सांगवी (विशेष प्रतिनिधी): "चुकीला माफी नाही आणि विकासकामांत चुकीचं काही करायचं नाही... आपल्याला कोणी छेडलं तर सोडायचं नाही!" याच रोखठोक आणि बाणेदार वृत्तीने सांगवी ग्रामपंचायतीचा कारभार हाकणारे सनी मोरे सरपंच सध्या एका बाजूला कडक शिस्त आणि दुसऱ्या बाजूला माणुसकीचा झरा म्हणून ओळखले जात आहेत. गावात कोट्यवधी रुपयांची विकासकामे धडाक्याने केली असताना, काही विघ्नसंतोषी नागरिकांकडून मात्र नाहक त्रास दिला जात असल्याचा प्रकार समोर येत आहे. सनी मोरे सरपंचांनी पदभार स्वीकारल्यापासून सांगवी गावाचा चेहरामोहरा बदलून टाकला आहे. रस्ते, पाणी, वीज, आणि स्वच्छतेचे प्रश्न मार्गी लावत त्यांनी सर्वसामान्यांच्या मनात आदराचे स्थान मिळवले आहे. नियमाला धरून काम करणे आणि चुकीच्या गोष्टींना थारा न देणे ही त्यांची कार्यशैली आहे. अन्यायाविरुद्ध ठाम उभे राहणे आणि गावात शिस्त राखणे यांमुळे त्यांचा एक वेगळाच दरारा निर्माण झाला आहे. मातीशी नातं अन् माणुसकीची जपवणूक एकीकडे प्रशासकीय कामात कडक शिस्त असली, तरी दुसऱ्या बाजूला गोरगरीब, वृद्ध आणि गरजूंसाठी सरपंचांचे हात सदैव मदतीसाठी पुढे असतात. गावातील...

२१ सप्टेंबरपासून बेमुदत कामबंद; ७ सप्टेंबरला पुण्यात धरणे आंदोलन पुणे : कृषी विभागातील सध्याचा अपारदर्शक व अतांत्रिक आकृतिबंध पूर्णपणे रद्द करून सर्वसमावेशक तज्ज्ञ समितीमार्फत नवीन आकृतिबंध तयार करावा, अशी मागणी महाराष्ट्र राज्य कृषी सेवा महासंघासह विविध कृषी अधिकारी-कर्मचारी संघटनांनी केली आहे. याबाबत २८ ऑगस्ट रोजी कृषी आयुक्तांसोबत झालेल्या बैठकीत संघटनांच्या मागण्यांवर ठोस निर्णय झाला नसल्याचे प्रसिद्धीपत्रकात नमूद करण्यात आले आहे. शेतकरी, युवक, कृषी पदवीधर तसेच वाढत्या कार्यव्यापानुसार सक्षम व तांत्रिक मनुष्यबळ उपलब्ध करून देण्याची मागणी संघटनांनी केली आहे. आंदोलनाच्या पहिल्या टप्प्यात ३ सप्टेंबरला लेखणी बंद, तर ७ सप्टेंबरला कृषी आयुक्तालय, पुणे येथे सामूहिक रजा घेऊन धरणे आंदोलन करण्यात येणार आहे. ९ सप्टेंबरपासून शासनाच्या सर्व ॲप्लिकेशन्सवर बहिष्कार, ११ सप्टेंबरला लॅपटॉप जमा, तसेच १५ ते १८ सप्टेंबरदरम्यान शासकीय सभा व ऑनलाइन कामकाजावर बहिष्कार घालण्यात येणार आहे. मागण्या मान्य न झाल्यास २१ सप्टेंबरपासून बेमुदत कामबंद आंदोलन करण्याचा इशारा महासंघाने दिला आहे. शेतकरी व क...

फलटण: अनुसूचित जाती (SC) प्रवर्गातील उपवर्गीकरणाबाबत आलेल्या सर्वोच्च न्यायालयाच्या निकालामुळे सामाजिक ऐक्याला तडा जाण्याची आणि आरक्षणाचे अस्तित्व धोक्यात येण्याची गंभीर शक्यता निर्माण झाली आहे. या अन्यायकारक निकालाचा निषेध नोंदवण्यासाठी आणि आरक्षणातील फूट रोखण्यासाठी फलटण शहरात SC प्रवर्गातील ५८ जातींच्या वतीने भव्य 'महामोर्चा' आयोजित करण्यात येणार आहे. आरक्षणाचे वर्गीकरण झाल्यास अनुसूचित जाती प्रवर्गाची मोठी हानी होणार असून, हा निर्णय भविष्यात समाजाला पुन्हा पारतंत्र्याकडे घेऊन जाणारा ठरू शकतो, असा थेट इशारा सामाजिक कार्यकर्त्यांनी दिला आहे. SC प्रवर्गासाठी असणारे आरक्षण हे संपूर्ण समाजाला एकत्र बांधून ठेवणारा मुख्य धागा आहे. त्यात फूट पाडून समाजात वाद निर्माण करण्याचा प्रयत्न करणाऱ्या शक्तींचा या मोर्चाच्या माध्यमातून जाहीर निषेध केला जाणार आहे. या ऐतिहासिक महामोर्चाची रूपरेषा, निश्चित तारीख आणि पुढील आंदोलनाची दिशा ठरवण्यासाठी येत्या दोन-तीन दिवसांत अनुसूचित जाती प्रवर्गातील सर्व घटकांची संयुक्त बैठक पार पडणार आहे. समाजसेवकांना सहभागाचे आवाहन या लढ्याला व्यापक स...

_व्हिजन अकॅडमीच्या विद्यार्थ्यांचे उल्लेखनीय यश; गुणवंत विद्यार्थ्यांचा मान्यवरांच्या हस्ते गौरव_  फलटण : कोळकी, फलटण येथील व्हिजन अकॅडमीच्या विद्यार्थ्यांनी MTS, मंथन तसेच NMMS परीक्षांमध्ये उल्लेखनीय यश संपादन केले. या गुणवंत विद्यार्थ्यांचा सत्कार समारंभ उत्साहपूर्ण वातावरणात संपन्न झाला. या सोहळ्यास मुधोजी महाविद्यालय, फलटणचे प्रा. डॉ. प्रकाश शिंदे तसेच मौजे चव्हाणवाडी येथील सामाजिक कार्यकर्ते हणमंत शिंदे प्रमुख पाहुणे म्हणून उपस्थित होते. मान्यवरांच्या हस्ते गुणवंत विद्यार्थ्यांचा सत्कार करण्यात आला. NMMS परीक्षेत प्रांजल दीपक येळे हिने उल्लेखनीय यश संपादन करून व्हिजन अकॅडमीच्या शैक्षणिक गुणवत्तेत भर घातली. मंथन परीक्षेत अक्षरा पखाले, शौर्यराज जगताप, प्रांजल दीपक येळे, राजवर्धन प्रकाश घोंगडे आणि कैवल्य विजय बोरावके यांनी गौरवचिन्ह मिळवून यश संपादन केले. तसेच MTS परीक्षेत राज मधुकर साळुंखे, शंभूराज शंकर लोंढे, शिवन हनुमंत लोंढे, प्रांजल दीपक येळे, अपेक्षा रामचंद्र मोरे, यश निलेश महाजन, अक्षरा संतोष पखाले, प्रणव प्रकाश शिंदे आणि आरोही रामचंद्र मोरे यांनी गोल्ड मेडल प...

रायगड: स्त्री शिक्षण आणि विशेष वकिली (Educating Women & Speciality Advocacy) या क्षेत्रातील उल्लेखनीय योगदानाबद्दल डॉ. विजय काशिनाथ कदम यांना 'ऑनररी डॉक्टरेट अवॉर्ड फाउंडेशन' (HDAF) कडून मानद डॉक्टरेट (Doctor Honoris Causa) पदवी देऊन सन्मानित करण्यात आले आहे. ३० ऑगस्ट २०२६ रोजी महाराष्ट्र राज्यातील रायगड येथे आयोजित विशेष पुरस्कार सोहळ्यात हा बहुमान प्रदान करण्यात आला. डॉ. कदम यांनी महिला शिक्षणाचा प्रसार आणि सामाजिक जागृती क्षेत्रात केलेल्या प्रदीर्घ कार्याची, नेतृत्वाची आणि निष्ठेची दखल घेऊन फाउंडेशनतर्फे हा सन्मान करण्यात आला. पुरस्काराची मुख्य वैशिष्ट्ये: पुरस्कार प्राप्तकर्ते: डॉ. विजय काशिनाथ कदम क्षेत्र: स्त्री शिक्षण आणि विशेष वकिली (Educating Women & Speciality Advocacy) आयोजक संस्था: ऑनररी डॉक्टरेट अवॉर्ड फाउंडेशन (HDAF - Regd. No. 2026/12/IV/595) दिनांक व ठिकाण: ३० ऑगस्ट २०२६, रायगड (महाराष्ट्र) प्रमुख उपस्थिती: एच.डी.ए.एफ. चे अध्यक्ष आर. के. जैन आणि दिल्ली युनिव्हर्सिटीचे प्रा. डॉ. धीरज सिंग यांच्या स्वाक्षरीने हे सन्मानपत्र प्रदान करण्यात आले. य...

फलटण येथील तहसील कार्यालयाच्या पाठीमागील बाजूस भोंगळे बिल्डिंग शेजारी असलेल्या परिसरात आज एक मोठे झाड उभ्या असलेल्या गाडीवर कोसळल्याची खळबळजनक घटना घडली. या दुर्घटनेत संबंधित वाहनाचे मोठे नुकसान झाले असून, सुदैवाने कोणतीही जीवितहानी झाली नाही. मात्र, धोकादायक झाडांकडे होणाऱ्या दुर्लक्षाचा मुद्दा पुन्हा एकदा ऐरणीवर आला आहे. मिळालेल्या माहितीनुसार, तहसील कार्यालयाच्या पाठीमागील मोकळ्या जागेत दररोज प्रशासकीय कामासाठी येणारे नागरिक व कर्मचारी आपली वाहने पार्क करतात. नेहमीप्रमाणे आज तेथे पार्क केलेल्या एका वाहनावर अचानक एक जुने व धोकादायक बनलेले झाड मोठ्या फांद्यांसह कोसळले. झाड पडल्याचा मोठा आवाज होताच परिसरातील नागरिकांनी व कर्मचाऱ्यांनी घटनास्थळी धाव घेतली.   झाड थेट गाडीच्या बोनेट टपावर पडल्यामुळे गाडीचा नुकसान झाले आहे. सुदैवाने, झाड कोसळले त्या क्षणी गाडीत किंवा गाडीच्या शेजारी कोणीही उपस्थित नव्हते, ज्यामुळे मोठा अनर्थ टळला.  तहसील कार्यालय आवारात अनेक जुनी, वाळलेली व धोकादायक झाडे उभी आहेत. याची पाहणी करून झाडे अपघातास कारणीभूत ठरू शकतात ती काढून टाकावीत , स...

म्हसवड / दहिवडी: सामाजिक न्याय व विशेष सहाय्य विभागांतर्गत राबवल्या जाणार्‍या संजय गांधी निराधार योजना, श्रावणबाळ योजना, इंदिरा गांधी राष्ट्रीय वृद्धपकाळ/विधवा/दिव्यांग निवृत्ती वेतन योजना इत्यादी योजनांसाठी शासनाने २४ मार्च २०२६ च्या परिपत्रकानुसार दारिद्र्य रेषेखालील (BPL) दाखला अनिवार्य केला आहे. या जाचक अटीमुळे गेल्या चार महिन्यांपासून पात्र व गरजू विधवा, परित्यक्त्या, घटस्फोटित, दिव्यांग व्यक्ती आणि अनाथ बालके या योजनेच्या लाभापासून वंचित राहत असून त्यांच्यावर उपासमारीची वेळ आली आहे. ही अन्यायकारक अट तात्काळ रद्द करण्यात यावी, अशी मागणी 'समय फाउंडेशन' (गोंदवले बु।।) च्या वतीने माण तालुक्याचे तहसीलदार यांना निवेदनाद्वारे करण्यात आली आहे. २४ वर्षांत निराधार झालेल्यांचा समावेश कसा होणार? निवेदनात नमूद केल्याप्रमाणे, दारिद्र्य रेषेचे सर्वेक्षण २००२ साली झाले असून २०११ पासून ग्रामपंचायतींनी BPL दाखले देणे बंद केले आहे. असे असताना मागील २४ वर्षांमध्ये ज्या महिला निराधार झाल्या, दिव्यांग झाले अथवा अनाथ झाले, त्यांचा समावेश २००२ च्या जुन्या यादीत कसा असू शकतो? हा अत्यं...

फलटण (प्रतिनिधी): साखरवाडी (ता. फलटण) येथील शासकीय रास्त भाव धान्य दुकानदार अशोक ढेंबरे यांच्या गैरकारभाराविरुद्ध आणि ग्राहकांना दिलेल्या मानसिक त्रासाबाबत तहसीलदारांकडे तक्रार दाखल करण्यात आली आहे. पत्रकार नितीन बाळासो जगताप यांच्यासह स्थानिक ग्रामस्थांनी व रेशनधारकांनी फलटणचे अन्न व नागरी पुरवठा अधिकाऱ्यांना याबाबतचे निवेदन दिले आहे. मिळालेल्या माहितीनुसार, साखरवाडी येथील रेशन दुकानात धान्य आणण्यासाठी गेलेल्या एका वृद्ध महिलेचा बायोमॅट्रिक (Biometric) ठसा न उमटल्यामुळे "तुमचे रेशन कायमचे बंद करीन" अशी धमकी दुकानदार अशोक ढेंबरे यांनी दिली. तसेच त्यांनी अरेरावीची भाषा वापरून नागरिकांना मानसिक त्रास दिल्याचे निवेदनात नमूद करण्यात आले आहे. तक्रार अर्जात रेशन दुकानदाराच्या गंभीर त्रुटी व नियमांचे उल्लंघन उघड करण्यात आले आहे: पावती न देणे: धान्य दिल्यानंतर संगणकीकृत पावती (Receipt) देणे बंधनकारक असतानाही ग्राहकांना पावती दिली जात नाही, ज्यामुळे शासकीय धान्य साठ्यात मोठा गैरव्यवहार होत असल्याचा दाट संशय आहे.  दुकानावर धान्याचे दर, उपलब्ध साठा आणि तक्रार निवारण अधिकाऱ्य...

फलटण: श्रीमंत नवयुवक तरुण गणेश उत्सव मंडळाच्या वतीने आगामी गणेशोत्सवाच्या पार्श्वभूमीवर विशेष धार्मिक व संघटनात्मक कार्यक्रमाचे आयोजन करण्यात येणार आहेत. या सोहळ्यात विविध क्षेत्रांतील प्रमुख मान्यवर, मंडळाचे अध्यक्ष आणि उत्साही तरुण कार्यकर्त्यांच्या प्रमुख उपस्थितीत होती. नवीन पावती पुस्तकाचा औपचारिक शुभारंभ करण्यात आला. तसेच, परंपरेनुसार जुन्या पावती पुस्तकाचे कृतज्ञतापूर्वक पुस्तक पूजन आवाहाल सोहळा अत्यंत भक्तिमय वातावरणात पार पडला. गणेशोत्सवाच्या तयारीला गती आगामी गणेशोत्सव उत्साहात साजरा करण्यासाठी मंडळाच्या वतीने जोरदार तयारी सुरू करण्यात येणार आहे. कार्यक्रमा दरम्यान उपस्थितांच्या हस्ते जुन्या पावती पुस्तकाचे पूजन करून नवीन पावती पुस्तकाचा शुभारंभ करण्यात आला. या उपक्रमामुळे मंडळाच्या वर्गणी संकलन व उत्सव नियोजनाला अधिकृतपणे सुरुवात झाली आहे.   मंडळाचे पदाधिकारी व नागरिक यावेळी उपस्थित मान्यवरांनी मंडळाच्या सामाजिक व सांस्कृतिक उपक्रमांचे कौतुक करत गणेशोत्सवासाठी शुभेच्छा दिल्या.वार्षिक अहवाल २०२५-२०२६ सन २०२६ चे पदाधिकारी संस्थापक अध्यक्ष : श्री. सचिन (दादा) अ...

फलटण / प्रतिनिधी: फलटण तालुक्यातील कोळकी येथील स्थानिक राजकारणात 'नवीन राजकारणाचा चेहरा' म्हणून ओळखले जाणारे श्रीमंत नवयुग तरुण गणेश उत्सव मंडळाचे संस्थापक अध्यक्ष व युवा नेते सचिन अटक यांचा ४५ वा वाढदिवस मोठ्या उत्साहात व जल्लोषात साजरा करण्यात आला. या सोहळ्याचे खास वैशिष्ट्य म्हणजे कार्यकर्त्यांनी एकाच वेळी तब्बल ४५ केक कापून आपल्या लाडक्या नेत्याला अनोख्या पद्धतीने शुभेच्छा दिल्या. या वाढदिवस सोहळ्याला कोळकी आणि परिसरातील नागरिक, युवक, महिला वर्ग तसेच सामाजिक, राजकीय व शैक्षणिक क्षेत्रातील मान्यवरांनी मोठी गर्दी केली होती. उपस्थितांनी सचिन अटक यांना भावी राजकीय व सामाजिक प्रवासासाठी उदंड आयुष्या शुभेच्छा दिल्या. जनसेवेचा आणि नव्या नेतृत्वाचा ध्यास गेल्या काही वर्षांत कोळकी व संपूर्ण फलटण परिसरातील विविध सामाजिक प्रश्न, युवकांच्या रोजगाराचे विषय आणि स्थानिक समस्या धसास लावण्यासाठी सचिन अटक यांनी सातत्याने पुढाकार घेतला आहे. अन्यायाविरुद्ध परखड आवाज उठवणारे आणि सर्वसामान्यांच्या अडीअडचणीत धावून जाणारे नेतृत्व म्हणून त्यांची विशेष ओळख निर्माण झाली आहे. याच पार्श्वभू...

न हि वेरेन वेराणि सम्मन्तीध कुदाचनं। അवेरेन च सम्मन्ति एस धम्मो सनन्तनो॥" (वैराने वैर कधीच शांत होत नाही, ते प्रेमाने व मैत्रीनेच शांत होते; हाच शाश्वत धम्म आहे.) तथागत भगवान बुद्ध आणि बोधिसत्व परमपूज्य डॉ. बाबासाहेब आंबेडकर यांच्या पुरोगामी व समतावादी विचारांना प्रत्यक्ष कृतीत आणणारे, फलटण येथील निष्ठावंत धम्मसेवक म्हणजेच भारतीय बौद्ध महासभा यांच्या माध्यमातून बौद्धाचार्य व केंद्रीय शिक्षक चंद्रकांत महेंद्र मोहिते! आज दि. २२ ऑगस्ट रोजी त्यांच्या वाढदिवसानिमित्त त्यांनी बौद्ध धम्माचा प्रचार-प्रसार आणि संघटन बांधणीसाठी दिलेल्या अमूल्य योगदानाचा हा विशेष सधम्म आढावा. भारतीय बौद्ध महासंभेत समर्पित धम्मसेवा बौद्ध समाजाला संघटित करणे, धम्म संस्कार रुजवणे आणि डॉ. बाबासाहेब आंबेडकरांचा 'धम्मचक्र प्रवर्तन'चा संदेश घराघरांत पोहोचवणे या उद्देशाने त्यांनी भारतीय बौद्ध महासभेत विविध महत्त्वपूर्ण जबाबदाऱ्या पार पाडल्या आहेत: श्रामणेर: धम्म मार्गावर चालून संयम व आचरणाचा धडा वस्तुपाठ म्हणून मांडला.  बौद्ध विधी, संस्कार व धम्म विचारांचे अचूक मार्गदर्शन करून समाजाला बौद्ध जीवनप...

जैन सोशल ग्रुप फलटण परिवाराच्या वतीने फलटण येथे जैन सोशल ग्रुप फेडरेशन डे उत्साहात साजरा करण्यात आला. फेडरेशन डे निमित्त JSG फलटण चे संस्थापक अध्यक्ष व लायन्स क्लब उपप्रांतपाल *मा.श्री. मंगेशभई दोशी (गुणवरेकर*) यांच्या शुभहस्तेJSG ध्वजाचे समारंभ पूर्वक ध्वजारोहण करण्यात आले. यावेळी MaRC योगा व मेडिटेशन कमिटी कन्व्हेनर *मा.सौ.सविताभाभी दोशी,*व्यसनमुक्ती कमिटी कन्वेनर मा.श्री.डॉ. सूर्यकांत दोशी* प्रमुख पाहुणे म्हणून उपस्थित होते. कार्यक्रमाच्या प्रास्ताविकात JSG फलटण अध्यक्ष *श्री.श्रीपाल जैन* यांनी फेडरेशन डे व जैन सोशल ग्रुप बद्दल विस्तृत माहिती देउन प्रमुख पाहुण्यांचे स्वागत केले. यावेळी संगिनी फोरम अध्यक्षां *सौ.मनिषा व्होरा,JSG फलटण सचिव सौ.निना कोठारी*,माजी अध्यक्ष *श्री. राजेंद्र कोठारी*, इव्हेंट चेअर पर्सन *श्री.तुषार शहा*,संगिनी माजी अध्यक्षां *सौ.अपर्णा जैन*,JSGसंचालक *डॉ.श्री.मिलिंद दोशी*,संचालिका *सौ.मनिषा घडिया*, सदस्य *श्री.नंदकुमार दोशी सर*,*श्री.राहुल गांधी*,*श्री. प्रवेश जैन*,संगिनी संचालिका *सौ.निलम डुडुं* उपस्थित होते. कार्यक्रमाची सुरुवात मंगलाचरणा ने करण...

सरडे (वार्ताहर): ग्रामीण भागातील मुलींनी जिद्द आणि मेहनतीच्या जोरावर यश संपादन करत गावाचा आणि कुटुंबाचा नावलौकिक वाढवला आहे. सरडे (ता. फलटण ) येथील एकाच कुटुंबातील दोन कन्यांनी सरकारी परीक्षेत दैदिप्यमान यश मिळवले असून, संपूर्ण गावातून त्यांच्यावर कौतुकाचा वर्षाव होत आहे. कु. कोमल रवींद्र भोसले यांची महाराष्ट्र लोकसेवा आयोगाच्या (MPSC) परीक्षेतून राज्य कर निरीक्षक (STI Officer) पदी निवड झाली आहे. तर, त्यांच्याच कुटुंबातील कु. स्नेहल किशोर भोसले यांची पुणे जिल्हा मध्यवर्ती सहकारी बँकेत (PDCC) लिपिक (Clark) पदी निवड झाली आहे. एकाच घरातील दोन मुलींची एकाच वेळी उच्च पदावर निवड झाल्याने भोसले कुटुंबाचा आनंद गगनात मावेनासा झाला आहे. या दुहेरी यशाबद्दल प्रा. वसंत हंकारे सर यांच्या हस्ते दोन्ही यशस्वी कन्यांचा शाल, श्रीफळ व पुष्पगुच्छ देऊन सत्कार करण्यात आला. यावेळी बोलताना प्रा. वसंत हंकारे म्हणाले, "ग्रामीण भागातील मुली योग्य मार्गदर्शन आणि कठोर परिश्रमाच्या जोरावर यशाचे कोणतेही शिखर गाठू शकतात, हे या दोघींनी सिद्ध केले आहे. एकाच कुटुंबातील दोन कन्यांची सरकारी सेवेत झालेली ह...

धनगरवाडी: स्थानिक जिल्हा परिषद प्राथमिक शाळा धनगरवाडी येथे ८० वा स्वातंत्र्य दिन अत्यंत उत्साहात आणि देशभक्तीपूर्ण वातावरणात साजरा करण्यात आला. सकाळी विद्यार्थ्यांच्या देशभक्तीपर घोषणांनी परिसर दुमदुमून गेला होता. गावात काढण्यात आलेल्या प्रभात फेरीनंतर शाळेच्या प्रांगणात मुख्य ध्वजारोहण सोहळा पार पडला. यंदा ध्वजारोहणाचा बहुमान भारतीय सैन्य दलात नुकतेच भरती झालेले गावातील जवान श्री. संदीप पोपट मोटे यांना देण्यात आला. ध्वजारोहणानंतर वंदे मातरम, राष्ट्रगीत, ध्वजगीत आणि राज्यगीत सादरीकरण झाले. शाळेच्या मैदानावर विद्यार्थ्यांनी आकर्षक कवायत संचलन आणि संगीत कवायती सादर करून उपस्थितांची मने जिंकली. यानंतर विद्यार्थ्यांनी स्वातंत्र्य दिनाचे महत्त्व सांगणारी देशभक्तीपर भाषणे दिली. कार्यक्रमादरम्यान तंबाखू मुक्ततेची सामूहिक शपथही घेण्यात आली. सांस्कृतिक विभाग प्रमुख सौ. प्रियांका भोकरे मॅडम यांच्या मार्गदर्शनाखाली विद्यार्थ्यांनी सादर केलेल्या देशभक्तीपर नृत्याला ग्रामस्थांनी उत्स्फूर्त प्रतिसाद दिला. विशेष सत्कार सोहळा याप्रसंगी भारतीय सैन्य दलात भरती झाल्याबद्दल श्री. संदीप मोटे आण...

गुणवरे :* प्रतिनिधी  कै. संजय गांधी विद्यालय, गुणवरे येथे भारताचा ८०वा स्वातंत्र्यदिन उत्साहपूर्ण आणि देशभक्तीमय वातावरणात साजरा करण्यात आला. *डिवाईन जैन ग्रुप ट्रस्ट, पुणेचे प्रमुख पाहुणे श्री. संकेत शहा* यांच्या हस्ते सकाळी ८.३० वाजता ध्वजारोहण करण्यात आले. यावेळी डिवाईन जैन ग्रुप ट्रस्ट, पुणेचे ट्रस्टी *अमित जंजानी* व *अखिल भंडारी* तसेच ट्रस्टचे पदाधिकारी व सदस्य, भैरवनाथ एज्युकेशन सोसायटीच्या अध्यक्ष रेश्माताई कणसे, उपाध्यक्ष बापूराव गावडे, गुणवरे संस्थेचे सचिव राहुल कणसे सर तसेच गावचे सरपंच, उपसरपंच व ग्रामपंचायत सदस्य, पंचायत समिती सदस्या वनिताताई आढाव, पोलीस पाटील अमोल आढाव, पुणे पोलीस मनोज आढाव, हिरामण आढाव, पंचक्रोशीतील विविध मंडळे व संस्थांचे पदाधिकारीसंस्थेचे प्रशासन अधिकारी श्री गावडे सर माजी मुख्याध्यापक श्री कुंभार सर, ग्रामस्थ, पत्रकार राजेंद्र बनसोडे, पत्रकार वैभव गावडे,पत्रकार शशिकांत आढाव, पत्रकार अमोल बागव, तसेच सांगळे सर, जाधव मॅडम यांच्यासह अनेक मान्यवर उपस्थित होते. विद्यालयाचे मुख्याध्यापक श्री. जाधव सर यांनी सर्व मान्यवरांचे स्वागत केले. ध्वजारो...

फलटण-भारतीय स्वतंत्र दिनाच्या 80 व्या वर्धापन दिना निमित्त अलगुडेवाडी येथील पाच पांडव आश्रम शाळा येथे जैन सोशल ग्रुप फलटण चे अध्यक्ष श्री श्रीपाल जैन यांच्या हस्ते ध्वजारोहण रोहन संपन्न झाले. कार्यक्रमाच्या अध्यक्षस्थानी पाच पांडव आश्रम शाळा संस्थे चे अध्यक्ष श्री.महादेव नाळे होते. यावेळी विद्यार्थ्यांनी देशभक्तीपर गीत सादर केले. प्रमुख पाहुण्यांना मानवंदना देण्यात आली. जैन सोशल ग्रुप कडून इयत्ता दहावी मध्ये प्रथम तीन क्रमांक आलेल्या विद्यार्थ्यांना प्रत्येकी रुपये 1000 बक्षीस देण्यात आले.        यावेळी बोलताना श्री.श्रीपाल जैन यांनी सर्वांना स्वतंत्र दिनानिमित्त शुभेच्छा दिल्या व स्वतंत्र मिळवणे जेवढे कठीण होते तेवढे ते टिकवणे कठीण आहे, देशाला प्रगतीपथावर नेण्यासाठी कठोर परिश्रमाशिवाय पर्याय नाही असे प्रतिपादन केले. आजच्या काळात देशाच्या सीमेवर रक्षण करणाऱ्या सैनिकां बरोबरच देशातील चांगले डॉक्टर ,वैज्ञानिक ,इंजिनियर,तंत्रज्ञ व शेतकरी यांचीहि गरज असल्याचे सांगितले.       यावेळी जैन सोशल ग्रुप कडुन संस्थेचे अध्यक्ष श्री.महादेव नाळे,संचालक श...

सरडे (प्रतिनिधी): सरडे येथील जिल्हा परिषद प्राथमिक शाळा, धायगुडे वस्ती सरडे येथे रविवार, दिनांक १६ ऑगस्ट २०२६ रोजी सकाळी ठीक ९:३० वाजता समाजप्रबोधनकार व सुप्रसिद्ध व्याख्याते प्राध्यापक वसंत हंकारे सर यांच्या सुश्राव्य व्याख्यानाचे आयोजन करण्यात आले आहे. ‘न समजलेला बाप’ या अत्यंत संवेदनशील व उद्बोधक विषयावर प्रा. हंकारे सर उपस्थितांशी संवाद साधणार आहेत. हा प्रबोधनात्मक कार्यक्रम समस्त सरडे ग्रामस्थ, सामाजिक संस्था, जय हिंद फाउंडेशन तसेच सरडे गावातील समस्त दानशूर व्यक्तींच्या संयुक्त व विशेष सहकार्यातून पार पडणार आहे. आजच्या बदलत्या काळात बाप आणि मुलांमधील नाते, बापाचे कष्ट, त्याग आणि कुटुंब व्यवस्थेतील त्याचे न दिसणारे योगदान यावर प्रकाश टाकणारा हा कार्यक्रम परिसरातील पालकांसाठी व तरुणांसाठी अत्यंत मार्गदर्शक ठरणार आहे. कार्यक्रम तपशील:  * विषय: न समजलेला बाप (व्याख्यान)   व्याख्याते: समाजप्रबोधनकार प्रा. वसंत हंकारे सर   दिनांक: रविवार, १६ ऑगस्ट २०२६   वेळ: सकाळी ठीक ९:३० वाजता   स्थळ: जिल्हा परिषद प्राथमिक शाळा, धायगुडे वस्ती, सरडे या वैचारिक व प्र...

आज दिनांक 13 ऑगस्ट 2026 रोजी अनुसूचित जाती जमाती अत्याचार प्रतिबंधक अधिनियम 1989 अंतर्गत उपविभागीय दक्षता व सनियंत्रण समिती सभा अंतर्गत मिटिंग आयोजित करण्यात आली होती त्या वेळी दक्षता समिती अध्यक्षा सौ आंबेकर मॅडम उपविभागीय तथा दंड अधिकारी साहेब मा तहसीलदार जाधव साहेब मा बिडीओ साहेब मा आमदार सचिनजी पाटील साहेब पोलीस विभागा कडून आलेले प्रतिनिधी व दक्षता समिती सदस्यां सनी घ काकडे नगर सेवक सचिनजी अहिवळे साहेब उपस्थित होते  त्या वेळी सनी घनशाम काकडे यांनी दक्षता समिती समोर खालील प्रमाणे मुद्दे मांडले  1) अट्रॉसीटी गुन्हा दाखल करताना पीडित वेक्तीला हिनतेची वागणूक देऊ नये दम दाटी करू नये  2) अट्रॉसीटी गुन्हा दाखल करायला आल्यावर पीडित वेक्तीचा त्वरित गुन्हा दाखल करून FRI ची प्रत द्यावी  3) फलटण शहर वा तालुक्यातील प्रत्यक पोलीस स्टेशनला अट्रॉसिटी कायद्याचे फलक लावावेत  4) अट्रॉसीटी गुन्हा दाखल झाल्यास 7 वर्षा पुढील आरोपात त्वरित अटक करण्यात यावे  5) अट्रॉसीटी गुन्हा दाखल झाल्यास 60 दिवसाच्या आत चार्जशीट दाखल करण्यात यावे  6) ग्रामीण भागातील दल...

फलटण (प्रतिनिधी): महाराष्ट्र शासन जिल्हा परिषद बांधकाम उपविभाग, फलटण उपविभागाचे उपअभियंता मठपती साहेब हे प्रदीर्घ आणि यशस्वी शासकीय सेवेनंतर नुकतेच सेवानिवृत्त झाले. त्यांच्या या सेवानिवृत्तीच्या औचित्याने महाराजा मंगल कार्यालय येथे एका विशेष निरोप व सन्मान सोहळ्याचे आयोजन करण्यात आले होते. या कार्यक्रमादरम्यान मठपती साहेब यांनी शासकीय सेवेत बजावलेल्या उत्कृष्ट कामकाजाबद्दल आणि त्यांच्या जनहितार्थ योगदानाबद्दल उपस्थित मान्यवरांकडून भरभरून गौरवोद्गार काढण्यात आले. भारतीय लोकशाही आणि प्रशासनाचा कणा असलेल्या 'भारतीय संविधानाची प्रत' देऊन त्यांना सन्मानपूर्वक निरोप देण्यात आला. आपल्या सेवाकाळात मठपती साहेब यांनी तालुक्यातील विविध विकासकामे, रस्ते आणि शासकीय इमारतींच्या कामांमध्ये दर्जा व पारदर्शकता जपत मोलाची भूमिका बजावली. सहकाऱ्यांना सोबत घेऊन काम करण्याची त्यांची वृत्ती आणि सर्वसामान्यांच्या प्रश्नांप्रती असलेली आस्था यांमुळे त्यांनी आपली एक वेगळी छाप पाडली होती. "शासकीय सेवा पूर्ण करून निवृत्त होणे हा प्रत्येक अधिकाऱ्याच्या आयुष्यातील एक महत्त्वाचा टप्पा असतो. ...

फलटण प्रांत कार्यालयात कारभाराचा बोजवारा; नागरिक हैराण! प्रश्नांचे निवारण की राजकीय निष्ठा? फलटण तालुक्यातील कामांसाठी नागरिकांची भटकंती! फलटण (विशेष प्रतिनिधी): फलटण प्रांत अधिकाऱ्यांच्या दालनात कामांचा पार बोजवारा उडाला असून, आपल्या न्याय्य हक्कांसाठी आणि विविध प्रशासकीय कामांसाठी येणारे सामान्य नागरिक प्रशासनाच्या ढिसाळ कारभारामुळे अत्यंत हैराण झाले आहेत. फलटण तालुक्यातील रस्त्यांचे प्रश्न असोत किंवा प्रशासनाशी संबंधित इतर कोणतीही कामे, मार्ग काढण्यासाठी आणि प्रश्न सोडवण्यासाठी बसलेले अधिकारी हे प्रशासकीय परीक्षा पास होऊन आले आहेत की केवळ "राजकीय परीक्षा" पास झाले आहेत? असा संतप्त सवाल आता तालुक्यातील सामान्य जनता विचारू लागली आहे. फलटणला येण्यापूर्वी राजकीय परीक्षा द्यावी लागते का? फलटण तालुक्यात कोणत्याही शासकीय अधिकाऱ्याची बदली झाली की, आधी त्यांना एखाद्या राजकीय पाठिंब्याची किंवा राजकीय परीक्षेची पायघडी घालूनच यावे लागते का? अशी शंका नागरिकांच्या मनात निर्माण होत आहे. प्रशासकीय सेवेचा मूळ उद्देश सर्वसामान्यांना न्याय देणे हा असतो; परंतु, या ठिकाणी अधिकाऱ्या...