Satara Samrat

Posts

साप्ताहिक सातारा सम्राटच्या बातमीची धडक दखल! साखरवाडी-जिंती-फलटण रस्त्याचे काम अखेर सुरू

September 18, 2026

फलटण (विशेष प्रतिनिधी): साखरवाडी-जिंती-फलटण रस्त्याची झालेली अत्यंत दयनीय अवस्था, उखडलेले डांबर आणि खड्ड्यांचे साम्राज्य यांमुळे रुग्ण, शेतकरी व विद्यार्थ्यांचा जीव कसा धोक्यात आला आहे, याकडे 'साप्ताहिक सातारा सम्राट'ने प्रशासनाचे लक्ष वेधले होते. या प्रसिद्ध केलेल्या सडेतोड बातमीची सार्वजनिक बांधकाम विभागाने (PWD) तातडीने गंभीर दखल घेतली आहे. बातमी प्रसिद्ध होताच संबंधित प्रशासकीय यंत्रणा आणि लोकप्रतिनिधी हलले असून, रस्त्याच्या दुरुस्ती व खडीकरणाच्या कामाला प्रत्यक्ष सुरुवात करण्यात आली आहे. 'सातारा सम्राट'मध्ये प्रसिद्ध झालेल्या वृत्तामुळे आणि नागरिकांच्या आंदोलनाच्या इशार्यानंतर PWD विभागाने तातडीने यंत्रसामग्री आणि कर्मचारी घटनास्थळी पाठवून रस्ता दुरुस्तीचे काम हाती घेतले. खड्डे बुजवून रस्त्याचे सपाटीकरण व डांबरीकरणाचे प्राथमिक काम सुरू झाल्याने उपचारासाठी जाणारे रुग्ण, शेतीमाल वाहतूक करणारे शेतकरी आणि रोज प्रवास करणाऱ्या विद्यार्थ्यांमधून समाधान व्यक्त होत आहे. दीर्घकाळापासून प्रलंबित असलेल्या या गंभीर समस्येला वाचा ...

युवा उद्योजक शक्ती भाऊ धिवार यांचा वाढदिवस सामाजिक उपक्रमांनी साजरा होणार!

September 16, 2026

१७ सप्टेंबर रोजी सांगवी येथे विविध समाजोपयोगी उपक्रमांचे आयोजन सांगवी (ता. फलटण) : प्रतिनिधी — युवा उद्योजक, युवकांचे मार्गदर्शक आणि सामाजिक बांधिलकी जपणारे व्यक्तिमत्त्व शक्ती भाऊ धिवार यांचा वाढदिवस १७ सप्टेंबर रोजी सांगवी येथे विविध सामाजिक व समाजोपयोगी उपक्रमांच्या माध्यमातून साजरा करण्यात येणार आहे. वाढदिवसाचा आनंद केवळ शुभेच्छा व सत्कारापुरता मर्यादित न ठेवता समाजातील गरजू घटकांना मदतीचा हात देण्याचा संकल्प यानिमित्त करण्यात आला आहे. शक्ती भाऊ धिवार हे युवकांमध्ये विशेष लोकप्रिय असून, ग्रामीण भागातील युवकांना उद्योग-व्यवसायाची दिशा देण्यासोबतच त्यांना स्वतःच्या पायावर उभे राहण्यासाठी प्रोत्साहन देणारे युवा उद्योजक म्हणून त्यांची ओळख निर्माण झाली आहे. युवकांनी केवळ नोकरीच्या शोधात न राहता स्वतःचा व्यवसाय उभा करून इतरांसाठीही रोजगाराच्या संधी निर्माण कराव्यात, असा सकारात्मक विचार ते सातत्याने मांडत आहेत. ग्रामीण भागातील युवकांमध्ये मोठी क्षमता आहे. मात्र योग्य मार्गदर्शन, संधी आणि प्रोत्साहन मिळणे गरजेचे आहे. ही बाब लक्षात घेऊन युवकांना व्यवसायाच्या विविध संधींची माहिती...

साखरवाडीत रंगणार सुबकतेची जुगलबंदी! भोसले प्रतिष्ठानतर्फे 'भव्य गौरी सजावट स्पर्धा'; महिलांच्या कल्पकतेला मिळणार मानाचे व्यासपीठ

September 13, 2026

साखरवाडी (विशेष प्रतिनिधी): सळसळणारा उत्साह, मांगल्याचे वातावरण आणि महालक्ष्मीच्या आगमनाची ओढ... अशा भारावलेल्या वातावरणात साखरवाडी आणि परिसरातील महिलांच्या कलागुणांना, कल्पकतेला हक्काचे व्यासपीठ मिळवून देण्यासाठी श्री. गणपत विठ्ठल भोसले प्रतिष्ठान सज्ज झाले आहे. संस्थेच्या वतीने यंदा अत्यंत प्रतिष्ठेच्या आणि या भागातील आकर्षणाचा केंद्रबिंदू ठरणाऱ्या ‘भव्य गौरी सजावट स्पर्धेचे’ आयोजन करण्यात आले असून, यामुळे संपूर्ण परिसरात उत्सवाचा आनंद द्विगुणित होणार आहे. कै. गणपत विठ्ठल भोसले (ग. वि.भोसले सर) यांच्या शैक्षणिक, सामाजिक, सांस्कृतिक व धार्मिक कार्यातून प्रेरणा घेऊन, समाजातील सृजनशीलता आणि पर्यावरण रक्षणाचा संदेश घराघरात पोहोचवण्यासाठी या अनोख्या स्पर्धेचे आयोजन करण्यात आले आहे. पैलू स्पर्धेचे: भरघोस बक्षिसे आणि सन्मानचिन्हांची लयलूट! आपल्या कल्पकतेने आणि श्रद्धेने गौरीची आरास सजवणाऱ्या माहेरवाशिणींसाठी प्रतिष्ठानने तब्बल चार मोठ्या क्रमांकांची बक्षिसे जाहीर केली आहेत : 🏆 प्रथम पारितोषिक: रोख रक्कम ₹ ३,५००/- आणि सन्मानचिन्ह. 🥈 द्वितीय पारितोषिक: रोख रक्कम ₹ २,५००/- आणि सन...

फलटण, लोणंद अन् साखरवाडी परिसरात अल्पवयीन मुलांच्या हाती वाहने; अपघातांचा धोका वाढला, कडक कारवाईची मागणी

September 12, 2026

फलटण / लोणंद (प्रतिनिधी): नितीन जगताप फलटण शहरासह लोणंद आणि साखरवाडी परिसरात सध्या अल्पवयीन मुलांच्या हाती सर्रास दुचाकी आणि चारचाकी वाहने पाहायला मिळत आहेत. वाहतुकीच्या नियमांची कोणतीही माहिती नसताना अन् परवाना नसताना ही मुले अतिवेगाने आणि बेदरकारपणे वाहने पळवत असल्याने इतर पादचारी व वाहनधारकांच्या जिवाला मोठा धोका निर्माण झाला आहे. या प्रकारांकडे वाहतूक पोलीस आणि उपप्रादेशिक परिवहन विभागाने (RTO) तातडीने लक्ष देऊन कडक कारवाई करावी, अशी जोरदार मागणी नागरिक करत आहेत. सकाळी आणि संध्याकाळी शाळा, कॉलेज सुटण्याच्या वेळी तसेच ट्यूशन क्लासच्या परिसरात अल्पवयीन विद्यार्थ्यांचा भरधाव वेगाने गाड्या चालवण्याचा स्टंटबाजीचा थरार पाहायला मिळतो. ट्रिपल सीट प्रवास करणे, कानठळ्या बसवणारे सायलेन्सर वापरणे आणि गर्दीच्या ठिकाणी स्टंटबाजी करणे हे प्रकार आता नित्याचेच झाले आहेत. यामुळे फलटण, लोणंद आणि साखरवाडीच्या अंतर्गत रस्त्यांवर लहान-मोठे अपघात होण्याचे प्रमाण चिंताजनकरीत्या वाढले आहे. अल्पवयीन मुलांच्या हाती वाहने सोपवणाऱ्या पालकांची बेजबाबदार वृत्तीही या समस्येला कारणीभूत आहे. अपघाता...

गणेशोत्सवात डीजेला 'ना': फलटणमध्ये २५ शाळा-महाविद्यालयांच्या सहभागाने भव्य ध्वनीप्रदूषण विरोधी जनजागृती रॅली

September 12, 2026

फलटण: गणेशोत्सवाच्या काळात होणारे ध्वनीप्रदूषण टाळण्यासाठी आणि नागरिकांचे आरोग्य जपण्यासाठी फलटण शहर पोलीस ठाण्याच्या वतीने आज, दि. १२ सप्टेंबर २०२६ रोजी भव्य 'ध्वनीप्रदूषण विरोधी जनजागृती रॅली'चे आयोजन करण्यात आले. फलटण नगरपरिषद हद्दीतील २५ शाळा व महाविद्यालयांच्या संयुक्त सहभागाने ही रॅली अतिशय उत्साहात पार पडली. उत्सवाचा आनंद लुटताना डीजेचा अतिवापर आणि वाढत्या आवाजामुळे वृद्ध, लहान मुले आणि रुग्णांच्या आरोग्यावर विपरीत परिणाम होतो. या पार्श्वभूमीवर गणेशोत्सवात डीजे वाजवू नये, ध्वनीप्रदूषण टाळावे आणि उत्सव पर्यावरणपूरक पद्धतीने साजरा करावा, असा संदेश या रॅलीच्या माध्यमातून शहरवासीयांना देण्यात आला. रॅलीमध्ये विविध शाळा व महाविद्यालयांचे हजारो विद्यार्थी, शिक्षक आणि प्रतिनिधी मोठ्या संख्येने सहभागी झाले होते. विद्यार्थ्यांनी हातामध्ये जनजागृतीपर फलक धरून आणि विविध घोषणा देऊन परिसर दुमदुमून टाकला. 'ध्वनीप्रदूषणमुक्त फलटण' घडवण्यासाठी प्रत्येक नागरिकाने आणि गणेश मंडळाने सहकार्य करण्याचे आवाहन रॅलीदरम्यान करण्यात आले. फलटण शहर पोलीस ठाण्याकडून सर्व गणेशोत्सव म...

फलटण नगरपालिकेच्या आरोग्य सभापतींना उपोषणकर्त्यांचा विसर? नगराध्यक्ष व सभापतींच्या भूमिकेवर प्रश्न..? अक्षय तावरे

September 11, 2026

मुख्याधिकारी निखिल जाधव गोरक्षकांचा प्रश्न तात्काळ मार्गी लावा अन्यथा आत्महत्या करू - सौरभ सोनवणे केवळ मतांच्या राजकारणासाठी लोकप्रतिनिधींनी या संवेदनशील विषयाकडे दुर्लक्ष..? फलटण (प्रतिनिधी): फलटण नगरपालिकेच्या मालकीचा बेकायदेशीररीत्या सुरू असणारा कत्तलखाना कायमस्वरूपी बंद करावा, या मागणीसाठी सुरू असलेल्या आमरण उपोषणाचा आज चौथा दिवस उजाडला आहे. मात्र, चार दिवस उलटूनही पालिका प्रशासनाने अथवा लोकप्रतिनिधींनी याची कोणतीही दखल न घेतल्याने शिवसेना/गोरक्षक अक्षय तावरे यांनी पालिका प्रशासन आणि स्थानिक लोकप्रतिनिधींवर जोरदार घणाघाती टीका केली आहे. "मुख्याधिकारी कामाच्या बाबतीत 'दिसायला दांडगा अन् कामाला उंडगा'" असे बोलले आहे. मुख्याधिकारी निखिल जाधव यांनी आंदोलनस्थळी भेट देऊन चर्चा करण्याची तसदी घेतलेली नाही. यावर संताप व्यक्त करत अक्षय तावरे म्हणाले की, "मुख्याधिकारी केवळ दिसायला सक्षम असून कामाच्या बाबतीत मात्र 'दिसायला दांडगा आणि कामाला उंडगा' अशी त्यांची अवस्था आहे." पालिका प्रशासन संवेदनशीलतेचा पूर्णपणे अभाव दाखवत असल्याचा आरोपही त्यांनी ...

श्रावण संपल्यावर खायला मजा आहे मटण' आणि 'चुणचुण्या'

September 08, 2026

श्रावण महिना संपायला सुरुवात झाली आहे . गल्लीबोळातून, चौकातून फक्त एकाच गोष्टीची चर्चा सुरू होती—कधी एकदा श्रावण संपतोय आणि कधी ताटात झणझणीत रस्सा येतोय! एका गावात तिथेच शेजारी एक गृहस्थ मोठ्या उत्साहाने सर्वांना सांगत होते, "भाऊ, काहीही म्हणा... श्रावण संपल्यावर मटण खायला जी मजा आहे ना, ती कशातच नाही!" तिथे उभ्या असलेल्या एका तरुणाने सहज विचारले, "काका, एवढं कौतुकाने सांगताय, मग मटण नक्की कसलं आवडतं तुम्हाला? बोकडाचं, शेळीचं, की अजून कसलं?" ते गृहस्थ थोडे अडखळले, मान खाजवत म्हणाले, "अहो, ते कसले प्रकार मला काय माहीत! मटण म्हणजे मटण! ताटात आलं, की खायचं... आपल्याला फक्त मटणाशी मतलब!" त्यांचे हे बोलणे ऐकून बाजूलाच बसलेले एक अनुभवी वृद्ध शेतकरी हसले आणि म्हणाले, "काका, तुमची गोष्ट तर अगदी त्या 'काजू' समजून 'चुणचुण्या' खाणाऱ्या माणसासारखी झाली!" तरुणाने उत्सुकतेने विचारले, "बाबा, म्हणजे काय?" वृद्धाने सांगायला सुरुवात केली, "एक माणूस स्वतःला खूप मोठा खवय्या समजायचा. तो जिथे जाईल तिथे, 'मला काजूशिवाय दु...

फलटण नगरपालिका मुख्याधिकार्‍यांच्या आलिशान केबिन ला वाळवी..!

September 08, 2026

खर्चावर नागरिकांचा तीव्र संताप! नुकसानीची भरपाई कोणाकडून होणार? फलटण (विशेष प्रतिनिधी): फलटण नगरपालिकेचा ढिसाळ आणि संशयास्पद कारभार पुन्हा एकदा चव्हाट्यावर आला आहे. मुख्याधिकार्‍यांच्या केबिनचे लाखो रुपये खर्चून केलेले फर्निचर वाळवीने खाऊन टाकल्याची धक्कादायक बाब समोर आली असून, यामुळे प्रशासनाच्या निकृष्ट दर्जाच्या कामाचा बोगसपणा उघडा पडला आहे. जनतेच्या करातून झालेला हा अवाढव्य खर्च आता वाया गेल्याने, या नुकसानीची भरपाई संबंधित ठेकेदार आणि जबाबदार अधिकार्‍यांच्या खिशातून वसूल करावी, असा संतप्त सवाल फलटणकर विचारत आहेत. मुख्याधिकारी कार्यालयात अचानक एसी (Air Conditioner) बसवल्यामुळे आणि योग्य व्हेंटिलेशन (हवा खेळती) नसल्याने निर्माण झालेल्या दमट वातावरणामुळे लाकडाला वाळवी लागल्याची चर्चा रंगली आहे. मुख्याधिकार्‍यांना कार्यालयात सोयी-सुविधा किंवा एसी बसवण्याचे प्रशासकीय अधिकार आहेत का ..? त्यासाठी सार्वजनिक निधीची उधळपट्टी करणे कितपत योग्य आहे? फर्निचर करताना 'अँटी-टर्माइट' (वाळवी प्रतिबंधक) प्रक्रिया का केली गेली नाही? अवघ्या काही दिवसांत लाकूड खराब होणे हे...

अनुसूचीत जाती उपवर्गीकरणाविरोधात १० सप्टेंबरला फलटणमध्ये विराट 'संविधान समर्थन मोर्चा'

September 08, 2026

फलटण: महाराष्ट्र शासनाकडून अनुसूचित जाती (S.C.) प्रवर्गाच्या आरक्षणात 'अ, ब, क, ड' असे उपवर्गीकरण करण्याच्या हालचाली सुरू असून, या उपवर्गीकरणाला तीव्र विरोध दर्शवण्यासाठी येत्या गुरुवार, दिनांक १० सप्टेंबर २०२६ रोजी फलटण येथे 'उपवर्गीकरण विरोधी संविधान समर्थन मोर्चा' चे आयोजन करण्यात आले आहे. आरक्षणातील या उपवर्गीकरणामुळे अनुसूचित जातीतील सर्व ५९ घटकांना आणि विशेषतः आगामी पिढीला मोठा फटका बसणार आहे. १३ टक्के आरक्षणाचे तुकडे झाल्यास शिक्षण घेणारे विद्यार्थी आणि स्पर्धा परीक्षांची तयारी करणाऱ्या गुणवंतांवर बेरोजगारीची कुऱ्हाड कोसळेल, अशी भीती समाजातील विविध घटकांकडून व्यक्त केली जात आहे. या संदर्भात मंगळवार पेठ येथील डॉ. बाबासाहेब आंबेडकर स्मृती भवनात विविध समाजप्रमुखांची महत्त्वपूर्ण बैठक पार पडली. यामध्ये बौद्ध, चर्मकार, हिंदू खाटीक, बुरुड, हिंदू ढोर, होलार, वाल्मिकी, मेहतर आणि रुखी समाजासह विविध घटक जातींच्या प्रमुखांनी उपवर्गीकरणाविरोधात एकमुखाने आवाज उठवला असून मोर्चात पूर्ण ताकदीने उतरण्याचा निर्धार व्यक्त केला आहे. मोर्चाचे नियोजन खालीलप्रमाणे: दिनांक: ...

मराठा आरक्षणाच्या मागणीसाठी उद्या 'सातारा जिल्हा बंद' आणि 'चक्का जाम'; फलटण तालुक्यातील साखरवाडी दुपारी १ वाजेपर्यंत कडकडीत बंद

September 06, 2026

फलटण/साखरवाडी: - प्रतिनिधी, नितीन जगताप. मराठा आरक्षणाच्या मागणीसाठी जालना जिल्ह्यातील अंतरावली सराटी येथे संघर्षयोद्धा मनोज जरांगे-पाटील यांच्या सुरू असलेल्या आमरण उपोषणातील मागण्या राज्य शासनाने मान्य न केल्याच्या निषेधार्थ सकल मराठा समाजाच्या वतीने सोमवार, दि. ७ सप्टेंबर रोजी संपूर्ण सातारा जिल्हा बंद आणि 'चक्का जाम' आंदोलनाचे जाहीर आवाहन करण्यात आले आहे. या जिल्हास्तरीय आंदोलनाला पाठिंबा दर्शवण्यासाठी फलटण तालुक्यातील साखरवाडी येथे दुपारी १ वाजेपर्यंत कडकडीत बंद पाळण्यात येणार आहे. व्यापारी, व्यावसायिक व नागरिकांचा उत्स्फूर्त पाठिंबा मराठा क्रांती मोर्चा, फलटण तालुक्यातील साखरवाडी परिसरात फलक लावून स्थानिक बंदची अधिकृत घोषणा करण्यात आली आहे. "एक मराठा लाख मराठा" आणि "संघर्षयोद्धा जरांगे पाटील यांच्या उपोषण समर्थनात साखरवाडी दुपारी १ वाजेपर्यंत बंद राहील" असा स्पष्ट संदेश या फलकाद्वारे देण्यात आला आहे. या आवाहनाला प्रतिसाद देत साखरवाडीतील सर्व व्यापारी, व्यावसायिक, दुकानदार आणि वाहनधारकांनी एकत्र येत आपापली दुकाने व प्रतिष्ठाने दुपारी १ वाजेपर...

पर्यावरण संवर्धनाचा विचार जपत कालकथित उत्तम विठ्ठलराव घोरपडे यांचे अस्थिसंकलन व पुण्यानुमोदन विधी संपन्न

September 05, 2026

फलटण : आज शनिवार, दिनांक ५ सप्टेंबर २०२६ रोजी सासकल येथे कालकथित उत्तम विठ्ठलराव घोरपडे यांच्या अस्थिसंकलन व पुण्यानुमोदन विधीचा कार्यक्रम शांततापूर्ण वातावरणात विधिवतरीत्या संपन्न झाला. पर्यावरण संवर्धनाचा विचार जपत अस्थींचे नदी अथवा जलाशयात विसर्जन न करता वृक्षाच्या सान्निध्यात जमिनीत विसर्जन करून त्यावर नारळाचे रोप लावण्यात आले. अस्थी पाण्यात प्रवाहित केल्यामुळे होणारे जलप्रदूषण टाळून, मृत्यूनंतर पंचस्कंधांपैकी पृथ्वीधातूचे शरीरातील अस्थी व इतर धातू पुन्हा मातीमध्ये विलीन व्हावेत, या भावनेतून हा पर्यावरणपूरक उपक्रम करण्यात आला. अस्थींचे जमिनीत विसर्जन करून त्याच ठिकाणी नारळाचे झाड लावण्यात आल्याने, दिवंगत व्यक्तीच्या स्मृती जपत निसर्ग संवर्धनाचा संदेशही देण्यात आला. निसर्गाच्या सान्निध्यात हा विधी पार पाडताना जीवनाची अनित्यता आणि मानवाचे निसर्गाशी असलेले अतूट नाते यांची जाणीव अधिक प्रकर्षाने झाली. या प्रसंगी कुटुंबीय, नातेवाईक व आप्तेष्ट उपस्थित होते. त्यामध्ये कालकथित उत्तम विठ्ठलराव घोरपडे यांचे चिरंजीव आयु. किशोर उत्तम घोरपडे, त्यांच्या मुली पल्लवी, दीपिका व रुपाली, प...

जिल्हा परिषद स्वीकृत सदस्यपदासाठी माजी सनदी अधिकारी विश्वासराव भोसले यांना संधी द्या: पूर्व भागातील सर्व समाजातील नागरिकांची मागणी

September 05, 2026

जनतेच्या व शेतकऱ्यांच्या हक्कासाठी लढणारा विकासाचा पूर्व भागाचा चेहरा ...विश्वासराव भोसले जिल्हा परिषद स्वीकृत सदस्यपदासाठी माजी सनदी अधिकारी विश्वासराव भोसले यांना संधी द्या: पूर्व भागातील सर्व समाजातील नागरिकांची मागणी सातारा: रायगड जिल्ह्यात राज्यस्तरीय यशवंत अभियानात शासनाने व पंतप्रधानांनी विशेष उपक्रमासाठी गौरवलेले, श्री विश्वासराव भोसले माजी सनदी अधिकारी यांची सातारा जिल्हा परिषदेच्या स्वीकृत सदस्यपदावर भारतीय जनता पार्टीने नियुक्ती द्यावी, अशी जोरदार मागणी सातारा जिल्ह्यातील पूर्व भागातील नागरिकांमधून केली जात आहे. एक अनुभवी आणि निवृत्तीनंतर देखील सतत सामाजिक तसेच ग्रामीण भागाच्या विकासासाठी योगदान देणारे, यांच्या गावाची तालुक्यातून मुख्यमंत्री अभियानामध्ये निवड झाली, अशा अधिकाऱ्यास भारतीय जनता पार्टीच्या माध्यमातून ही संधी दिल्यास जिल्ह्याच्या विकासाला एक वेगळी गती मिळेल, असा विश्वास सर्वसामान्यांतून व्यक्त होत आहे. विश्वासराव भोसले यांनी आपल्या प्रशासकीय सेवाकाळात रायगड जिल्हा परिषदेमध्ये कुपोषण मुक्त रायगड, टँकर मुक्त रायगड आणि तंटामुक्त रायगड म्हणून विशेष कार्य ...

सांगवीत मोरे सरपंचांचा दरारा अन् माणुसकीचा झरा!"चुकीला माफी नाही, विकासात तडजोड नाही" – विरोधकांचे खोडसाळ प्रयत्न अपुरे

September 04, 2026

सांगवी (विशेष प्रतिनिधी): "चुकीला माफी नाही आणि विकासकामांत चुकीचं काही करायचं नाही... आपल्याला कोणी छेडलं तर सोडायचं नाही!" याच रोखठोक आणि बाणेदार वृत्तीने सांगवी ग्रामपंचायतीचा कारभार हाकणारे सनी मोरे सरपंच सध्या एका बाजूला कडक शिस्त आणि दुसऱ्या बाजूला माणुसकीचा झरा म्हणून ओळखले जात आहेत. गावात कोट्यवधी रुपयांची विकासकामे धडाक्याने केली असताना, काही विघ्नसंतोषी नागरिकांकडून मात्र नाहक त्रास दिला जात असल्याचा प्रकार समोर येत आहे. सनी मोरे सरपंचांनी पदभार स्वीकारल्यापासून सांगवी गावाचा चेहरामोहरा बदलून टाकला आहे. रस्ते, पाणी, वीज, आणि स्वच्छतेचे प्रश्न मार्गी लावत त्यांनी सर्वसामान्यांच्या मनात आदराचे स्थान मिळवले आहे. नियमाला धरून काम करणे आणि चुकीच्या गोष्टींना थारा न देणे ही त्यांची कार्यशैली आहे. अन्यायाविरुद्ध ठाम उभे राहणे आणि गावात शिस्त राखणे यांमुळे त्यांचा एक वेगळाच दरारा निर्माण झाला आहे. मातीशी नातं अन् माणुसकीची जपवणूक एकीकडे प्रशासकीय कामात कडक शिस्त असली, तरी दुसऱ्या बाजूला गोरगरीब, वृद्ध आणि गरजूंसाठी सरपंचांचे हात सदैव मदतीसाठी पुढे असतात. गावातील...

कृषी विभागाच्या आकृतिबंधाविरोधात आंदोलनाचा इशारा

September 04, 2026

२१ सप्टेंबरपासून बेमुदत कामबंद; ७ सप्टेंबरला पुण्यात धरणे आंदोलन पुणे : कृषी विभागातील सध्याचा अपारदर्शक व अतांत्रिक आकृतिबंध पूर्णपणे रद्द करून सर्वसमावेशक तज्ज्ञ समितीमार्फत नवीन आकृतिबंध तयार करावा, अशी मागणी महाराष्ट्र राज्य कृषी सेवा महासंघासह विविध कृषी अधिकारी-कर्मचारी संघटनांनी केली आहे. याबाबत २८ ऑगस्ट रोजी कृषी आयुक्तांसोबत झालेल्या बैठकीत संघटनांच्या मागण्यांवर ठोस निर्णय झाला नसल्याचे प्रसिद्धीपत्रकात नमूद करण्यात आले आहे. शेतकरी, युवक, कृषी पदवीधर तसेच वाढत्या कार्यव्यापानुसार सक्षम व तांत्रिक मनुष्यबळ उपलब्ध करून देण्याची मागणी संघटनांनी केली आहे. आंदोलनाच्या पहिल्या टप्प्यात ३ सप्टेंबरला लेखणी बंद, तर ७ सप्टेंबरला कृषी आयुक्तालय, पुणे येथे सामूहिक रजा घेऊन धरणे आंदोलन करण्यात येणार आहे. ९ सप्टेंबरपासून शासनाच्या सर्व ॲप्लिकेशन्सवर बहिष्कार, ११ सप्टेंबरला लॅपटॉप जमा, तसेच १५ ते १८ सप्टेंबरदरम्यान शासकीय सभा व ऑनलाइन कामकाजावर बहिष्कार घालण्यात येणार आहे. मागण्या मान्य न झाल्यास २१ सप्टेंबरपासून बेमुदत कामबंद आंदोलन करण्याचा इशारा महासंघाने दिला आहे. शेतकरी व क...

आरक्षणातील फुटीविरोधात फलटणमध्ये ५८ जातींचा महामोर्चा धडकणार

September 04, 2026

फलटण: अनुसूचित जाती (SC) प्रवर्गातील उपवर्गीकरणाबाबत आलेल्या सर्वोच्च न्यायालयाच्या निकालामुळे सामाजिक ऐक्याला तडा जाण्याची आणि आरक्षणाचे अस्तित्व धोक्यात येण्याची गंभीर शक्यता निर्माण झाली आहे. या अन्यायकारक निकालाचा निषेध नोंदवण्यासाठी आणि आरक्षणातील फूट रोखण्यासाठी फलटण शहरात SC प्रवर्गातील ५८ जातींच्या वतीने भव्य 'महामोर्चा' आयोजित करण्यात येणार आहे. आरक्षणाचे वर्गीकरण झाल्यास अनुसूचित जाती प्रवर्गाची मोठी हानी होणार असून, हा निर्णय भविष्यात समाजाला पुन्हा पारतंत्र्याकडे घेऊन जाणारा ठरू शकतो, असा थेट इशारा सामाजिक कार्यकर्त्यांनी दिला आहे. SC प्रवर्गासाठी असणारे आरक्षण हे संपूर्ण समाजाला एकत्र बांधून ठेवणारा मुख्य धागा आहे. त्यात फूट पाडून समाजात वाद निर्माण करण्याचा प्रयत्न करणाऱ्या शक्तींचा या मोर्चाच्या माध्यमातून जाहीर निषेध केला जाणार आहे. या ऐतिहासिक महामोर्चाची रूपरेषा, निश्चित तारीख आणि पुढील आंदोलनाची दिशा ठरवण्यासाठी येत्या दोन-तीन दिवसांत अनुसूचित जाती प्रवर्गातील सर्व घटकांची संयुक्त बैठक पार पडणार आहे. समाजसेवकांना सहभागाचे आवाहन या लढ्याला व्यापक स...

MTS, मंथन व NMMS परीक्षेतील गुणवंत विद्यार्थ्यांचा सत्कार

September 02, 2026

_व्हिजन अकॅडमीच्या विद्यार्थ्यांचे उल्लेखनीय यश; गुणवंत विद्यार्थ्यांचा मान्यवरांच्या हस्ते गौरव_ फलटण : कोळकी, फलटण येथील व्हिजन अकॅडमीच्या विद्यार्थ्यांनी MTS, मंथन तसेच NMMS परीक्षांमध्ये उल्लेखनीय यश संपादन केले. या गुणवंत विद्यार्थ्यांचा सत्कार समारंभ उत्साहपूर्ण वातावरणात संपन्न झाला. या सोहळ्यास मुधोजी महाविद्यालय, फलटणचे प्रा. डॉ. प्रकाश शिंदे तसेच मौजे चव्हाणवाडी येथील सामाजिक कार्यकर्ते हणमंत शिंदे प्रमुख पाहुणे म्हणून उपस्थित होते. मान्यवरांच्या हस्ते गुणवंत विद्यार्थ्यांचा सत्कार करण्यात आला. NMMS परीक्षेत प्रांजल दीपक येळे हिने उल्लेखनीय यश संपादन करून व्हिजन अकॅडमीच्या शैक्षणिक गुणवत्तेत भर घातली. मंथन परीक्षेत अक्षरा पखाले, शौर्यराज जगताप, प्रांजल दीपक येळे, राजवर्धन प्रकाश घोंगडे आणि कैवल्य विजय बोरावके यांनी गौरवचिन्ह मिळवून यश संपादन केले. तसेच MTS परीक्षेत राज मधुकर साळुंखे, शंभूराज शंकर लोंढे, शिवन हनुमंत लोंढे, प्रांजल दीपक येळे, अपेक्षा रामचंद्र मोरे, यश निलेश महाजन, अक्षरा संतोष पखाले, प्रणव प्रकाश शिंदे आणि आरोही रामचंद्र मोरे यांनी गोल्ड मेडल प...

डॉ. विजय काशिनाथ कदम यांना मानद डॉक्टरेट (Doctor Honoris Causa) पुरस्कार प्रदान

September 01, 2026

रायगड: स्त्री शिक्षण आणि विशेष वकिली (Educating Women & Speciality Advocacy) या क्षेत्रातील उल्लेखनीय योगदानाबद्दल डॉ. विजय काशिनाथ कदम यांना 'ऑनररी डॉक्टरेट अवॉर्ड फाउंडेशन' (HDAF) कडून मानद डॉक्टरेट (Doctor Honoris Causa) पदवी देऊन सन्मानित करण्यात आले आहे. ३० ऑगस्ट २०२६ रोजी महाराष्ट्र राज्यातील रायगड येथे आयोजित विशेष पुरस्कार सोहळ्यात हा बहुमान प्रदान करण्यात आला. डॉ. कदम यांनी महिला शिक्षणाचा प्रसार आणि सामाजिक जागृती क्षेत्रात केलेल्या प्रदीर्घ कार्याची, नेतृत्वाची आणि निष्ठेची दखल घेऊन फाउंडेशनतर्फे हा सन्मान करण्यात आला. पुरस्काराची मुख्य वैशिष्ट्ये: पुरस्कार प्राप्तकर्ते: डॉ. विजय काशिनाथ कदम क्षेत्र: स्त्री शिक्षण आणि विशेष वकिली (Educating Women & Speciality Advocacy) आयोजक संस्था: ऑनररी डॉक्टरेट अवॉर्ड फाउंडेशन (HDAF - Regd. No. 2026/12/IV/595) दिनांक व ठिकाण: ३० ऑगस्ट २०२६, रायगड (महाराष्ट्र) प्रमुख उपस्थिती: एच.डी.ए.एफ. चे अध्यक्ष आर. के. जैन आणि दिल्ली युनिव्हर्सिटीचे प्रा. डॉ. धीरज सिंग यांच्या स्वाक्षरीने हे सन्मानपत्र प्रदान करण्यात आले. य...

फलटण तहसील कार्यालय परिसरात उभ्या गाडीवर झाड कोसळले; वाहनाचे मोठे नुकसान!

August 31, 2026

फलटण येथील तहसील कार्यालयाच्या पाठीमागील बाजूस भोंगळे बिल्डिंग शेजारी असलेल्या परिसरात आज एक मोठे झाड उभ्या असलेल्या गाडीवर कोसळल्याची खळबळजनक घटना घडली. या दुर्घटनेत संबंधित वाहनाचे मोठे नुकसान झाले असून, सुदैवाने कोणतीही जीवितहानी झाली नाही. मात्र, धोकादायक झाडांकडे होणाऱ्या दुर्लक्षाचा मुद्दा पुन्हा एकदा ऐरणीवर आला आहे. मिळालेल्या माहितीनुसार, तहसील कार्यालयाच्या पाठीमागील मोकळ्या जागेत दररोज प्रशासकीय कामासाठी येणारे नागरिक व कर्मचारी आपली वाहने पार्क करतात. नेहमीप्रमाणे आज तेथे पार्क केलेल्या एका वाहनावर अचानक एक जुने व धोकादायक बनलेले झाड मोठ्या फांद्यांसह कोसळले. झाड पडल्याचा मोठा आवाज होताच परिसरातील नागरिकांनी व कर्मचाऱ्यांनी घटनास्थळी धाव घेतली. झाड थेट गाडीच्या बोनेट टपावर पडल्यामुळे गाडीचा नुकसान झाले आहे. सुदैवाने, झाड कोसळले त्या क्षणी गाडीत किंवा गाडीच्या शेजारी कोणीही उपस्थित नव्हते, ज्यामुळे मोठा अनर्थ टळला. तहसील कार्यालय आवारात अनेक जुनी, वाळलेली व धोकादायक झाडे उभी आहेत. याची पाहणी करून झाडे अपघातास कारणीभूत ठरू शकतात ती काढून टाकावीत , स...

संजय गांधी निराधार योजनेसाठीची दारिद्र्य रेषेची अट तात्काळ रद्द करा; समय फाउंडेशनची माण तहसीलदारांकडे निवेदनाद्वारे मागणी

August 28, 2026

म्हसवड / दहिवडी: सामाजिक न्याय व विशेष सहाय्य विभागांतर्गत राबवल्या जाणार्‍या संजय गांधी निराधार योजना, श्रावणबाळ योजना, इंदिरा गांधी राष्ट्रीय वृद्धपकाळ/विधवा/दिव्यांग निवृत्ती वेतन योजना इत्यादी योजनांसाठी शासनाने २४ मार्च २०२६ च्या परिपत्रकानुसार दारिद्र्य रेषेखालील (BPL) दाखला अनिवार्य केला आहे. या जाचक अटीमुळे गेल्या चार महिन्यांपासून पात्र व गरजू विधवा, परित्यक्त्या, घटस्फोटित, दिव्यांग व्यक्ती आणि अनाथ बालके या योजनेच्या लाभापासून वंचित राहत असून त्यांच्यावर उपासमारीची वेळ आली आहे. ही अन्यायकारक अट तात्काळ रद्द करण्यात यावी, अशी मागणी 'समय फाउंडेशन' (गोंदवले बु।।) च्या वतीने माण तालुक्याचे तहसीलदार यांना निवेदनाद्वारे करण्यात आली आहे. २४ वर्षांत निराधार झालेल्यांचा समावेश कसा होणार? निवेदनात नमूद केल्याप्रमाणे, दारिद्र्य रेषेचे सर्वेक्षण २००२ साली झाले असून २०११ पासून ग्रामपंचायतींनी BPL दाखले देणे बंद केले आहे. असे असताना मागील २४ वर्षांमध्ये ज्या महिला निराधार झाल्या, दिव्यांग झाले अथवा अनाथ झाले, त्यांचा समावेश २००२ च्या जुन्या यादीत कसा असू शकतो? हा अत्यं...