JEE Main व NEET-UG परीक्षेत उल्लेखनीय यश मिळविलेल्या स्वराली वेदपाठकचा सत्कार*


 : JEE Main 2026 आणि NEET-UG 2026 या दोन्ही राष्ट्रीय स्तरावरील महत्त्वपूर्ण प्रवेश परीक्षांमध्ये उल्लेखनीय यश संपादन करणाऱ्या स्वराली निरंजन वेदपाठक हिचे तिच्या राहत्या घरी धुळदेव येथे जाऊन अभिनंदन करण्यात आले. यावेळी स्वरालीसह तिच्या आई-वडिलांचेही मनःपूर्वक स्वागत करून त्यांच्या आनंदात सहभागी होत शुभेच्छा देण्यात आल्या.स्वरालीने JEE Main 2026 सत्र 1 परीक्षेत 97.3886340 NTA स्कोअर प्राप्त केला आहे. तसेच NEET-UG 2026 परीक्षेत 720 पैकी 547 गुण मिळवत 97.9929946 पर्सेंटाइल प्राप्त केली असून, तिची NEET ऑल इंडिया रँक 40,123 आहे. अभियांत्रिकी आणि वैद्यकीय प्रवेशासाठीच्या या दोन्ही राष्ट्रीय स्तरावरील परीक्षांमध्ये तिने मिळविलेल्या उल्लेखनीय यशाबद्दल तिचे सर्वत्र कौतुक होत आहे.या यशाबद्दल रयत शिक्षण संस्थेच्या श्रीमानशेठ धन्यकुमार रतनचंद गांधी विद्यालय धुळदेव चे स्वरालीचे माजी शिक्षक तथा कर्मवीर भाऊराव पाटील विद्यालय, बिजवडी येथील प्रयोगशील, उपक्रमशील व विद्यार्थीप्रिय शिक्षक आयु. बाबासाहेब जगताप, कै. मल्हारराव सस्ते हायस्कूल, सस्तेवाडीचे प्रयोगशील व उपक्रमशील शिक्षक बजरंग गायकवाड सर, प्रगत शिक्षण संस्थेचे जनसंपर्क अधिकारी सोमीनाथ घोरपडे सर तसेच सामाजिक कार्यकर्ते आयु. आनंद जगताप सर यांनी स्वरालीच्या राहत्या घरी जाऊन तिचे व तिच्या आई-वडिलांचे मनःपूर्वक अभिनंदन केले.यावेळी स्वरालीचे पुष्पगुच्छ व शाल देऊन स्वागत करण्यात आले. तसेच मिठाई भरवून तिच्या यशाचा आनंद साजरा करण्यात आला. उपस्थितांनी स्वरालीच्या पुढील शैक्षणिक वाटचालीसाठी मनःपूर्वक शुभेच्छा देत तिच्या जिद्द, मेहनत आणि गुणवत्तेचे कौतुक केले.आई-वडिलांचे प्रेम व पाठबळ, शिक्षकांचे मार्गदर्शन आणि स्वरालीने घेतलेली विशेष मेहनत यांच्या जोरावर तिने मिळविलेले हे यश विद्यार्थ्यांसाठी निश्चितच प्रेरणादायी आहे. सातत्यपूर्ण अभ्यास, योग्य मार्गदर्शन आणि दृढ इच्छाशक्तीच्या जोरावर मोठे यश संपादन करता येते, याचे स्वराली वेदपाठक हिचे यश हे उत्तम उदाहरण ठरले आहे.यावेळी स्वरालीचे शिक्षक बाबासाहेब जगताप सर यांनी स्वरालीच्या प्राथमिक व माध्यमिक शिक्षणातील जुन्या आठवणी सांगून तिच्यामधील जिज्ञासा, यश संपादन करण्यासाठी तिने प्राथमिक वर्गापासूनच घेतलेली कठोर मेहनत व जिद्दीचे कौतुक केले. त्यांनी जुन्या आठवणींना उजाळा देऊन स्वराली मध्ये असणाऱ्या गुणांचे कौतुक केले.

Comments

Post a Comment

Popular posts from this blog

11 साक्षीदार, DNA अहवाल असूनही आरोप सिद्ध नाहीत — बारामती सत्र न्यायालयाचा महत्त्वपूर्ण निर्णय

Image
बारामती, दि. 6 मे 2026 : सत्र प्रकरण क्र. 60/2017 मध्ये माननीय सत्र न्यायालय, बारामती यांनी आरोपी चंद्रकांत भोसले व अरुणा फसगे यांची निर्दोष मुक्तता केली आहे. हा निर्णय पुराव्यांच्या अभावामुळे व तपासातील त्रुटींमुळे देण्यात आला असून, न्यायालयाने “शंका परे सिद्धता” या तत्त्वाला प्राधान्य दिले. सदर गुन्हा यवत पोलिस स्टेशन, ता. दौंड, जि. पुणे येथे दाखल झाला होता. त्यानंतर हा खटला दौंड न्यायालयातून कमिटल होऊन बारामती येथील सत्र न्यायालयात चालू होता. अभियोजन पक्षाने भारतीय दंड संहिता कलम 375 व 376(2)(l) अंतर्गत गंभीर आरोप लावले होते. या प्रकरणात सरकार पक्षाने एकूण 11 साक्षीदार तपासले होते. तसेच पीडित ही मतिमंद असल्याने तिच्या साक्षीला न्यायालयाने महत्त्व दिले होते. तथापि, न्यायालयाने निरीक्षण नोंदवले की साक्षीदारांच्या जबाबांमध्ये लक्षणीय विसंगती आढळून आल्या असून, तपास अधिकाऱ्यांच्या तपासातही गंभीर त्रुटी आहेत. या सर्व बाबींचा एकत्रित विचार करता, आरोप प्रभावीपणे सिद्ध करण्यासाठी आवश्यक असलेली सुसंगतता व विश्वासार्हता आढळून आली नाही. विशेष म्हणजे, DNA अहवाल सकारात्मक असला तरी तो ...
Read more

सरडे गावचे सुपुत्र पुणे पोलीस दलातील कर्तव्यदक्ष अधिकारी विनोद मोरे यांचे दुःखद निधन

Image
फलटण: सरडे (ता. फलटण, जि. सातारा) गावचे सुपुत्र आणि पुणे येथे महाराष्ट्र पोलीस दलात कार्यरत असणारे पोलीस विनोद प्रताप मोरे यांचे अल्पशा आजाराने/अचानक दुःखद निधन झाले. त्यांच्या या अकाली निधनाने सरडे गावासह संपूर्ण फलटण तालुक्यावर आणि पोलीस दलावर शोककळा पसरली आहे. विनोद मोरे हे अत्यंत मनमिळाऊ, कर्तव्यनिष्ठ आणि सामाजिक जाणीव असणारे अधिकारी म्हणून परिचित होते. पुणे पोलीस दलात सेवा बजावत असताना त्यांनी आपल्या उत्कृष्ट कामगिरीचा ठसा उमटवला होता. आपल्या गावाबद्दल आणि मातीबद्दल त्यांना नेहमीच आपुलकी होती, त्यामुळे त्यांच्या जाण्याने मोरे कुटुंबासह सरडे गावाने एक उमदा आणि कर्तबगार सुपुत्र गमावला आहे. त्यांच्या पश्चात पत्नी, २ मुले, आई-वडील आणि मोठा आप्तपरिवार आहे. त्यांच्या निधनाचे वृत्त समजताच पोलीस दलातील स्थानिक लोकप्रतिनिधी, सामाजिक कार्यकर्ते आणि ग्रामस्थांनी तीव्र दुःख व्यक्त करत त्यांना भावपूर्ण श्रद्धांजली अर्पण केली आहे.
Read more

सांगवी सरपंच सनी मोरे यांचा भाजपमध्ये जोरदार प्रवेश; माजी खासदार नाईक निंबाळकरांच्या उपस्थितीत सोहळा

Image
नीरा नदीकाठच्या सांगवी गावातील विद्यमान सरपंच संतोष उर्फ सनी मोरे यांनी भारतीय जनता पार्टीत (भाजप) जाहीर सदस्यता घेतली. फलटण या ठिकाणी माजी खासदार रणजीतसिंह नाईक निंबाळकर, यांच्या उपस्थितीत हा प्रवेश पार पडला. सांगवी गावचे तरुण सरपंच सनी मोरे हे गावाच्या विकासात यशस्वी ठरले आहेत. गावातील विविध विकासकामे पूर्ण करण्यासाठी त्यांना भाजपचा आधार हवा असल्याचे सांगितले जाते.त्यांच्या या प्रवेशामुळे विडणी जिल्हा परिषद गटातील, पंचायत समिती गणात राजकीय समीकरणे बदलणार असल्याचे संकेत मिळत आहेत. सांगवीसारख्या सुंदर गावातून भाजपला नवीन बळ मिळाले आहे.
Read more