कपाळावरचा टिळा हा केवळ औक्षणाचा संस्कार नाही, तो बहिणीच्या सन्मानाचे, सुरक्षिततेचे आणि आयुष्यभर साथ देण्याच्या वचनाचे प्रतीक असावा! प्रवीण बागडे साहित्यिक आणि सामाजिक विश्लेषक, नागपूर  मो.क्र. ९९२३६२०९१९ --------------------------------           भारतीय संस्कृतीत काही नाती रक्ताच्या नात्यापलीकडे जाऊन मनाच्या गाभाऱ्यात घर करतात. भाऊ आणि बहिणीचे नाते त्यापैकीच एक! कधी बालपणीच्या भांडणांतून उमललेले, कधी एकाच ताटात जेवताना घट्ट झालेले, तर कधी संकटाच्या काळात एकमेकांच्या पाठीशी उभे राहत अधिक समृद्ध झालेले हे नाते आयुष्यभर माणसाला भावनिक आधार देत असते. दिवाळीच्या उत्सवात भाऊबीज हा दिवस या नात्याच्या प्रेमाला, विश्वासाला आणि आपुलकीला उजाळा देतो. बहिण भावाला ओवाळते, कपाळावर टिळा लावते, औक्षण करते आणि त्याच्या दीर्घायुष्याची प्रार्थना करते. भाऊही बहिणीला भेटवस्तू देतो, तिच्या सुखाची काळजी घेण्याचे आश्वासन देतो पण या सगळ्या विधींच्या पलीकडे एक प्रश्न महत्त्वाचा आहे, भाऊबीजेला दिलेले प्रेम आणि संरक्षणाचे वचन आपण वर्षभर पाळतो का?        ...

कोळकी (प्रतिनिधी):  एकीकडे संपूर्ण देशासह परिसरात प्रकाशाचा आणि समृद्धीचा महापर्व ‘दिवाळी’ मोठ्या उत्साहात साजरी केली जात आहे. नागरिक घरे सजवण्यात, रोषणाई करण्यात आणि सणाचा आनंद लुटण्यात मग्न आहेत. मात्र, दुसरीकडे कोळकी येथील काही अपार्टमेंट'मधील रहिवाशांना याच सणाच्या दिवसांत हंडाभर पाण्यासाठी तीव्र संघर्ष करावा लागत आहे. "सत्ताधारी मात्र स्वतः मजेत दिवाळी साजरी करत आहेत, त्यांना जनतेच्या दुःखाशी काहीही देणे-घेणे उरलेले नाही," असा संतप्त सवाल येथील नागरिक विचारत आहेत. कोळकी येथील अपार्टमेंटमध्ये गेल्या काही दिवसांपासून पाण्याचा प्रचंड तुटवडा निर्माण झाला आहे. ऐन सणासुदीच्या दिवसांत घराघरांत पाण्यासाठी महिला, बालके आणि ज्येष्ठांना वणवण करावी लागत आहे. स्थानिक ग्रामपंचायत सदस्य असोत वा कर्मचारी, नागरिकांनी वारंवार तक्रारी करूनही या समस्येकडे पूर्णपणे दुर्लक्ष केले जात आहे. तक्रार घेऊन गेल्यावर केवळ आश्वासने दिली जातात, परंतु प्रत्यक्ष कामात मात्र शून्य प्रगती दिसून येत आहे. नागरिकांनी आपला संताप व्यक्त करताना सांगितले की, "घरपट्टी किंवा पाणीपट्टीची वेळ आल...

फलटण (प्रतिनिधी): हजारो विद्यार्थ्यांचे शिक्षण केंद्र असलेल्या फलटण येथील प्रसिद्ध यशवंतराव चव्हाण हायस्कूलच्या आवारात फटाके स्टॉल थाटण्यास तहसीलदार कार्यालयाकडून परवानगी देण्यात आल्याचा धक्कादायक प्रकार समोर आला आहे. या निर्णयामुळे हजारो विद्यार्थ्यांच्या सुरक्षेचा आणि जिवाचा प्रश्न निर्माण झाला असून, प्रशासनाच्या या कारभाराविरुद्ध पालक, सामाजिक कार्यकर्ते आणि नागरिकांमधून तीव्र संताप व्यक्त केला जात आहे. मिळालेल्या माहितीनुसार, तालुक्यातील अग्रगण्य आणि गजबजलेली शाळा म्हणून यशवंतराव चव्हाण हायस्कूलची ओळख आहे. येथे दररोज हजारो विद्यार्थी शिक्षण घेतात. अशा अत्यंत संवेदनशील आणि गर्दीच्या ठिकाणी फटाके स्टॉलसाठी शाळेची जागा भाडेतत्त्वावर देण्यात आल्याचे बोलले जात आहे. ग्रामीण भागात फटाके स्टॉलला परवानगी देताना नियमांची कडक अंमलबजावणी करणाऱ्या प्रशासनाने शहरातील मध्यवर्ती ठिकाण आणि मुख्य शाळेच्या आवारात ही परवानगी कशी दिली? यामागे काही आर्थिक व्यवहार झाले आहेत का? असा थेट सवाल आता स्थानिक नागरिक उपस्थित करत आहेत.  या शिक्षण संस्थेत विद्यार्थ्यांच्या जिवाशी होणारा हा खेळ अजिब...

सासकल : प्रतिनिधी महाराष्ट्र शासनाच्या कृषी विभागामार्फत राबविण्यात येत असलेल्या महिला शेतकरी सक्षमीकरण अधिनियम, २०२६ अंतर्गत महिला शेतकरी प्रमाणपत्र अर्ज संकलन, ग्रामसभेची मान्यता आणि प्रमाणपत्र वितरणाच्या उत्कृष्ट कार्याबद्दल सासकल येथील कृषी सेवारत्न तथा सहाय्यक कृषी अधिकारी श्री. सचिन जाधव यांचा तालुका कृषी अधिकारी फलटण मा दत्तात्रय गायकवाड यांच्या वतीने प्रशस्तीपत्र देऊन गौरव करण्यात आला. या उपक्रमात त्यांनी फलटण तालुक्यात प्रथम क्रमांक मिळविला आहे. श्री. सचिन जाधव यांनी सासकल येथे ४१२, तर महाराष्ट्र राज्यातील पहिले ‘फळांचे गाव’ म्हणून ओळख असलेल्या धुमाळवाडी येथे २९९ असे एकूण ७११ महिला शेतकरी प्रमाणपत्र अर्ज संकलित केले. या अर्जांना २ ऑक्टोबर रोजी आयोजित ग्रामसभांमध्ये मान्यता मिळवून प्रमाणपत्र वितरणाची प्रक्रिया यशस्वीपणे राबविण्यात त्यांनी महत्त्वपूर्ण योगदान दिले. महिला शेतकऱ्यांना अधिकृत ओळख मिळवून देणे, शासकीय कृषी योजनांचा लाभ घेण्यासाठी सक्षम करणे आणि महिला सक्षमीकरणाला चालना देणे या उद्देशाने त्यांनी केलेल्या उल्लेखनीय कार्याची कृषी विभागाने दखल घेतली. या उत्क...

फलटण- श्री कलिकुंड पार्श्वनाथ सिद्धातिशय क्षेत्र, कुंडलच्या कार्यकारिणी मध्ये कार्यकारणी सदस्य म्हणून निवड झाल्याबद्दल श्री प्रीतम कोठारी तसेच सातारा जिल्हा भाजपा जैन प्रकोष्ट फलटण प्रतिनिधी म्हणून निवड झाल्या बद्दल श्री. राहुल शहा यांचा जैन सोशल ग्रुप फलटण मार्फत अध्यक्ष श्री,श्रीपाल जैन व इव्हेंटचेअर पर्सन श्री. तुषार शहा यांच्या हस्ते सन्मानचिन्ह, मोत्याची माळ व श्रीफळ देऊन उचित सत्कार करण्यात आला.      यावेळी JSG सचिव सौ. नीना कोठारी, माजी अध्यक्ष श्री. राजेंद्र कोठारी,श्री.सचिन शहा, संगिनी फोरम माजी अध्यक्षां सौ. अपर्णा जैन JSG सहसचिव श्री. हर्षद गांधी, सौ.पूजा कोठारी, सौ. मुक्ती शहा तसेच बहुसंख्य जैन सोशल ग्रुप सदस्य उपस्थित होते.       यावेळी बोलताना जैन सोशल ग्रुप अध्यक्ष श्री.श्रीपाल जैन यांनी श्री.प्रीतम कोठारी व श्री.राहुल शहा यांच्या निवडीने फलटण ला बहुमान मिळाल्याचे सांगून दोघांचे अभिनंदन करूण भावी कार्यास शुभेच्छा दिल्या.

फलटण: सातारा जिल्हा मध्यवर्ती सहकारी बँकेच्या संचालकमंडळ निवडणुकीत फलटण सोसायटी मतदारसंघातून मा. श्रीमंत संजीवराजे नाईक निंबाळकर (बाबा) आणि अनुसूचित जाती व जमाती मतदारसंघातून मा. आमदार श्री. दीपकराव चव्हाण साहेब यांची संचालकपदी भव्य निवड झाली आहे. या दणदणीत विजयाची बातमी समजताच फलटण येथील निवासस्थानाबाहेर समर्थकांनी व कार्यकर्त्यांनी एकत्र येत प्रचंड जल्लोष केला.   विजयी बातमी पसरताच कार्यकर्त्यांनी गुलालाची उधळण करत, फटाक्यांची आतिषबाजी केली आणि जोरदार घोषणाबाजीने परिसर दुमदुमून टाकला. लाडक्या नेत्यांच्या निवडीमुळे सहकार क्षेत्रात आणि संपूर्ण तालुक्यात आनंदाचे वातावरण पसरले आहे. या विजयानंतर बोलताना कार्यकर्त्यांनी विश्वास व्यक्त केला की, या दोन्ही मान्यवरांच्या खंबीर नेतृत्वाखाली सातारा जिल्हा मध्यवर्ती सहकारी बँकेच्या प्रगतीला आणि ग्रामीण सहकार क्षेत्राच्या विकासाला अधिक बळ व नवी दिशा मिळेल. दिवसभरात विविध क्षेत्रातील मान्यवर, राजकीय पदाधिकारी नेत्यांचे मनःपूर्वक अभिनंदन केले व पुढील वाटचालीस शुभेच्छा दिल्या.  

सिबिल स्कोअरच्या (CIBIL Score) कडक कारवाईतून सवलत का नाही? राज्य शासनाने दुष्काळजन्य परिस्थिती लक्षात घेऊन शेतकऱ्यांना व ग्रामीण भागातील नागरिकांना मोठा दिलासा देण्यासाठी सर्व प्रकारच्या शासकीय, बँकिंग व पतसंस्थांच्या कर्जवसुलीस स्थगिती देण्याचा निर्णय जाहीर केला आहे. मात्र, हा निर्णय केवळ कागदावरच तात्पुरता दिलासा देणारा ठरत असून, शासन निर्णयात (GR) असलेल्या अत्यंत गंभीर त्रुटींमुळे भविष्यात गरीब शेतकरी आणि सर्वसामान्य नागरिकांचे मोठे नुकसान होणार असल्याचे स्पष्ट होत आहे, असा सडेतोड आरोप सामाजिक कार्यकर्ते वैभव गिते यांनी केला आहे. शासनाने दुष्काळात कर्जवसुली थांबवण्याचे आदेश बँकांना दिले असले, तरी हप्ते थकल्यामुळे बँका संबंधित कर्जदारांची माहिती 'सिबिल' (CIBIL) किंवा क्रेडिट रेटिंग संस्थांना पाठवतात. यामुळे दुष्काळात हप्ता भरू न शकलेल्या गरीब शेतकरी आणि सर्वसामान्यांचा 'सिबिल स्कोअर' खराब होत आहे. भविष्यात जेव्हा दुष्काळ संपेल आणि या नागरिकांना पुन्हा नवीन कर्ज, व्यवसायासाठी मदत किंवा मुलांच्या शिक्षणासाठी कर्जाची गरज भासेल, तेव्हा खराब सिबिल स्कोअरमुळे बँ...

दिनांक 2/11/2026 रोजी सोलापूर येथे जिल्हाधिकारी कार्यालयात सफाई कर्मचारी यांच्या समस्यांवर बैठक संपन्न झाली.जिल्हाधिकारी यांच्यावतीने अप्पर उपजिल्हाधिकारी यांनी ही बैठक घेतली नॅशनल दलित मुव्हमेंट फॉर जस्टीस या संघटनेचे राज्य सचिव वैभव गिते यांनी सफाई कर्मचाऱ्यांचे अनेक प्रकारचे प्रश्न मांडले यामध्ये सफाई कर्मचाऱ्यांना डॉ.बाबासाहेब आंबेडकर श्रमसाफल्य योजनेअंतर्गत मोफत सदनिका द्याव्यात. लाड-पागे समितीच्या शिफारशीनुसार वारसाहक्काने शासकीय नोकरी द्याव्यात. सफाई कामगारांचा फेरसर्वे करून पुनर्वसन करावे.सफाई कामगारांच्या पाल्यांना शिष्यवृत्ती देण्यात यावी.ग्रामपंचायत, नगरपालिका, महानगरपालिका मधील सर्व कर्मचाऱ्यांना किमान वेतन कायद्यानुसार मासिक वेतन द्यावे. सर्व स्थानिक व नागरी स्वराज्य संस्थांमधील सफाई कर्मचाऱ्यांची यादी नावासह जिल्हा कार्यालयाला मागवून घ्यावी.या मागण्यांसह इतर मुद्दे मांडले यावर अध्यक्ष यांनी तात्काळ कार्यवाही करण्यात येईल असे सांगितले. त्याचबरोबर नगरपालिका व नगर परिषदेचे प्रमुख महानगरपालिकांचे प्रतिनिधी यांनी अस्वच्छ काम करणाऱ्या कामगारांच्या पाल्यांना शिष्यवृ...

नियम धाब्यावर, हॉटेल सह इतर ठिकाणी हप्त्यांचा खेळ सुरू? फलटण: फलटण तालुक्यात राज्य उत्पादन शुल्क विभागाच्या (State Excise Department) हलगर्जीपणामुळे ग्रामीण भागापासून ते शहरी भागापर्यंत अनधिकृत मद्यविक्री आणि अवैध धंदे जोमात सुरू असल्याचा गंभीर आरोप नागरिकांमधून होत आहे. नियमांची काटेकोर अंमलबजावणी करण्याची जबाबदारी असलेल्या अधिकाऱ्यांनी या प्रकाराकडे डोळेझाक केल्यामुळे "काम कोणाचे आणि काम करते कोण?" असा संतप्त सवाल सर्वसामान्य नागरिकांमधून विचारला जात आहे. राज्य उत्पादन शुल्क विभागाच्या माध्यमातून नियम आणि अटींचे पालन करणे बंधनकारक असताना, प्रत्यक्षात मात्र अनेक ठिकाणी हे नियम कागदावरच राहिल्याचे चित्र पाहायला मिळत आहे. शहर असो वा ग्रामीण भाग, कागदोपत्री केवळ नावालाच नावांची यादी ठेवून प्रत्यक्षात मात्र हप्त्यांच्या जोरावर अवैध धंदे राजरोसपणे सुरू ठेवण्यात येत असल्याची चर्चा जोर धरत आहे. कारवाईच्या नावाखाली केवळ औपचारिकता पूर्ण केली जात असून, याप्रकरणी संबंधित यंत्रणेचे अधिकारी 'झोपेचे सोंग' घेत आहेत का, असा प्रश्न उपस्थित होत आहे. फलटण तालुक्यातील या अना...

फलटण,  फलटण तालुका शिक्षण विभागाच्या वतीने शैक्षणिक क्षेत्रातील उल्लेखनीय व आदर्श कार्याबद्दल दिला जाणारा तालुकास्तरीय आदर्श शिक्षक पुरस्कार नुकताच मोठ्या उत्साहात प्रदान करण्यात आला. जि.प.प्राथ. शाळा सरडे बंगला येथील उपशिक्षक यांना त्यांच्या उत्कृष्ट व समर्पित अध्यापन कार्यासाठी हा सन्मान मिळाला. आदरणीय माजी खासदार श्री. रणजितसिंह नाईक-निंबाळकर आणि फलटण पंचायत समितीच्या शिक्षण सभापती कु. शिवांजली विक्रमसिंह भोसले यांच्या शुभहस्ते व इतर मान्यवरांच्या प्रमुख उपस्थितीत हा पुरस्कार प्रदान करण्यात आला.  दीपप्रज्वलन आणि छत्रपती शिवाजी महाराजांच्या प्रतिमेस पुष्पहार अर्पण करून कार्यक्रमाची सुरुवात झाली. उपस्थित मान्यवरांच्या हस्ते सन्मानचिन्ह, मानपत्र आणि पुष्पगुच्छ देऊन सरडे बंगला शाळेच्या उपशिक्षकांचा गौरव करण्यात आला.  यावेळी बोलताना माजी खासदार रणजितसिंह नाईक-निंबाळकर यांनी शिक्षकांचे समाजघटन आणि विद्यार्थ्यांच्या उज्ज्वल भविष्यातील योगदान अमूल्य असल्याचे सांगून, शिक्षक हाच समाजाचा खरा शिल्पकार असल्याचे गौरवोद्गार काढले. शुभेच्छांचा वर्षाव: शिक्षण सभापती कु. शिव...

फलटण / विशेष प्रतिनिधी: सण-उत्सव म्हटलं की रोषणाई, फटाके, अवाजवी खर्च आणि दिखाव्याची चढाओढ हे आजच्या काळातील वास्तव बनले आहे. मात्र, या चकाकत्या दिखाव्यापेक्षा सामाजिक बांधिलकी श्रेष्ठ मानत, 'आयडियल इंटरनॅशनल स्कूल'च्या संस्थापक अध्यक्षा डॉ. वैशाली विजय शिंदे यांनी घेतलेला एक निर्णय संपूर्ण फलटण तालुक्यात आणि शैक्षणिक वर्तुळात चर्चेचा विषय ठरला आहे. या वर्षी राज्यातील अनेक भागांत ओढावलेल्या गंभीर दुष्काळी परिस्थितीचे तीव्र भान ठेवून, त्यांनी यंदाची दिवाळी अत्यंत साधेपणाने व संवेदनशीलतेने साजरी करण्याचा कौतुकास्पद निर्णय घेतला आहे. दिवाळीच्या काळात वैयक्तिक आनंद साजरा करताना होणारा अनावश्यक खर्च, दिखावा किंवा फोटोशूट यांसारख्या गोष्टींना पूर्ण फाटा देत, तोच संपूर्ण निधी दुष्काळजन्य परिस्थितीमुळे हवालदिल झालेल्या बळीराजाला आणि मुक्या पशुधनाच्या चारा-पाण्यासाठी देण्याची घोषणा त्यांनी केली आहे. 'हीच आमची खरी दिवाळी!' या निर्णयामागील भूमिका स्पष्ट करताना डॉ. वैशाली शिंदे म्हणतात, "वाजत-गाजत व मोठ्या प्रमाणावर खर्च करून आनंद साजरा करण्यापेक्षा, आज संकटात सापड...

फलटण : फलटण तालुक्यातील सांगवी येथे दुर्गादौड व ग्रामप्रदक्षिणेदरम्यान ध्वजपूजनाच्या कार्यक्रमात एका महिलेने लोखंडी रॉडने मारहाण करत धार्मिक भावना दुखावल्याची घटना समोर आली आहे. याप्रकरणी फलटण ग्रामीण पोलीस ठाण्यात गुन्हा दाखल करण्यात आला असून, पोलीस उपनिरीक्षक दीपक ज्ञानदेव पवार या गुन्ह्याचा तपास करत आहेत.   फिर्यादी मयूर दत्तात्रय घोरपडे (वय ३४, रा. सांगवी, ता. फलटण) यांनी दिलेल्या फिर्यादीनुसार, २० ऑक्टोबर २०२६ रोजी सकाळी सांगवी गावामध्ये दुर्गादौड निमित्त ग्रामप्रदक्षिणा व राहुल उर्फ संतोष सूर्यवंशी यांच्या घरासमोरील डांबरी रस्त्यावर ध्वजपूजनाचा कार्यक्रम सुरू होता. या कार्यक्रमात गावातील लहान मुले, तरुण आणि नागरिक सहभागी झाले होते.   सकाळी ७:३५ वाजlas दरम्यान, गावातील कलमा बशीर मुळाणी ही हातात लोखंडी रॉड घेऊन तिथे आली आणि दुर्गादौडमधील लोकांना उद्देशून, "तुमच्या लोकांचा आठ दिवस काय तमाशा चाललाय, ही असली नाटकं बंद करा, ही काय देवाची जागा आहे का?" असे म्हणत वाद घालू लागली. तसेच छत्रपती शिवाजी महाराजांबद्दल अपशब्द वापरून आक्षेपार्ह वक्तव्ये केली व उपस्थित नागरिकां...

मुख्यमंत्री यांच्या घोषणेनंतर नव्याने  स्थापित झालेल्या अनन्य विशेष न्यायालयामध्ये सागर शेजवळ खून प्रकरणाची सुनावणी घेण्यात यावी.अशी मागणी वैभव गीते राज्यसचिव नॅशनल दलित मुव्हमेंट फॉर जस्टीस  यांनी केली आहे. वैभव जी गीते हे अहिल्यानगर जिल्ह्याच्या दौऱ्यावर असताना त्यांनी शिर्डी येथे सागर शेजवळ हत्याकांडातील त्यांचा लहान भाऊ आकाश शेजवळ यांची भेट देऊन या खुनाच्या खटले ची सर्व माहिती व हकीकत जाणून घेतली.आणि पत्रकारांशी बोलताना त्यांनी सांगितलं की महाराष्ट्र शासनाने एन.डी.एम.जे संघटनेच्या पुराव्याच्यानंतर महाराष्ट्रामध्ये पाच अनन्य विशेष न्यायालय स्थापन करण्याचा शासन निर्णय विधी व न्याय विभागाने जारी केलेला आहे मुख्यमंत्री महोदयांच्या अंतर्गत झालेल्या राज्यस्तरीय उच्च अधिकार दक्षता व नियंत्रण समितीच्या बैठकीमध्ये मुख्यमंत्र्यांनी ज्या जिल्ह्यांमध्ये जास्त गुन्हे आहेत. त्या जिल्ह्यांमध्ये अनन्य विशेष न्यायालय स्थापन करण्यात ते निर्देश दिले होते त्या अनुषंगानेच विधी व न्याय विभागाने जी.आर पारित केलेला आहे आणि त्यामध्ये अहिल्यानगर जिल्ह्यामध्ये एक अनन्य विशेष न्यायालय स्थ...

सोलापूर : नागरिकांमध्ये सायबर गुन्ह्यांविषयी जागरूकता निर्माण करण्यासाठी सोलापूर शहर पोलिस दल सातत्याने प्रयत्नशील आहेत. ऑनलाइन फसवणूक त्यामध्ये बनावट लिंक, ओटीपीची मागणी, सोशल मीडिया फसवणूक, डिजिटल अरेस्ट, शेअर बाजार गुंतवणूक अशा सायबर गुन्ह्यांपासून सावध राहा. आपली वैयक्तिक व आर्थिक माहिती अनोळखी व्यक्तींना देऊ नका. तंत्रज्ञानाचा वापर करताना सजगता, सतर्कता आणि सुरक्षितता बाळगणे हीच सायबर गुन्ह्यांपासून बचावाची गुरुकिल्ली असल्याचे सायबर तज्ञांनी सांगितले. यावेळी सोलापूर शहरातील ७५ ते ८० पत्रकार बांधव सहभागी झाले होते. सोलापूर शहर पोलिस आयुक्तालय व क्राइम पत्रकार संघाच्यावतीने शनिवारी पोलिस आयुक्तालयात माननीय पोलीस आयुक्त श्री एम राज कुमार यांचे मार्गदर्शनात पत्रकारांसाठी सायबर जनजागृती व सायबर क्राईम संदर्भातील कार्यशाळा पार पडली. यावेळी पोलिस उपायुक्त (गुन्हे) डॉ. अश्विनी पाटील, पोलिस उपायुक्त (परिमंडल) श्री प्रितम यावलकर, सहाय्यक पोलिस आयुक्त (गुन्हे) श्री दिलीप पवार, गुन्हे शाखेचे वरिष्ठ पोलिस निरीक्षक श्री अरविंद माने व क्राइम पत्रकार संघाचे अध्यक्ष श्री विशाल भांगे य...

प्रांताधिकारी बी.आर.माळी, तहसीलदार मदन जाधव व गटविकास अधिकारी जस्मिन शेख यांचे आभारी आहोत... पंकज काटे जिल्हाध्यक्ष एन.डी.एम.जे    मंगळवेढा / प्रतिनिधी: मंगळवेढा तालुक्यातील खडकी, बावची, नांदूर आणि शिरनांदगी या गावांमधील अनेक गरजू नागरिकांना घरकुले बांधण्यासाठी गायरान जमिनीतील प्रत्येकी ५०० स्क्वेअर फूट जागा मिळवून देण्यात यश आले आहे, अशी माहिती नॅशनल दलीत मुव्हमेंट फॉर जस्टिस या संघटनेचे राज्य सचिव वैभव गिते यांनी दिली आहे.   तत्कालीन सोलापूर जिल्हाधिकारी कुमार आशीर्वाद यांनी प्रधानमंत्री आवास योजना सर्वांसाठी घरे या योजनेअंतर्गत मंजूर प्रकल्पासाठी अंमलबजावणी करणाऱ्या यंत्रणांना शासकीय जमीन वाटप करण्यासाठीचे दिशा निर्देश यासाठी सुधारित परिपत्रक महसूल विभागाच्या वतीने काढण्यात आली होते. यानुसार गाव निहाय जागा मागणीचे प्रस्ताव सादर करण्याबाबत दिशानिर्देश देण्यात आले होते. संबंधित गटविकास अधिकारी,तहसीलदार यांनी उपविभागीय अधिकारी तथा प्रांताधिकारी यांचे कडे जागा मागणीचे प्रस्ताव सादर करण्याचे निर्देश देखील जिल्हाधिकारी यांनी दिले होते.  त्यानुसार सोलापू...

सातारा, दि. :- दुष्काळाच्या पार्श्वभूमीवर माण, खटाव आणि फलटण या तीन तालुक्यांमधील तब्बल ४९ गावे आणि २६५ वाड्या सध्या पाणीटंचाईचा सामना करत आहेत. या बाधित भागातील ६२ हजार ८९२ लोकसंख्या आणि ४४ हजार ३४१ पशुधनाची तहान भागवण्यासाठी प्रशासनाकडून सध्या ३९ टँकरद्वारे पाणीपुरवठा केला जात आहे. माण तालुक्यातील ३८ गावे आणि २२४ वाड्यांमधील ५१ हजार ७९६ नागरिक व ४१ हजार १४१ पशुधन टंचाईने प्रभावित झाले आहेत. येथे टंचाईवर मात करण्यासाठी १ शासकीय आणि ३२ खाजगी अशा एकूण ३३ टँकरद्वारे पाण्याचा पुरवठा सुरू आहे. खटाव तालुक्यातील ९ गावे आणि ३९ वाड्यांमधील ९ हजार ७२४ नागरिक व ३ हजार १५५ पशुधनाला ५ खाजगी टँकरद्वारे पाणीपुरवठा केला जात आहे. फलटण तालुक्यात २ गावे आणि २ वाड्यांमधील १ हजार ३७२ लोकसंख्या व ४५ पशुधनाला १ खाजगी टँकरद्वारे पाणीपुरवठा सुरू आहे. तसेच एकूण १० विहिरी व १० बोअरवेल अधिग्रहित करण्यात आल्या आहेत.

ॲड.अमोल सोनवणे यांच्या प्रभावी युक्तिवादांमुळे सहआरोपी सावत्र आईची निर्दोष मुक्तता! बारामती | प्रतिनिधी अल्पवयीन मुलीवर वारंवार लैंगिक अत्याचार करून तिला गर्भवती केल्याप्रकरणी बारामती येथील अतिरिक्त जिल्हा व सत्र न्यायालयाने पीडितेच्या वडिलांना जन्मठेपेची शिक्षा सुनावली आहे. तसेच पीडितेला पाच लाख रुपये नुकसानभरपाई देण्याचे आदेश दिले आहेत. याच प्रकरणातील सहआरोपी सावत्र आईची मात्र न्यायालयाने निर्दोष मुक्तता केली. एकाच खटल्यात मुख्य आरोपीला शिक्षा, तर सहआरोपीची निर्दोष मुक्तता झाल्याने या निकालाकडे लक्ष वेधले गेले आहे. वीटभट्टीवरील वास्तव्यातील घटना या प्रकरणातील मुख्य आरोपी हा पीडितेचा वडील आहे. सन २०२२ मध्ये तो पीडिता आणि तिच्या सावत्र आईसह वीटभट्टीवर कामासाठी आला होता. २७ डिसेंबर २०२२ पासून वडिलांनी अल्पवयीन मुलीवर वारंवार लैंगिक अत्याचार केल्याचा आणि याबाबत कोणाला सांगितल्यास जीवे मारण्याची धमकी दिल्याचा आरोप होता. पीडिता गर्भवती असल्याची माहिती समोर आल्यानंतर वीटभट्टी मालकाच्या पत्नीने तिच्या नातेवाईकांशी संपर्क साधून घटनेची माहिती दिली. त्यानंतर पीडितेला उपचारासाठी शासक...

राज्य सचिव वैभव गीते यांच्या मार्गदर्शनाखाली फलटण शहर व तालुक्यातील पदाधिकाऱ्यांचा पुढाकार; अर्ज प्रक्रियेपासून प्रस्ताव सादर करण्यापर्यंत मिळणार मदत फलटण (प्रतिनिधी) : अनुसूचित जाती व नवबौद्ध घटकांतील पात्र स्वयंसहायता बचत गटांना शासनाच्या मिनी ट्रॅक्टर योजनेचा लाभ मिळवून देण्यासाठी नॅशनल दलित मूव्हमेंट फॉर जस्टिस (NDMJ) संघटनेने पुढाकार घेतला आहे. संघटनेचे राज्य सचिव वैभव गीते साहेब यांच्या मार्गदर्शनाखाली फलटण शहर व तालुक्यातील NDMJ पदाधिकारी पात्र नागरिकांना या योजनेसाठी विनामूल्य मार्गदर्शन व सहकार्य करणार आहेत. शासनाच्या विविध योजनांचा लाभ घेण्यासाठी अनेकदा नागरिकांना पात्रता, आवश्यक कागदपत्रे, अर्ज प्रक्रिया आणि प्रस्ताव सादर करण्याबाबत अडचणींचा सामना करावा लागतो. त्यामुळे पात्र असूनही काही लाभार्थी योजनांपासून वंचित राहतात. ही परिस्थिती लक्षात घेऊन NDMJ संघटनेच्या माध्यमातून मिनी ट्रॅक्टर योजनेची माहिती नागरिकांपर्यंत पोहोचविणे, बचत गटांची पात्रता तपासण्याबाबत मार्गदर्शन करणे, आवश्यक कागदपत्रांची पूर्तता आणि संबंधित शासकीय कार्यालयात प्रस्ताव सादर करण्याच्या प्रक्रि...

क्रीडा व युवक सेवा संचालनालय महाराष्ट्र राज्य पुणे जिल्हा क्रीडा परिषद आणि जिल्हा क्रीडा अधिकारी कार्यालय सातारा यांच्या संयुक्त विद्यमाने आयोजित जिल्हास्तरीय सॉफ्ट टेनिस स्पर्धा २०२६ -२७ क्रांतिसिंह नाना पाटील हायस्कूल सरडे मधील खेळाडूंनी उल्लेखनीय कामगिरी केली आहे या स्पर्धेत उत्कृष्ट खेळाचे प्रदर्शन करीत 17 वर्षीय वयोगटातून प्रथमेश लतेश वाघमोडे यांनी तृतीय क्रमांक मिळवून व 14 वर्षे वयोगटातून कु .आकांक्षा बाबासो शेंडगे हिने चतुर्थ क्रमांक मिळवून कोल्हापूर विभागीय सॉफ्ट टेनिस स्पर्धेसाठी निवड झाली आहे त्यांच्या या यशामुळे सरडे गावच्या क्रीडा क्षेत्रात आनंदाचे वातावरण निर्माण झाले आहे क्रांतिसिंह नाना पाटील हायस्कूल मधील १४ व १७ वर्षे वयोगटातील खेळाडूंनी आपली कौशल्य जिद्द मेहनत आणि खेळातील शिस्त यांच्या जोरावर आपली छाप पाडली त्यांच्या या यशामागे मार्गदर्शक क्रीडाशिक्षक श्री आप्पासाहेब वाघमोडे सर यांचे मोलाचे मार्गदर्शन लाभले योग्य प्रशिक्षण आणि सातत्यपूर्ण सरावाच्या जोरावर त्यांनी हे यश संपादन केले असून आगामी विभागीय स्पर्धेत ही ते उत्कृष्ट कामगिरी करतील असा विश्वास व्यक्...