मुंबई:मतदार याद्यांच्या विशेष सखोल पुनरीक्षण कार्यक्रमांतर्गत केंद्रस्तरीय अधिकारी (BLO) म्हणून नियुक्ती होऊनही कर्तव्यावर हजर न राहता आदेशांचे उल्लंघन करणाऱ्या वरिष्ठ लिपिकाविरोधात धारावी पोलीस ठाण्यात अदखलपात्र (NCR) गुन्ह्याची नोंद करण्यात आली आहे. मिळालेल्या माहितीनुसार, ९ जून २०२६ रोजी धारावी विधानसभा मतदारसंघाचे मतदार नोंदणी अधिकारी यांच्या कार्यालयातील सहाय्यक महसूल अधिकारी तथा शासकीय नोकर खंडु छबन पाटील (वय ४१) यांनी सरकारतर्फे धारावी पोलीस ठाण्यात फिर्याद दिली आहे. तक्रारीनुसार, धारावी येथील रहिवासी असलेले वरिष्ठ लिपिक दिगंबर मोकाशी यांची मतदार नोंदणी अधिकारी यांनी 'केंद्रस्तरीय अधिकारी' (BLO) म्हणून नियुक्ती केली होती. मतदार याद्यांच्या विशेष सखोल पुनरीक्षण कार्यक्रमांतर्गत त्यांना कर्तव्यावर हजर राहण्यासाठी रीतसर सूचना देण्यात आली होती. तसेच या संदर्भात त्यांना नोटीसही बजावण्यात आली होती. परंतु, नोटीस मिळूनही दिगंबर मोकाशी हे कर्तव्यावर हजर झाले नाहीत. त्यांनी आपल्या शासकीय कर्तव्यात जाणीवपूर्वक टाळाटाळ व हलगर्जीपणा केला. नियुक्त केलेल्या वरिष्ठ अधिकाऱ्याच्या आदेशांच...

रस्त्यावरील निष्पाप वासरांना  गोशाळांनी आश्रय द्यावा; राजळेतील नागरिकांचे आवाहन राजळे:राजळे-सरडे-आसू रस्त्यावर सध्या मोठ्या प्रमाणावर लहान वासरे (खोंड) मोकाट सोडून देण्याचे प्रमाण वाढले आहे. या निष्पाप जनावरांना अन्न व पाण्यावाचून तडफडून मरावे लागत असून, यामुळे परिसरात गंभीर परिस्थिती निर्माण झाली आहे. रस्तावर मोकाट जनावरे सोडणाऱ्यांवर प्रशासनाने कडक कारवाई करावी, अन्यथा गोशाळा चालकांनी या वासरांचा ताबा घ्यावा, अशी जोरदार मागणी स्थानिक नागरिकांमधून होत आहे. मिळालेल्या माहितीनुसार, गायीला खोंड (नर वासरू) झाल्यानंतर अनेक शेतकरी किंवा पशुपालक त्यांना संगोपन न करता थेट रस्त्यावर सोडून देत आहेत. सध्या कडक उन्हाच्या किंवा इतर कारणांमुळे या लहान वासरांना वेळेवर पाणी आणि चारा मिळत नाही. परिणामी, ही वासरे रस्त्याच्या कडेलाच भूकेने व तहानलेली होऊन मृत्युमुखी पडत आहेत. रस्त्यावर भूकेने मरणाऱ्या या वासरांचे मांस खाण्याची सवय आता भटक्या कुत्र्यांना लागली आहे. मृत वासरांभोवती भटक्या कुत्र्यांचे कळप जमा होत आहेत. यामुळे नागरिकांमध्ये भीतीचे वातावरण पसरले आहे. जर भटक्या कुत्र्यांना अशा...

फलटण: सरडे (ता. फलटण, जि. सातारा) गावचे सुपुत्र आणि पुणे येथे महाराष्ट्र पोलीस दलात कार्यरत असणारे पोलीस विनोद प्रताप मोरे यांचे अल्पशा आजाराने/अचानक दुःखद निधन झाले. त्यांच्या या अकाली निधनाने सरडे गावासह संपूर्ण फलटण तालुक्यावर आणि पोलीस दलावर शोककळा पसरली आहे. विनोद मोरे हे अत्यंत मनमिळाऊ, कर्तव्यनिष्ठ आणि सामाजिक जाणीव असणारे अधिकारी म्हणून परिचित होते. पुणे पोलीस दलात सेवा बजावत असताना त्यांनी आपल्या उत्कृष्ट कामगिरीचा ठसा उमटवला होता. आपल्या गावाबद्दल आणि मातीबद्दल त्यांना नेहमीच आपुलकी होती, त्यामुळे त्यांच्या जाण्याने मोरे कुटुंबासह सरडे गावाने एक उमदा आणि कर्तबगार सुपुत्र गमावला आहे. त्यांच्या पश्चात पत्नी, २ मुले, आई-वडील आणि मोठा आप्तपरिवार आहे. त्यांच्या निधनाचे वृत्त समजताच पोलीस दलातील स्थानिक लोकप्रतिनिधी, सामाजिक कार्यकर्ते आणि ग्रामस्थांनी तीव्र दुःख व्यक्त करत त्यांना भावपूर्ण श्रद्धांजली अर्पण केली आहे.

वाढदिवस निम्मित 1000 वृक्ष लागवड करणार.... सरडे (प्रतिनिधी): फलटण तालुक्यातील सरडे गावचे डॅशिंग आणि लोकप्रिय युवा नेतृत्व, तसेच ग्रामस्थांच्या गळ्यातील ताईत असणारे भावी सरपंच विशाल मोरे यांचा वाढदिवस सरडे गावातील युवा कार्यकर्त्यांच्या वतीने अत्यंत उत्साहात आणि जल्लोषात साजरा करण्यात आला. या वाढदिवसाचे औचित्य साधून गावात विविध सामाजिक व विधायक उपक्रमांचे आयोजन करण्यात आले होते. विशाल मोरे यांनी आपल्या अष्टपैलू कर्तृत्वाने आणि नेहमी सर्वसामान्यांच्या सुख-दुःखात धावून जाण्याच्या वृत्तीमुळे सरडे गावात आणि परिसरात युवकांचे मोठे संघटन उभे केले आहे. त्यांच्या याच लोकप्रियतेची प्रचिती त्यांच्या वाढदिवसाच्या निमित्ताने संपूर्ण गावाला आली. वाढदिवसानिमित्त सकाळपासूनच सरडे गावासह फलटण तालुक्यातील राजकीय, सामाजिक, शैक्षणिक आणि पत्रकारिता क्षेत्रातील अनेक मान्यवरांनी विशाल रणधीर मोरे यांची प्रत्यक्ष भेट घेऊन त्यांना पुष्पगुच्छ व शाल देऊन पुढील वाटचालीस शुभेच्छा दिल्या. सोशल मीडियावरही कार्यकर्त्यांनी त्यांच्यावर शुभेच्छांचा वर्षाव केला होता. हा वाढदिवस केवळ कौटुंबिक किंवा वैयक्तिक स्वरू...

फलटण तालुक्यातील खामगांव ग्रामपंचायतीमध्ये झालेल्या लाखो रुपयांच्या निधीचा अपहार, आर्थिक गैरव्यवहार आणि बनावट कागदपत्रे तयार केल्याचे शासकीय चौकशीत सिद्ध होऊनही अद्याप दोषींवर फौजदारी गुन्हे दाखल न झाल्याने खामगांव येथील युवक आणि ग्रामस्थ कमालीचे आक्रमक झाले आहेत. प्रशासनाच्या या दिरंगाईचा जाहीर निषेध करण्यासाठी आणि दोषींना तात्काळ गजाआड करण्यासाठी आगामी ४ जून २०२६ रोजी फलटण पंचायत समिती कार्यालयासमोर एक दिवसीय लक्षणीय धरणे आंदोलन करण्याचा इशारा ग्रामस्थांनी दिला आहे. या आंदोलनासाठी फलटण शहर पोलीस स्टेशनने रीतसर कायदेशीर परवानगी करिता अर्ज दिला असून पोलिसांकडे तशी नोंद करण्यात आली आहे. खामगांव ग्रामपंचायतीच्या कार्यकाळात शासकीय निधीचा मोठ्या प्रमाणावर अपहार आणि आर्थिक गैरव्यवहार होत असल्याची लेखी तक्रार ॲड. अभिजीत प्रमोद चाबुकस्वार यांनी मार्च २०२५ मध्ये केली होती. या प्रकरणात सुरुवातीला पंचायत समिती अधिकाऱ्यांकडून चौकशी करण्यात टाळाटाळ होत असल्याने, ॲड. अभिजीत प्रमोद चाबुकस्वार मा. उच्च न्यायालयात याचिका दाखल करून कायदेशीर निर्देश मागितले होते. मा. उच्च न्यायालयात याचिका ...

फलटण: दैनिक सकाळचे राजाळे प्रतिनिधी आणि प्राध्यापक अमोल विठ्ठल पवार यांना महालक्ष्मी आधार फाउंडेशनच्या वतीने आयोजित 'भारतीय संविधान जनजागृती अभियान' अंतर्गत दिला जाणारा प्रतिष्ठित “राष्ट्रीय समाज भूषण पुरस्कार 2026”जाहीर झाला आहे. त्यांच्या या निवडीमुळे फलटण शहर व परिसरातून त्यांच्यावर अभिनंदनाचा वर्षाव होत आहे. प्रा. अमोल पवार यांनी पत्रकारितेच्या माध्यमातून नेहमीच समाजातील ज्वलंत प्रश्न मांडले आहेत. त्यांच्या याच उत्कृष्ट पत्रकारितेची आणि सामाजिक क्षेत्रातील उल्लेखनीय योगदानाची दखल घेऊन, त्यांच्या समाजोपयोगी कार्याचा गौरव करण्यासाठी या राष्ट्रीय पुरस्कारासाठी त्यांची निवड करण्यात आली आहे, अशी माहिती महालक्ष्मी आधार फाउंडेशनच्या अध्यक्षा सौ. प्रतिभा शेलार यांनी दिली. प्रा. अमोल पवार यांनी आपल्या लेखणीच्या माध्यमातून नेहमीच सर्वसामान्यांचे प्रश्न प्रशासनासमोर आणले असून, सामाजिक कार्यातही त्यांचा नेहमीच सक्रिय सहभाग असतो. त्यांना हा राष्ट्रीय स्तरावरील पुरस्कार जाहीर झाल्याबद्दल पत्रकारिता, शैक्षणिक, राजकीय आणि सामाजिक अशा विविध क्षेत्रांतील मान्यवरांकडून त्यांचे विश...

फलटण: दैनिक सकाळचे राजाळे प्रतिनिधी आणि प्राध्यापक अमोल विठ्ठल पवार यांना महालक्ष्मी आधार फाउंडेशनच्या वतीने आयोजित 'भारतीय संविधान जनजागृती अभियान' अंतर्गत दिला जाणारा प्रतिष्ठित “राष्ट्रीय समाज भूषण पुरस्कार 2026”जाहीर झाला आहे. त्यांच्या या निवडीमुळे फलटण शहर व परिसरातून त्यांच्यावर अभिनंदनाचा वर्षाव होत आहे. प्रा. अमोल पवार यांनी पत्रकारितेच्या माध्यमातून नेहमीच समाजातील ज्वलंत प्रश्न मांडले आहेत. त्यांच्या याच उत्कृष्ट पत्रकारितेची आणि सामाजिक क्षेत्रातील उल्लेखनीय योगदानाची दखल घेऊन, त्यांच्या समाजोपयोगी कार्याचा गौरव करण्यासाठी या राष्ट्रीय पुरस्कारासाठी त्यांची निवड करण्यात आली आहे, अशी माहिती महालक्ष्मी आधार फाउंडेशनच्या अध्यक्षा सौ. प्रतिभा शेलार यांनी दिली. प्रा. अमोल पवार यांनी आपल्या लेखणीच्या माध्यमातून नेहमीच सर्वसामान्यांचे प्रश्न प्रशासनासमोर आणले असून, सामाजिक कार्यातही त्यांचा नेहमीच सक्रिय सहभाग असतो. त्यांना हा राष्ट्रीय स्तरावरील पुरस्कार जाहीर झाल्याबद्दल पत्रकारिता, शैक्षणिक, राजकीय आणि सामाजिक अशा विविध क्षेत्रांतील मान्यवरांकडून...

हक्काचे सोने अडकल्याने नागरिक हवालदिल; पोलीस आणि सोनारामध्ये 'हितसंबंध' असल्याचा जनतेचा संशय!  फलटण येथील 'दक्षता समिती' कडे धाव; पीडितांना आता फक्त दक्षता समितीकडूनच न्यायाची अपेक्षा फलटण/राजाळे: सर्वसामान्य आणि गरीब नागरिकांनी आपल्या हक्काचे आणि कष्टाचे सोन्या-चांदीचे दागिने अडीअडचणीला मदत व्हावी म्हणून राजाळे येथील प्रसिद्ध 'अक्षय ज्वेलर्स' मध्ये गहाण ठेवले होते. मात्र, संबंधित दुकानदाराने शेकडो नागरिकांची फसवणूक करून दुकान बंद पोबारा केल्याचा खळबळजनक प्रकार समोर आला आहे. या लुटीमुळे राजाळे व परिसरातील शेकडो कुटुंब रस्त्यावर आली असून, या महाठगावर कारवाई करण्यासाठी नागरिक पोलीस ठाण्याचे उंबरठे झिजवत आहेत. परंतु, पोलीस प्रशासन या गंभीर प्रकरणाकडे जाणीवपूर्वक दुर्लक्ष करत असल्याने, "पोलीस आणि लुटणाऱ्या सोनारामध्ये नक्की काय हितसंबंध आहेत?" असा संतप्त सवाल आता नागरिक विचारत आहेत. मिळालेल्या माहितीनुसार, सरडे येथील मूळ रहिवासी असलेल्या व्यक्तीचे राजाळे (ता. फलटण) येथे 'अक्षय ज्वेलर्स' नावाचे सोन्या-चांदीचे दुकान आहे आणि होते. ग्रामीण ...

ग्रामीण भागात दररोज कोट्यवधींची उलाढाल; माजी पोलीस निरीक्षक अधिकाऱ्यांसारखा दरारा निर्माण होणार का? जनतेत चर्चा फलटण (विशेष प्रतिनिधी): फलटण तालुक्याच्या ग्रामीण भागामध्ये सध्या अवैध धंद्यांनी पुन्हा एकदा डोके वर काढले असून, हे काळे धंदे कमालीचे जोमात सुरू असल्याचे चित्र आहे. मटका, जुगार, अवैध दारू ,विक्री आणि उपसा, सह इतर यांसारख्या उद्योगांतून तालुक्यात दररोज कोट्यवधी रुपयांची उलाढाल होत असल्याची धक्कादायक माहिती समोर येत आहे. या पार्श्वभूमीवर, तालुक्याची धुरा सांभाळणारे नवीन 'कारभारी' (पोलीस प्रशासन/अधिकारी) या अवैध धंद्यांवर वचक ठेवणार की नेहमीप्रमाणे 'अर्थपूर्ण' तडजोडी करून त्याकडे डोळेझाक करणार, असा संतप्त सवाल आता नागरिक विचारत आहेत.  सुनील महाडिक यांच्या काळातील दबदब्याचे ' आठवण ग्रामीण भागात सध्या सुरू असलेल्या या अंदाधुंदीमुळे नागरिकांमधून जुन्या अधिकाऱ्यांच्या कार्यपद्धतीची आठवण काढली जात आहे. यापूर्वी फलटणमध्ये कार्यरत असलेले पोलीस अधिकारी सुनील महाडिक यांच्या कार्यकाळात गुन्हेगार आणि अवैध धंदेवाल्यांवर पोलिसांचा मोठा वचक होता. त्यांचा एक व...

फलटण (प्रतिनिधी): महाराष्ट्र राज्य नगरपरिषद, नगरपंचायत कर्मचारी व संवर्ग कर्मचारी संघटना (शाखा - फलटण नगरपरिषद, जि. सातारा) च्या सहकोषाध्यक्षपदी श्री. अजय सोनबा अहिवळे यांची सर्वानुमते निवड करण्यात आली आहे. संघटनेचे फलटण शाखा अध्यक्ष श्री. मुकेश विनायक अहिवळे यांनी नुकतेच त्यांना अधिकृत नियुक्ती पत्र प्रदान केले. फलटण नगरपरिषदेमधील अधिकारी, कार्यरत कर्मचारी तसेच सेवानिवृत्त कर्मचारी अधिकारी यांचे प्रलंबित व सर्वांगीण प्रश्न सोडवण्यासाठी दक्ष राहून कामकाज करावे, या उद्देशाने अजय अहिवळे यांच्यावर ही महत्त्वपूर्ण जबाबदारी सोपवण्यात आली आहे. आपल्या नियुक्तीबद्दल बोलताना नवनिर्वाचित सहकोषाध्यक्ष अजय अहिवळे यांनी संघटना आणि वरिष्ठ पदाधिकाऱ्यांचे आभार मानले. तसेच आगामी काळात कर्मचाऱ्यांच्या अडीअडचणी सोडवण्यासाठी, त्यांच्या विविध मागण्यांना न्याय मिळवून देण्यासाठी आणि संघटनेची ताकद वाढवण्यासाठी पूर्ण उत्साहाने व सातत्याने कटिबद्ध राहू, असा विश्वास त्यांनी यावेळी व्यक्त केला. अजय अहिवळे यांच्या या निवडीबद्दल फलटण नगरपरिषदेचे कर्मचारी, विविध सामाजिक संघटनांचे पदाधिकारी आणि हितचिंतकां...

फलटण तालुक्यातील ताथवडे या गावामध्ये डसऱ्याक रिसर्च अँड डेव्हलपमेंट ऑर्गनायझेशन यांचे तर्फे कै. ॲड. धोंडीराम अर्जुना खरात सर(निवृत्त प्राचार्य) यांच्या ६ व्या पुण्यतिथीनिमित्त व ७६ व्या जयंतीनिमित्त या आठ दिवसांचे औचित्य साधून वृक्षारोपण कार्यक्रम वन विभागाच्या क्षेत्रामध्ये शेकडो वृक्षांचे रोपण व बीज रोपण करून साजरा करण्यात आला. त्यावेळी संस्थेचे डायरेक्टर ॲड. कांचनकन्होजा धोंडीराम खरात आणि डॉ. महेशकुमार धोंडीराम खरात व वन विभागाचे वनरक्षक सुरज इंकर, वनसेवक गजाबा जाधव व संस्थेचे वॉलंटियर राजाराम अडसूळ, सुखदेव फुले, पंकज शिंदे, सनी नाळे,श्रीकांत गावडे, अशोक गावडे, वीरसेन सोनवणे आणि हिम्मतराव खरात तसेच ताथवडे गावचे जाधव, शिंदे आणि इतर या सर्वांच्या उपस्थितीमध्ये कार्यक्रम संपन्न झाला.

अवैध धंद्यांना आळा कायम बसणार ..?   प्रतिनिधी. नितीन जगताप  साखरवाडी येथे अवैद्य व्यवसाय ताडी-विक्री हातभट्टी विक्री मटका जुगार अड्ड्यावरती छापा टाकण्यात आला . सदर मिळालेल्या माहितीनुसार फलटण ग्रामीणचे पोलीस निरीक्षक भुजबळ यांना त्यांच्या खाबऱ्यामार्फत गोपनीय मिळालेल्या माहितीनुसार साखरवाडी गावच्या हद्दीत आंबेडकर नगर येथे इसम राजू सुरेश खुडे वय वर्षे ४९ हा कल्याण नावाचा मटका चालवत आहे.यावेळी पोलीस निरीक्षक भुजबळ यांनी पो.कॉ. अमोल देशमुख पो.हवा.पवार पो. हवा.अडसूळ यांना तातडीने त्या ठिकाणी जाऊन शहानिशा करून छापा टाकून कारवाई करण्यास सांगितले असता त्यांनी शहाणीच केली असता आरोपी राजू सुरेश खुडे हा उघड्यावरती पिंपळाच्या झाडाखाली कल्याण नावाचा मटका चालवत असल्याचे निदर्शनास आले.  तसेच साखरवाडी येथील काळुबाई चौक काळुबाई मंदिराच्या पाठीमागे महादेव भैरु मंडले रा. सात सर्कल,साखरवाडी हा पुना नावाचा मटका चालवत असल्याचे समजतात त्याही ठिकाणी पो. हवा. श्रीनाथ उर्फ तात्या कदम पो. उपनिरीक्षक दीपक पवार पो.हवा. महादेव पिसे पो. हवा. अमोल जगदाळे यांना काळुबाई मंदिराच्या पाठी...

चोरट्याने लक्ष ठेवून लग्न घरात साधला डाव! फलटण: राजाळे गावचे रहिवासी माजी ग्रामसेवक एम टी जाधव यांच्या फलटण येथील घरी एक लाख पस्तीस हजार किमतीचे सोन्याचे दागिने व रोख रक्कम चोरीला गेली आहे. सविस्तर घटना खालील प्रमाणे. फलटण शहर पोलीस स्टेशन मधून मिळालेल्या माहितीनुसार व दिलेल्या जबाबातून मी, महादेव तात्याबा जाधव, वय 60 वर्षे, व्यवसाय सेवानिवृत्त, मुळ रा-राजाळे, ता. फलटण, जि. सातारा, सध्या रा- गोविंद दुध डेअरी जवळ, वनदेवशेरी, पोस्ट-धुळदेव, ता. फलटण, जि. सातारा. समक्ष फलटण शहर पोलीस ठाणेस हजर राहुन देतो जबाब की मी वरील ठिकाणी सध्याचे ठिकाणी राहणेस असुन माझे घरात मी माझी पत्नी स्वाती, मुलगा श्रीधर, सुन- अश्विनी (नववधु) असे आम्ही एकत्रात राहणेस आहोत. माझे मुळ गावी मी शेतीचे कामाकरीता अधुन मधुन जात येत असतो. दिनांक 10/05/2026 रोजी माझा मुलगा श्रीधर याचे लग्न झालेले असुन घरामध्ये आम्ही सर्व लोक व पाहुने असे नव वधु वर यांचे प्रवेश केल्यानंतर सर्व कार्यक्रम झालेनंतर, माझी पत्नी स्वाती ही रात्रौ 8.30 वा. चे सुमारास बेडरुमध्ये गेली त्यावेळी तिने पाहीले की, लाकडीकपाट उघडे दिसले म्हणुन...

बारामती (प्रतिनिधी): बारामती शहर आणि तालुक्यातील सर्वसामान्य, गोरगरीब व सर्व जाती-धर्मांच्या नागरिकांना दर्जेदार, वेळेवर आणि मोफत आरोग्य सेवा मिळावी यासाठी 'नॅशनल दलित मुव्हमेंट फॉर जस्टिस'चे (NDMJ) राज्य सचिव वैभव तानाजी गिते यांनी आक्रमक भूमिका घेतली आहे.  बारामती शहरातील व तालुक्यातील सर्व शासकीय रुग्णालये, तसेच 'महात्मा ज्योतिबा फुले जन आरोग्य योजना' (MJPJAY) आणि 'प्रधानमंत्री जन आरोग्य योजना' (PMJAY) अंतर्गत अंगीकृत असलेल्या खाजगी रुग्णालयांची एक महत्त्वपूर्ण एकत्रित बैठक नुकतीच संपन्न झाली. या बैठकीत वैभव गिते यांनी आरोग्य व्यवस्थेतील त्रुटींवर बोट ठेवत आणि सर्वसामान्यांच्या हक्कासाठी एकूण १२ महत्त्वाचे मुद्दे प्रशासनासमोर आणि रुग्णालय प्रमुखांसमोर मांडले. गोरगरिबांना मोफत व तात्काळ उपचाराच्या सूचना बैठकी दरम्यान वैभव गिते यांनी रुग्णालयांचे संचालक आणि प्रमुखांना स्पष्ट सूचना दिल्या की, शासकीय योजनांचा लाभ शेवटच्या घटकांपर्यंत पोहोचला पाहिजे. कोणत्याही गरजू रुग्णाला पैशांअभावी किंवा कागदपत्रांच्या तांत्रिक कारणांमुळे उपच...

सांगवी :सांगवी गावात गावठाण लाइन राजेकुरन फाटा वरील. महावितरणच्या ठेकेदाराकडून अत्यंत निकृष्ट दर्जाचे काम करण्यात आल्याचा आरोप होत असून, याविरोधात NDMG' (नॅशनल दलित मुव्हमेंट फॉर जस्टिस) संघटनेच्या वतीने तीव्र आंदोलनाचा पवित्रा घेण्यात आला आहे. प्रशासनाने संबंधित ठेकेदारावर त्वरित कारवाई न केल्यास थेट जिल्हाधिकारी कार्यालयासमोर आंदोलन करण्याचे निवेदन देणार असल्याचे बोलले आहे.  वादळी पावसात दुर्घटना घडण्याची शक्यता मिळालेल्या माहितीनुसार, सांगवी येथील राजेकुरण बंगला परिसरात काही दिवसांपूर्वीच नवीन विद्युत वाहिनी आणि पोल (विजेचे खांब) बसवण्याचे काम करण्यात आले होते. मात्र, हे काम पूर्ण होऊन काही दिवस उलटत नाही तोच, हे पोल आताच एका बाजूला वाकल्याचे दिसून येत आहे. सध्या आगामी काळात येणारा वादळी आणि अवकाळी पाऊस पाहता, हे निकृष्ट दर्जाचे खांब कधीही कोसळण्याची दाट शक्यता निर्माण झाली आहे. यामुळे परिसरात मोठी दुर्घटना घडून जीवित किंवा वित्तहानी होण्याचा धोका निर्माण होणार असल्याचे चित्र झाले आहे. ठेकेदाराच्या अशा हलगर्जीपणामुळे स्थानिक नागरिकांमध्ये ती...

  माजी सनदी अधिकारी विश्वासराव जयवंतराव भोसले साहेबांचे अथक प्रयत्न *"आपला गाव...आपला अभिमान* फलटण (प्रतिनिधी): महाराष्ट्र शासनाच्या वतीने राबविण्यात येणाऱ्या मुख्यमंत्री समृद्ध पंचायतराज अभियान’ अंतर्गत फलटण तालुक्यात राजाळे ग्रामपंचायतीने अत्यंत मानाचा प्रथम क्रमांक पटकावला आहे.. ग्रामपंचायतीच्या या ऐतिहासिक आणि गौरवशाली यशामुळे फलटण तालुक्यात राजाळे गावाचे नाव आणखी उंचावले असून, सर्वत्र कौतुकाचा वर्षाव होत आहे. *भोसले साहेबांचे नेतृत्व आणि दूरदृष्टी..!* राजाळे गावाच्या या दैदिप्यमान यशामध्ये गावाचे सुपुत्र आणि माजी सनदी अधिकारी विश्वासराव जयवंतराव भोसले साहेब यांचे अथक प्रयत्न, दूरदृष्टी आणि सातत्यपूर्ण मार्गदर्शन अत्यंत महत्त्वाचे ठरले आहे. त्यांच्या प्रशासकीय अनुभवाचा आणि गावाप्रती असलेल्या जिव्हाळ्याचा राजाळे गावाला मोठा फायदा होत आहे. त्यांच्याच प्रेरणेने ग्रामपंचायतीने ग्रामस्थांमध्ये चळवळ निर्माण करून, विविध लोककल्याणकारी व शाश्वत विकासाच्या योजना गावात प्रभावीपणे राबवून हे यश संपादन केले आहे. ग्रामपंचायतीने प्रशासकीय पारदर्शकता, योजनांची अचूक अंम...

सुखदेव केशव बेलदार सत्कार  सोनगाव विविध कार्यकारी सहकारी सेवा सोसायटी, सोनगावच्या चेअरमन पदी राजेगटाचे निष्ठावंत कार्यकर्ते तथा सर्वसामान्य सभासदांच्या विश्वासाला पात्र ठरलेले श्री. सुखदेव केशव बेलदार यांची बिनविरोध निवड झाल्याने संपूर्ण परिसरात आनंदाचे वातावरण निर्माण झाले आहे. यावेळी माजी चेअरमन श्री. संदीप बबनराव पिंगळे यांनी पूर्वनियोजित ठरल्याप्रमाणे आपल्या पदाचा स्वेच्छेने राजीनामा देत दिलेला शब्द पाळला आणि राजेगटातील शिस्त, निष्ठा व पारदर्शक राजकारणाची परंपरा पुन्हा अधोरेखित केली. पुढील चेअरमन पदासाठी मा. सरपंच श्री. जय्याप्पा बेलदार यांचे नाव चर्चेत असताना, “नवीन चेहऱ्यांना संधी मिळाली पाहिजे” या सकारात्मक भूमिकेतून त्यांनी मोठेपणा दाखवत श्री. सुखदेव बेलदार यांना चेअरमनपदाची संधी दिली. या निर्णयाचे सभासद व ग्रामस्थांकडून विशेष स्वागत करण्यात आले. 🌸 नवनिर्वाचित चेअरमन यांचा भव्य सत्कार 🌸 नवनिर्वाचित चेअरमन श्री. सुखदेव बेलदार यांचा सत्कार हा महाराष्ट्र विधानपरिषदेचे मा. सभापती श्रीमंत रामराजे नाईक निंबाळकर (महाराज साहेब), श्रीमंत रघुनाथराजे नाईक निंबाळकर (चेअरम...

( प्रशासकीय अनास्थेमुळे राजाळे गावात बेकायदा धंद्यांचे पेव )  ग्रामपंचायतीचा फलटण पोलीस आणि राज्य उत्पादन शुल्क विभागाला थेट इशारा फलटण : फलटण तालुक्यातील जनाई देवी तीर्थक्षेत्र असलेल्या राजाळे गावात केमिकल मिश्रित हातभट्टीची बेकायदा दारू विक्री, मटका, गुटखा, जुगार आणि गांजा यांसारख्या अवैध धंद्यांनी भयानक रूप धारण केले आहे. या विषारी दारूमुळे गावातील तरुण पिढी पूर्णपणे व्यसनाधीन झाली असून, दर पंधरा दिवसाला कोणत्या ना कोणत्या तरुणाचा या विषारी दारूमुळे किंवा दारू पिऊन प्राशन केल्यामुळे मृत्यू होण्याचे चित्र होणार की काय असे धक्कादायक नागरिकांमध्ये चर्चा होत आहे. या गंभीर परिस्थितीबाबत राजाळे ग्रामपंचायतीने पोलीस प्रशासन आणि दारूबंदी विभागाकडे तीव्र संताप व्यक्त करत तात्काळ कारवाईची मागणी केली आहे.  जुन्या तक्रारींवर ठोस कारवाई शून्य! राजाळे ग्रामपंचायतीने आणि ग्रामस्थांनी यापूर्वी २०२१ पासून अनेकदा लेखी तक्रारी दिल्या आहेत. यामध्ये गावठी दारू विक्रेत्यांची नावे देखील पोलीस प्रशासनाला पुरवण्यात आली होती. मात्र, पोलीस अथवा दारूबंदी (राज्य उत्पादन शुल्क) विभागाने क...

फलटण : फलटण नगरपरिषदेचे लोकप्रिय आरोग्य निरीक्षक श्री. मुकेश विनायक अहिवळे यांची 'फलटण म्युनिसिपल सर्वंटस को-ऑपरेटिव्ह क्रेडिट सोसायटी लि. फलटण' च्या चेअरमनपदी (अध्यक्ष) बिनविरोध निवड करण्यात आली आहे. या निवडीमुळे नगरपरिषद कर्मचारी वर्तुळात तसेच फलटण शहरातून त्यांच्यावर अभिनंदनाचा जोरदार वर्षाव होत आहे. अशी झाली निवड प्रक्रिया! सोसायटीच्या रिक्त झालेल्या चेअरमनपदासाठी नुकतीच विशेष निवडणूक सभा आयोजित करण्यात आली होती. या सभेमध्ये चेअरमनपदासाठी श्री. मुकेश विनायक अहिवळे यांचा एकमेव अर्ज दाखल झाला. अन्य कोणताही अर्ज न आल्याने, निवडणूक निर्णय अधिकाऱ्यांनी अहिवळे यांची चेअरमनपदी बिनविरोध निवड झाल्याचे अधिकृतपणे घोषित केले. सभासदांच्या हिताला सर्वोच्च प्राधान्य देणार: मुकेश अहिवळे "संस्थेच्या आजवरच्या पारदर्शक आणि गतिमान कारभाराची परंपरा पुढे चालू ठेवू. सर्व सभासदांच्या हिताला आणि कल्याणाला सर्वोच्च प्राधान्य देऊन, त्यांच्या विश्वासाला तडा जाऊ न देता संस्थेच्या प्रगतीसाठी मी कटिबद्ध राहीन." — श्री. मुकेश अहिवळे (नवनियुक्त चेअरमन) नगरपरिषद कर्मचारी व शहरात आनंदाच...

राजाळे: राजाळे गावचे माजी सरपंच आणि पूर्व भागातील बहुजन समाजाचे खंबीर, उमदे नेतृत्व सचिन भालेराव यांचे हृदयविकाराच्या तीव्र झटक्याने अकस्मात दुःखद निधन झाले. त्यांच्या या अकाली जाण्याने संपूर्ण राजाळे गावासह परिसरातील पूर्व भागावर शोककळा पसरली असून, सर्वसामान्य जनतेतून अत्यंत हळहळ व्यक्त केली जात आहे. हृदयविकाराच्या तीव्र झटक्याने प्राणज्योत मालवली मिळालेल्या माहितीनुसार, सचिन भालेराव यांना अचानक हृदयविकाराचा तीव्र झटका आल्याने त्यांची प्राणज्योत मालवली. त्यांच्या निधनाची बातमी वाऱ्यासारखी पसरताच राजाळे गावासह संपूर्ण पूर्व भागातील राजकीय, सामाजिक आणि सामाजिक कार्यकर्त्यांवर मोठी कुऱ्हाड कोसळली आहे. एक हसमुख आणि सतत लोकांमध्ये असणारा नेता इतक्या अचानकपणे सोडून गेल्याने सर्वजण सुन्न झाले आहेत. सचिन भालेराव हे केवळ नावापुरते नेते नव्हते, तर राजकीय आणि सामाजिक क्षेत्रातील अत्यंत सक्रिय आणि तळमळीचे कार्यकर्ते होते. सर्वसामान्य जनता, गरीब आणि बहुजन समाजाच्या अडीअडचणी सोडवण्यासाठी ते अहोरात्र तत्पर असायचे. कोणाच्याही सुख-दुःखात धावून जाणे आणि लोकांच्या समस्यांना प्रशासकीय पातळीव...