन श्री विठ्ठल कुशाबा बेलदार_ तर प्रमुख पाहुणे म्हणून _संस्थेचे संस्थापक सचिव श्री हनुमंतराव एजगर सर_ उपस्थित होते.  याप्रसंगी _युथ असोसिएशनचे विद्यमान चेअरमन श्री शत्रुघ्न बेलदार_ यांची देखील उपस्थिती लाभली. यावेळी संस्थेचे पदाधिकारी _श्री हरिश्चंद्र करडे, श्री सुखदेव बेलदार, श्रीमती कांचनताई पाटील_ तसेच शाळेचे मुख्याध्यापक _श्री अनिल खलाटे सर_ शिक्षक शिक्षकेतर कर्मचारी उपस्थित होते कार्यक्रमाचे अध्यक्ष व प्रमुख पाहुणे व संस्थेचे पदाधिकारी व मुख्याध्यापक यांच्या हस्ते दीप प्रज्वलन करून प्रतिमेचे पूज...

उल्हासनगर (विशेष प्रतिनिधी): महाराष्ट्राच्या सामाजिक व आंबेडकरी चळवळीत सातत्याने सक्रिय राहून वंचित व पीडितांच्या हक्कासाठी लढा देणारे, नॅशनल दलित मूव्हमेंट फॉर जस्टिस (एन.डी.एम.जे.) महाराष्ट्र राज्याचे महासचिव मा. वैभवजी तानाजी गीते यांना यंदाचा प्रतिष्ठित ‘विशेष नागरी सन्मान’ जाहीर झाला आहे. साहित्यसम्राट अण्णा भाऊ साठे आधार प्रतिष्ठानच्या वतीने आयोजित करण्यात येणाऱ्या ‘लोकशाहीर अण्णा भाऊ साठे सांस्कृतिक कला महोत्सव २०२६’ व राज्यस्तरीय पुरस्कार सोहळ्यात त्यांना हा गौरवशाली पुरस्कार प्रदान केला जाणार आहे. ८८९ वारसांना मिळवून दिली शासकीय नोकरी मा. वैभवजी गीते यांनी गेली अनेक वर्षे आंबेडकरी चळवळीत कार्यरत राहत अनुसुचित जाती व जमातीमधील अन्याय आणि अत्याचारपीडितांच्या पुनर्वसनासाठी अभूतपूर्व लढा दिला आहे. पीडित कुटुंबांमधील तब्बल ८८९ वारसांना शासकीय नोकऱ्या मिळवून देण्यात त्यांनी अत्यंत महत्त्वाची व मोलाची भूमिका बजावली आहे. याशिवाय अनेक कुटुंबांचे कायदेशीर पुनर्वसन करत त्यांनी सामाजिक न्यायाचा दीप तेवत ठेवला आहे. त्यांच्या याच संविधानाप्रती असलेल्या निष्ठेचा आणि भिम सैनिकांच्...

पिंप्रद (प्रतिनिधी): पिंप्रद गावच्या हद्दीत शासकीय जागेत अनधिकृतपणे शेड उभारण्याचे काम जोरात सुरू असून, या सर्व प्रकारात ग्रामपंचायत अधिकारी आणि संबंधित अतिक्रमणधारकांची काही हातमिळवणी अथवा भागीदारी आहे की काय ? अशी जोरदार चर्चा आता नागरिकांमध्ये रंगू लागली आहे. उघडपणे अनधिकृत शेडचे काम चालले असतानाही ग्रामसेवक सुस्त असल्याचे पाहायला मिळत असून, प्रशासनाच्या या उदासीन धोरणामुळे ग्रामस्थांमधून तीव्र संताप व्यक्त होत आहे. मिळालेल्या माहितीनुसार, गावातील शासकीय जागेवर कोणतेही कायदेशीर नियम पाळता उघडपणे अतिक्रमण करून शेड उभारली जात आहे. या प्रकाराची दखल घेत गावातील सजग ग्रामस्थांनी संबंधित कामाबाबत विचारणा करण्यासाठी आणि तक्रार नोंदवण्यासाठी ग्रामसेवक श्री. डांगाने यांच्याशी प्रत्यक्ष भेटण्याचा तसेच भ्रमणध्वनीवर (फोन) संपर्क साधण्याचा अनेकदा प्रयत्न केला. मात्र, ग्रामसेवक डांगाने यांच्याकडून या विषयावर कोणताही प्रतिसाद मिळालेला नाही. ग्रामसेवकाच्या या मनमानी आणि संशयास्पद कारभाराबाबत बोलताना काही ग्रामस्थांनी सांगितले की, ग्रामसेवकाचा गावात मोठा दरारा असून सामान्य नागरिकांच्या त...

फलटण प्रतिनिधी : फलटण तालुक्यातील सांगवी येथील मोहित्तेवस्ती परिसरात विनापरवाना अवैध देशी दारू विक्रीचा व्यवसाय सुरू असल्याची चर्चा नागरिकांमध्ये रंगली आहे. हातभट्टी दारूवरील कारवाईनंतर आता काही ठिकाणी विनापरवाना देशी दारूची विक्री सुरू असल्याचा आरोप होत असून, संबंधित यंत्रणा याकडे दुर्लक्ष करत असल्याची भावना नागरिक व्यक्त करत आहेत. स्थानिकांच्या म्हणण्यानुसार, मोहित्तेवस्ती परिसरात दिवस-रात्र अवैधरित्या दारूची विक्री सुरू असल्याने परिसरातील महिला, युवक आणि नागरिक त्रस्त झाले आहेत. या प्रकारामुळे सामाजिक वातावरण बिघडत असून, कायदा व सुव्यवस्थेचाही प्रश्न निर्माण होण्याची भीती व्यक्त केली जात आहे. हातभट्टी दारूविरोधात प्रशासनाने यापूर्वी कठोर कारवाई केली होती. मात्र, त्यानंतर आता विनापरवाना देशी दारूची विक्री सुरू असल्याच्या तक्रारी समोर येत आहेत. त्यामुळे संबंधित विभागाने या प्रकरणाची तातडीने चौकशी करून दोषींवर कठोर कारवाई करावी, अशी मागणी ग्रामस्थांनी केली आहे. दरम्यान, या प्रकरणाबाबत संबंधित प्रशासन किंवा उत्पादन शुल्क विभागाकडून अधिकृत भूमिका अद्याप समोर आलेली नाही. चौकशी...

नितीन जगताप  साखरवाडी (ता. फलटण): गेल्या महिनाभरापासून संपूर्ण देशात खळबळ उडवून देणाऱ्या NEET आणि इतर परीक्षांच्या पेपरफुटी प्रकरणाची नैतिक जबाबदारी स्वीकारत अखेर केंद्रीय शिक्षणमंत्री धर्मेंद्र प्रधान यांनी आपल्या पदाचा राजीनामा दिला आहे. या आंदोलनाला ऐतिहासिक यश मिळाल्याच्या पार्श्वभूमीवर आज साखरवाडी (ता. फलटण) येथे स्थानिक युवा वर्गाने एकत्र येत फटाक्यांची आतिशबाजी केली आणि जोरदार घोषणाबाजी करत विजयाचा जल्लोष साजरा केला. 'झुकती है दुनिया, झुकानेवाला चाहिये! 'देशभरातील लाखो विद्यार्थ्यांच्या भविष्याशी खेळ करणाऱ्या या पेपरफुटी घोटाळ्याविरोधात दिल्लीतील जंतर-मंतर मैदानावर विद्यार्थी संघटना आणि 'कॉक्रोच जनता पार्टी'च्या (CJP) माध्यमातून सलग २८ दिवस तीव्र आंदोलन सुरू होते. अखेर सरकारला नमवून शिक्षणमंत्र्यांचा राजीनामा घेण्यात आल्याची बातमी समजताच साखरवाडी येथील मुख्य चौकात युवकांनी एकच गर्दी केली होती. "विद्यार्थी एकता जिंदाबाद" अशा घोषणा देत तरुणांनी संपूर्ण परिसर दणाणून सोडला. ग्रामस्थ आणि तरुणांची मोठी उपस्थिती: साखरवाडी येथे आयोजित या विजयोत्सवाच...

*क्रांतिसिंह नाना पाटील हायस्कूल सरडे* - येथे आज मा. स्वर्गीय *अजितदादा पवार* यांची जयंती मोठ्या उत्साहात साजरी करण्यात आली. कार्यक्रमाची सुरुवात *श्री. दादासाहेब एजगर सर* यांच्या प्रस्ताविकाने झाली. त्यांनी स्व. अजितदादा पवार यांच्या सामाजिक कार्याचा आणि विचारांचा विद्यार्थ्यांना परिचय करून दिला. कार्यक्रमासाठी *शाळेचे मुख्याध्यापक श्री. अनिल खलाटे सर* हे प्रमुख पाहुणे म्हणून उपस्थित होते. तर कार्यक्रमाचे अध्यक्षस्थान *ज्येष्ठ शिक्षक श्री. यशवंत देवकाते सर* यांनी भूषवले. त्यांनी स्वर्गीय अजितदादा यांच्या कार्याची माहिती दिली यावेळी *श्री. बेलदार सर, श्री. पाटील सर, सौ. शिंदे मॅडम, सौ. मोरे मॅडम आणि सौ. विरणक मॅडम* यांची प्रमुख उपस्थिती होती. इ ९ वी १० वी मधील विद्यार्थ्यांनी भाषण, गायन माध्यमातून स्व. अजितदादा पवार यांना अभिवादन केले. तसेच शाळेत वृक्षारोपण आणि विचार मंथन स्पर्धा देखील घेण्यात आली. कार्यक्रमाचे आभार प्रदर्शन क्रीडा शिक्षक श्री. आप्पासाहेब वाघमोडे सर यांनी केले. कार्यक्रम यशस्वी करण्यासाठी सर्व शिक्षक व शिक्षकेतर कर्मचाऱ्यांनी परिश्रम घेतले. ---

फलटण-श्री संतश्रेष्ठ ज्ञानेश्वर महाराज पालखी सोहळा 2026 निमित्त दि 17 जुलै रोजी फलटण डॉक्टर्स असोसिएशन यांच्या सौजन्याने कणकवंदना हॉस्पिटल प्रांगण फलटण येथे वारीतील वारकरी भाविकांची मोफत आरोग्य तपासणी करुण औषधं उपचार व फिजिओथेरपी ची सुविधा देण्यात आली. यावेळी 470 वारकऱ्यांची मोफत तपासणी केली व त्यांना औषधं वाटप केली यामध्ये संघटनेचे कार्यकारणी कमिटी अध्यक्ष डॉ. निनाद दोशी, उपाध्यक्ष डॉ. चेतन गुंदेचा, महिला उप अध्यक्षा डॉ सौं शिल्पा गांधी,सचिव डॉ. निखिल गांधी, खजिनदार डॉ. सागर तेली तसेच प्रसिद्ध तज्ञ डॉ. संजय राऊत, डॉ. जे. टी. पोळ, डॉ विक्रांत रसाळ, डॉ तेजस गांधी, डॉ सौं .राजश्री नाळे, डॉ संतोष गांधी,डॉ अलोक गांधी,डॉ महेश शिंदे, डॉ सौं दिव्या रसाळ,जेष्ठ डॉ सुभाष दोशी डॉ सौं अंकिता गांधी, डॉ सौं सई खराडे, डॉ. किरण शेंडे, फीजिओथेरपीस्ट डॉ समीर खोत व कणकवंदना हॉस्पिटल स्टाफ, ओंमकार भोईटे यांनी शिबिरास उपस्थिती राहून माऊलींसाठी सेवा दिली, शिबिराचे उदघाटन डॉ .संजय राऊत यांनी केले, या शिबिरास श्रीमंत संजीवराजे निंबाळकर (बाबा )माजी अध्यक्ष सातारा जिल्हा परिषद, सातारा यांनी सदिच्छा ...

 : JEE Main 2026 आणि NEET-UG 2026 या दोन्ही राष्ट्रीय स्तरावरील महत्त्वपूर्ण प्रवेश परीक्षांमध्ये उल्लेखनीय यश संपादन करणाऱ्या स्वराली निरंजन वेदपाठक हिचे तिच्या राहत्या घरी धुळदेव येथे जाऊन अभिनंदन करण्यात आले. यावेळी स्वरालीसह तिच्या आई-वडिलांचेही मनःपूर्वक स्वागत करून त्यांच्या आनंदात सहभागी होत शुभेच्छा देण्यात आल्या.स्वरालीने JEE Main 2026 सत्र 1 परीक्षेत 97.3886340 NTA स्कोअर प्राप्त केला आहे. तसेच NEET-UG 2026 परीक्षेत 720 पैकी 547 गुण मिळवत 97.9929946 पर्सेंटाइल प्राप्त केली असून, तिची NEET ऑल इंडिया रँक 40,123 आहे. अभियांत्रिकी आणि वैद्यकीय प्रवेशासाठीच्या या दोन्ही राष्ट्रीय स्तरावरील परीक्षांमध्ये तिने मिळविलेल्या उल्लेखनीय यशाबद्दल तिचे सर्वत्र कौतुक होत आहे.या यशाबद्दल रयत शिक्षण संस्थेच्या श्रीमानशेठ धन्यकुमार रतनचंद गांधी विद्यालय धुळदेव चे स्वरालीचे माजी शिक्षक तथा कर्मवीर भाऊराव पाटील विद्यालय, बिजवडी येथील प्रयोगशील, उपक्रमशील व विद्यार्थीप्रिय शिक्षक आयु. बाबासाहेब जगताप, कै. मल्हारराव सस्ते हायस्कूल, सस्तेवाडीचे प्रयोगशील व उपक्रमशील शिक्षक बजरंग गाय...

२२ जुलै ही निविदा भरण्याची शेवटची मुदत; २३ जुलै रोजी लिफाफे उघडणार,  सरडे (प्रतिनिधी): फलटण तालुक्यातील मौजे सरडे ग्रामपंचायत हद्दीतील तांडावस्ती सुधार योजना २०२५-२६ अंतर्गत रस्त्याच्या कामासाठी मागवण्यात आलेल्या निविदेवरून सध्या गावात मोठ्या प्रमाणात चर्चा रंगली आहे. सदर कामासाठी ग्रामपंचायत प्रशासनाकडून जाहीर निविदा प्रसिद्ध करण्यात आली असून, २२ जुलै २०२६ ही निविदा जमा करण्याची अंतिम तारीख आहे. तर २३ जुलै २०२६ रोजी सकाळी १०:०० वाजता ग्रामपंचायत कार्यालयात बंद लिफाफे उघडण्यात येणार आहेत. मात्र, प्रशासनाकडून निविदा प्रक्रियेत ठेवण्यात आलेल्या काही अटी व पारदर्शकता नसल्याच्या भीतीमुळे ग्रामस्थांमधून तीव्र सवाल उपस्थित केले जात आहेत. ही निविदा प्रक्रिया शासनाच्या नियमांमध्ये बसते का ..? हे पाहणे महत्वाचे आहे का  संबंधातील लोकांना दिशाभूल करण्याचा प्रयत्न तर नाही ना..?   जाहीर निविदेतील कामाचा तपशील:  कामाचे नाव: मौजे सरडे येथील चव्हाणवस्ती येथे रस्ता खडीकरण व डांबरीकरण करणे (ता. फलटण, जि. सातारा)   अंदाजित पत्रकीय रक्कम (अं.प.र.): रु. १०,००,०००/- ...

  सरडे, 17 जुलै 2026* क्रांतिसिंह नाना पाटील हायस्कूल, सरडे येथे आज _श्री संत ज्ञानेश्वर महाराज दिंडी सोहळ्याचे_ मोठ्या भक्तिभावात आयोजन करण्यात आले. महाराष्ट्र ही संतांची भूमी आहे. या संस्कृती आणि परंपरेचे संस्कार विद्यार्थ्यांच्या मनावर व्हावेत तसेच त्यांच्यामध्ये विविध मूल्ये रुजावीत या उद्देशाने हा दिंडी सोहळा आयोजित करण्यात आला होता, अशी माहिती या सोहळ्याचे प्रास्ताविक करणारे शाळेचे क्रीडाशिक्षक _श्री आप्पासाहेब वाघमोडे_ यांनी दिली. सर्व शिक्षकांच्या नियोजनाखाली संपूर्ण सोहळा पार पडला.सोहळ्याची आरती _युथ असोसिएशन संस्थेचे चेअरमन श्री शत्रुघ्न बेलदार_, _प्राथमिक शाळा सरडे गावठाण व्यवस्थापन समितीचे अध्यक्ष श्री अशोक बेलदार_, _हायस्कूलचे मुख्याध्यापक श्री अनिल खलाटे सर_ आणि _प्राथमिक शाळेचे श्री. गावडे सर_ यांच्या शुभहस्ते संपन्न झाली.या प्रसंगी दोन्ही शाळांचे सर्व शिक्षक, शिक्षकेतर कर्मचारी उपस्थित होते. प्राथमिक शाळेतील विद्यार्थांनी विठ्ठल रुक्माई तसेच संत ज्ञानेश्वर यांचे पोशाख परिधान करून सोहळ्याची शोभा वाढविली क्रांतिसिंह नाना पाटील हायस्कूलच्या विद्यार्थ्यांनी...

विद्यार्थ्यांच्या न्याय्य हक्कांसाठी फलटणमध्ये एकवटले सामाजिक कार्यकर्ते;      सोनम वांगचुक यांच्या आंदोलनाला पाठिंबा,  फलटण  आज शैक्षणिक क्षेत्रातील गैर प्रकाराची भयानक अवस्था पेपर फूटी हि समस्या नसून विकृती आहे*  *गरिब हा गरिबच राहणार धनदांडगे* **हे धनदांडगेच होणार याचे कारण हि सत्ता मूठभर धनदांडगे यांच्या कडे आहे*  *आज प्रत्येक क्षेत्रात मोठ्या *प्रमाणात खाजगीकरण*झाले* *आहे या खाजगीकरणामूळे या* *सारख्या भरपूर समस्या* *उदयास येत आहे*  *आज शिक्षणमंत्री धर्मेंद्र प्रधान यांनी राजीनामा दिलाच पाहिजे पेपर फूटी मूळे २१ विद्यार्थीनी आत्महत्या सारखा पर्याय निवडला याला कारणीभूत आहे राजकिय व्यवस्था यावरती योग्य तो निर्णय घ्यावा यासाठी आज तहसील कार्यालय या ठिकाणी एक दिवशीय धरणे आंदोलन केले या वेळी उपस्थित कालिदास चोरमले,निवृत्ती खताळ, नानासो गोवेकर, वैभव राज नरुटे, नितीन सुळ, गणेश कुंभार, विकास नाळे, सागर गावडे, मंगेश आवळे, कैलास रणदिवे, नाना हुलगे, विशाल माडकर,सोमनाथ मागाडे, सागर काकडे गोरख सुळ, रोहन डोंबाळे,दादा सुळ, प्रसाद जाधव, निखिल कुचेक...

फलटण (प्रतिनिधी): सरडे गावामध्ये आगामी निवडणुकीच्या पार्श्वभूमीवर 'तिसरी आघाडी' निर्माण होणार असल्याच्या चर्चा सोशल मीडियावर रंगू लागल्या आहेत. या चर्चांनी गावातील राजकीय वातावरण कमालीचे तापले असतानाच, आता एका मोठ्या राजकीय घराण्यातील युवा कार्यकर्त्याने थेट बंडाचे निशाण फडकावले आहे. गावातील एका प्रतिष्ठित आणि सर्वसामान्य जनतेशी जवळीक असणाऱ्या दिग्गज ज्येष्ठ नेत्याच्या घरातील तरुणाने, "गावात तिसरी आघाडी झाली, तर मी स्वतः स्वखर्चातून निवडणूक लढवणार," अशी रोखठोक घोषणा केल्यामुळे सरडे गावातील प्रस्थापित राजकारण्यांचे धाबे दणाणले आहेत. घरातील नेत्यांवर थेट प्रहार: "त्यांनी स्वतःचा फायदा केला, जनतेचा नाही" सोशल मीडियावरील तिसऱ्या आघाडीच्या वृत्तानंतर या युवा कार्यकर्त्याने आपली भूमिका अत्यंत आक्रमकपणे मांडली. आपल्याच घरातील ज्येष्ठ नेत्यांवर थेट निशाणा साधत तो म्हणाला, "आमच्या घरातील नेते मोठे असले, तरी त्यांनी आजवर फक्त स्वतःच्या घराचा फायदा केला आहे, जनतेचा कधीही विकास केला नाही. मी त्यांच्याच आडनावाचा आहे म्हणून मी त्यांच्या चुकीच्या धोरणांना ...