मुंबई, प्रतिनिधी:- वार्षिक सर्वसाधारण सभा श्री. सत्यनारायण महापूजा दिनांक 29 ,9, 2026 रोजी आयोजित करण्यात आली होती .त्यावेळी गुणवंत विद्यार्थी यांना गुणगौरव करण्यात आले 70% पेक्षा अधिक गुण मिळवलेल्यांना सभासदांच्या मुला मुलीसाठी एक ते पदवीधर विद्यार्थी गुणगौरव मा. संस्थापक, अध्यक्ष समाज भूषण श्री. बाबासाहेब भीमराव जाधव (आबा) यांच्या हस्ते गुण गौरव करण्यात आले उपाध्यक्ष, राजेश शामराव जाधव संचालक, सुनील बाबासाहेब चाळके संचालक ,संदीप लक्ष्मण निवडुंगे संचालक, संदीप तानाजी गुंजावले संचालक, रघुनाथ मारुती घारे संचालका ,संजना सुधीर करपे संचालिका ,उषा राजेश कदम संचालक, शिवाजी विठ्ठल लोहार संचालक, जयेश सखाराम गुरव संचालक, रामचंद्र ज्ञानदेव साठे कायदेविषयक सल्लागार ,अँड. युवराज निवृत्ती बोत्रे उच्च न्यायालय ,अँड.विकास नाना तांबेकर उच्च न्यायालय सल्लागार, संतोष रामचंद्र चाळके रमेश सर्जेराव जाधव शिवाजी रत्नाजी पाटील लेखापरीक्षण ,ए बी.मोहिते अँड.असो .शासकीय लेखा परीक्षक, महाव्यवस्थापक, श्री. संदीप यशवंत चोरमारे लिपिक ,सागर वसंत पाटील लिपिका, सौ .सोनाली सचिन शिंदे यांच्या उपस्थितीत कार...

फलटण-महाराष्ट्र राज्य मार्ग परिवहन महामंडळाच्या एसटी सवलतीच्या प्रवासासाठी १ आक्टोंबर पासून नॅशनल कॉमन मोबिलिटी कार्ड अनिवार्य करण्यात येणार आहे. अमृत ज्येष्ठ नागरिक ,ज्येष्ठ नागरिक तसेच महिला प्रवाशांना सवलतीच्या दारात प्रवास करण्यासाठी या कार्डचा वापर करावा लागणार आहे त्यामुळे पात्र प्रवाशांनी वेळेत एनसी एमसी कार्ड ची नोंदणी करून घ्यावी असे आवाहन फलटण आगार व्यवस्थापनाने केले आहे‌.       शासनाच्या निर्णयानुसार विविध प्रवर्गातील प्रवाशांना एसटी कडून सवलतीच्या दरात प्रवासाची सुविधा दिली जाते ही सवलत अधिक पारदर्शक आणि डिजिटल पद्धतीने उपलब्ध करून देण्यासाठी एमसीएमसी कार्ड प्रणाली लागू करण्यात आली आहे. यापुढे सवलतीचे तिकीट देताना कार्डचा वापर केला जाणार आहे. राज्यातील एसटी आगार व बस स्थानकावर कार्ड नोंदणी आणि वितरण प्रक्रिया सुरू आहे. यापूर्वीच कार्यरत असलेल्या एनसीएमसी कार्डधारकांना त्याच कार्डाचा वापर करून प्रवास करता येईल. नव्याने नोंदणी करणाऱ्या प्रवाशांना क्यूआर कोड असलेली पावती देण्यात येणार असून त्या आधारे 30 दिवसापर्यंत सवलतीचा लाभ घेता येणार आहे. या कालाव...

म्हसवड (प्रतिनिधी): एकीकडे महिला सुरक्षेचे मोठे दाव केले जात असताना, दुसरीकडे प्रत्यक्षात मात्र पीडित महिलांना न्याय मिळवण्यासाठी प्रशासकीय उदासीनतेचा सामना करावा लागत असल्याचे चित्र म्हसवड पोलीस ठाण्याच्या हद्दीत समोर आले आहे. गंभीर त्रास आणि छळाची तक्रार घेऊन आलेल्या पीडित महिलेला कठोर कारवाईचे आश्वासन देण्याऐवजी पोलिसांनी केवळ अदखलपात्र (N.C.R.) गुन्हा दाखल करून हात वर केल्याचा गंभीर आरोप केला जात आहे.   प्राप्त माहितीनुसार, तक्रारदार महिला कोमल अभिजीत भोसले (वय ३७ वर्षे, रा . फोंडशिरस तालुका माळशिरस सध्या .राहणार पानमळा म्हसवड, ता. माण, जि. सातारा) यांनी म्हसवड पोलीस ठाण्यात दिलेल्या तक्रारीनुसार, दिनांक २७ सप्टेंबर २०२६ रोजी महिलेचे पती अभिजीत नाना भोसले याने मोबाईलवर फोन करून शिवीगाळ व दमदाटी केली.   यापूर्वीही कित्येक दिवस पीडित महिलेला मोठा मानसिक व शारीरिक त्रास सहन करावा लागल्याचे तिचे म्हणणे आहे. मात्र, पोलिसांनी या घटनेचे गांभीर्य न ओळखता केवळ भारतीय न्याय संहिता (BNS) २०२३ मधील कलम ३५१(२) व ३५२ अन्वये अदखलपात्र गुन्हा (NCR No. 1063/2026, द...

अमली पदार्थांचे दर दुप्पट, हप्तेबाजीतही मोठी वाढ! फलटण (विशेष प्रतिनिधी): प्रशासकीय शिस्त आणि कडक कारवाईसाठी ओळखले जाणारे धडक कारवाईचे अधिकारी तुकाराम मुंडे यांच्या नावाची सध्या फलटण तालुक्यात जोरदार चर्चा सुरू आहे. मात्र, या चर्चेच्या आडून तालुक्यातील अवैध धंदेवाले आणि काही भ्रष्ट साखळी यांनी कमाईचा नवा मार्ग शोधून काढल्याचा धक्कादायक प्रकार समोर आला आहे. मुंडे साहेबांच्या नावाचा धाक दाखवून अमली पदार्थ, गुटखा आणि इतर अवैध वस्तूंचे दर थेट दुप्पट-तिप्पट करण्यात आले असून हप्त्यांच्या रक्कमेतही मोठी वाढ झाली आहे. गुटखा आणि अंमली पदार्थांचे भाव गगनाला फलटण शहर व ग्रामीण भागात बंदी असलेला गुटखा आणि इतर अंमली पदार्थांची विक्री छुप्या मार्गाने जोरात सुरू आहे. एरवी १० रुपयांना मिळणाऱ्या गुटख्याच्या पुडीसाठी आता २० ते ३० रुपये मोजावे लागत आहेत. "पुढे कारवाईचा आणि साहेबांचा कडक पहारा आहे, माल मिळणे कठीण झाले आहे," असे सांगून व्यसनी लोकांची उघडपणे लूट सुरू आहे. बाजारात अमली पदार्थांच्या किमतीत तिपटीने वाढ झाली असली, तरी त्याचा पुरवठा मात्र कुठेही थांबलेला नाही. ‘हप्ते वाढले’...

शालेय शिक्षण विभागाच्या वतीने राबविण्यात आलेल्या शालेय क्रीडा स्पर्धेमध्ये 17 वर्षाखालील कबड्डी स्पर्धेत मठाचीवाडी विद्यालय मठाचीवाडी या विद्यालयातील मुलींच्या संघाने सातारा जिल्ह्यात प्रथम क्रमांक मिळवल्याने त्यांची विभागीय कबड्डी स्पर्धेसाठी निवड झाली आहे शालेय शिक्षण विभाग व जिल्हा क्रीडा अधिकारी सातारा यांच्या संयुक्त विद्यमाने म्हसवड येथील माणदेशी फाउंडेशन येथे आयोजित केलेल्या जिल्हास्तरीय कबड्डी स्पर्धेत एकूण सातारा जिल्ह्यातील आठ संघाने सहभाग घेतला होता अत्यंत चुरशीच्या झालेल्या स्पर्धेत अंतिम सामना फलटण विरुद्ध माण तालुका अशी रोमांचक लढत रंगली होती अंतिम सामना बरोबरीत सुटल्यानंतर दोन्ही संघाला पाच आक्रमण करण्याची संधी देण्यात आली होती यामध्ये मठाचीवाडी विद्यालय मठाचीवाडी येथील मुलींनी या संधीचा फायदा उठवत 14 विरुद्ध 4अशी एकतर्फी लढत जिंकली त्यामुळे त्यांची विभागीय स्पर्धेसाठी निवड झाली आहे या संघाला प्रशिक्षक म्हणून मठाचीवाडी विद्यालय मुख्याध्यापक लक्ष्मण शेंडगे सर क्रीडा शिक्षक अमिर आतार सर प्राची धनवडे मॅडम सतीश सोनलनकर सर मज्जिद खान मुलानी सर श्री राज भोसल...

फलटण:तालुक्यात दिवसेंदिवस दुष्काळाचे सावट अधिकच गडद होत असून यावर कायमस्वरूपी मात करण्यासाठी तालुक्यातील धरणे, पाझर तलाव आणि फलटण तलावातील साचलेला गाळ काढून तो शेतकऱ्यांना विनामूल्य देण्यात यावा, अशी मागणी शिवसेना फलटण तालुकाप्रमुख श्री. नानसो इवरे यांनी सातारा जिल्ह्याचे पालकमंत्री शंभूराज देसाई यांच्याकडे एका निवेदनाद्वारे केली आहे. तालुक्यातील धरणे आणि तलावांमध्ये मोठ्या प्रमाणावर गाळ साचल्याने त्यांची पाणीसाठवण क्षमता मोठ्या प्रमाणात घटली आहे. त्यामुळे जलसाठे लवकरात लवकर कोरडे पडत असून पाणीटंचाईची समस्या तीव्र होत आहे. यावर उपाय म्हणून शासनाची 'गाळमुक्त धरण, गाळयुक्त शिवार' ही लोकोपयोगी योजना फलटण तालुक्यात तात्काळ लागू करावी, असे निवेदनात नमूद करण्यात आले आहे. तलाव आणि धरणांतील साचलेला गाळ बाहेर काढल्यामुळे जलसाठ्यांची साठवण क्षमता वाढेल, ज्यामुळे दुष्काळी भागात पाणीटंचाईवर कायमस्वरूपी मात करण्यास मदत होईल.  तलावातील सुपीक गाळ शेतकऱ्यांच्या शेतात पसरवल्यास जमिनीची सुपीकता वाढून पिकांची आवक सुधारेल आणि उत्पादन वाढल्याने शेतकऱ्यांना आर्थिक फायदा होईल. दुष्काळाचा ...

फलटण:येथील गवळीनगर येथे गवळी बाबा गणेशोत्सव मंडळ, गवळीनगर आणि मुख्य प्रायोजक मुथुट फिनकॉर्प, फलटण यांच्या संयुक्त विद्यमाने आयोजित करण्यात आलेली 'कोण बनेल करोडपती?' ही विशेष ज्ञानवर्धक स्पर्धा नुकतीच मोठ्या उत्साहात पार पडली. या चुरशीच्या स्पर्धेत वेदांश विपुल गावडे याने प्रथम क्रमांक पटकावला.या कार्यक्रमाप्रसंगी मुथुट फिनकॉर्पचे योगेश गावडे प्रामुख्याने उपस्थित होते. त्यांनी उपस्थितांशी संवाद साधताना मुथुट फिनकॉर्पच्या विविध उत्पादनांची आणि योजनांची सविस्तर माहिती गावकऱ्यांना दिली. सर्वसामान्यांसाठी असणाऱ्या फायदेशीर योजनांचा लाभ घेण्याचे आवाहनही त्यांनी यावेळी केले. अतिशय अटीतटीच्या झालेल्या या स्पर्धेचा निकाल पुढीलप्रमाणे आहे:प्रथम क्रमांक: *वेदांश विपुल गावडे* (१ स्टडी टेबल, रोख रक्कम आणि आकर्षक ट्रॉफी)द्वितीय क्रमांक: *हर्षदा कल्याण गावडे* (१ स्टडी टेबल आणि आकर्षक ट्रॉफी)तृतीय क्रमांक: *संस्कृती भाऊसो माने* (१ स्टडी टेबल आणि आकर्षक ट्रॉफी) मुख्य विजेत्यांसोबतच या स्पर्धेत सहभागी झालेल्या इतर सर्व स्पर्धकांचे कौतुक करत त्यांना प्रशस्ती पत्रक आणि शाळोपयोगी वस्तूं...

अपघात प्रकरणात ठोस पुरावा नसल्याने आरोपी निर्दोष फलटण, दि. १९ सप्टेंबर २०२६ : सन २०१६ मधील अपघाताच्या प्रकरणात आरोपी कुलदीप भिमराव गायकवाड यांची फलटण येथील अतिरिक्त मुख्य न्यायदंडाधिकारी न्यायालयाने निर्दोष मुक्तता केली. या प्रकरणात आरोपीविरुद्ध भारतीय दंड संहिता कलम २७९, ३३७, ३३८ तसेच मोटार वाहन कायदा कलम १८४ अन्वये आरोप ठेवण्यात आले होते. सरकार पक्षाच्या म्हणण्यानुसार, दि. ३० जानेवारी २०१६ रोजी दधेबाबी ते दहिवडी रस्त्यावर स्कॉर्पिओ वाहन आणि डिस्कव्हर मोटारसायकल यांच्यात अपघात झाला होता. या अपघातात फिर्यादी सविता धनाजी पवार तसेच त्यांच्या मुलीला दुखापत झाल्याचे न्यायनिर्णयात नमूद आहे. सुनावणीदरम्यान सरकार पक्षाने चार साक्षीदार तपासले. मात्र, अपघाताच्या वेळी संबंधित स्कॉर्पिओ वाहन आरोपीच चालवत होता तसेच त्याने वाहन बेदरकार व निष्काळजीपणे चालविले, हे संशयापलीकडे सिद्ध करणारा ठोस पुरावा सरकार पक्षाकडून सादर झाला नसल्याचे न्यायालयाने नमूद केले. फिर्यादीच्या प्राथमिक जबाबात आरोपी वाहन चालवत असल्याचा उल्लेख नसणे, इतर प्रत्यक्षदर्शी साक्षीदार तपासले न जाणे तसेच तपासी अधिकाऱ्याच्य...

फलटण (विशेष प्रतिनिधी): साखरवाडी-जिंती-फलटण रस्त्याची झालेली अत्यंत दयनीय अवस्था, उखडलेले डांबर आणि खड्ड्यांचे साम्राज्य यांमुळे रुग्ण, शेतकरी व विद्यार्थ्यांचा जीव कसा धोक्यात आला आहे, याकडे 'साप्ताहिक सातारा सम्राट'ने प्रशासनाचे लक्ष वेधले होते. या प्रसिद्ध केलेल्या सडेतोड बातमीची सार्वजनिक बांधकाम विभागाने (PWD) तातडीने गंभीर दखल घेतली आहे.   बातमी प्रसिद्ध होताच संबंधित प्रशासकीय यंत्रणा आणि लोकप्रतिनिधी हलले असून, रस्त्याच्या दुरुस्ती व खडीकरणाच्या कामाला प्रत्यक्ष सुरुवात करण्यात आली आहे.  'सातारा सम्राट'मध्ये प्रसिद्ध झालेल्या वृत्तामुळे आणि नागरिकांच्या आंदोलनाच्या इशार्यानंतर PWD विभागाने तातडीने यंत्रसामग्री आणि कर्मचारी घटनास्थळी पाठवून रस्ता दुरुस्तीचे काम हाती घेतले.    खड्डे बुजवून रस्त्याचे सपाटीकरण व डांबरीकरणाचे प्राथमिक काम सुरू झाल्याने उपचारासाठी जाणारे रुग्ण, शेतीमाल वाहतूक करणारे शेतकरी आणि रोज प्रवास करणाऱ्या विद्यार्थ्यांमधून समाधान व्यक्त होत आहे.    दीर्घकाळापासून प्रलंबित असलेल्या या गंभीर समस्येला वाचा ...

१७ सप्टेंबर रोजी सांगवी येथे विविध समाजोपयोगी उपक्रमांचे आयोजन सांगवी (ता. फलटण) : प्रतिनिधी — युवा उद्योजक, युवकांचे मार्गदर्शक आणि सामाजिक बांधिलकी जपणारे व्यक्तिमत्त्व शक्ती भाऊ धिवार यांचा वाढदिवस १७ सप्टेंबर रोजी सांगवी येथे विविध सामाजिक व समाजोपयोगी उपक्रमांच्या माध्यमातून साजरा करण्यात येणार आहे. वाढदिवसाचा आनंद केवळ शुभेच्छा व सत्कारापुरता मर्यादित न ठेवता समाजातील गरजू घटकांना मदतीचा हात देण्याचा संकल्प यानिमित्त करण्यात आला आहे. शक्ती भाऊ धिवार हे युवकांमध्ये विशेष लोकप्रिय असून, ग्रामीण भागातील युवकांना उद्योग-व्यवसायाची दिशा देण्यासोबतच त्यांना स्वतःच्या पायावर उभे राहण्यासाठी प्रोत्साहन देणारे युवा उद्योजक म्हणून त्यांची ओळख निर्माण झाली आहे. युवकांनी केवळ नोकरीच्या शोधात न राहता स्वतःचा व्यवसाय उभा करून इतरांसाठीही रोजगाराच्या संधी निर्माण कराव्यात, असा सकारात्मक विचार ते सातत्याने मांडत आहेत. ग्रामीण भागातील युवकांमध्ये मोठी क्षमता आहे. मात्र योग्य मार्गदर्शन, संधी आणि प्रोत्साहन मिळणे गरजेचे आहे. ही बाब लक्षात घेऊन युवकांना व्यवसायाच्या विविध संधींची माहिती...

साखरवाडी (विशेष प्रतिनिधी): सळसळणारा उत्साह, मांगल्याचे वातावरण आणि महालक्ष्मीच्या आगमनाची ओढ... अशा भारावलेल्या वातावरणात साखरवाडी आणि परिसरातील महिलांच्या कलागुणांना, कल्पकतेला हक्काचे व्यासपीठ मिळवून देण्यासाठी श्री. गणपत विठ्ठल भोसले प्रतिष्ठान सज्ज झाले आहे. संस्थेच्या वतीने यंदा अत्यंत प्रतिष्ठेच्या आणि या भागातील आकर्षणाचा केंद्रबिंदू ठरणाऱ्या ‘भव्य गौरी सजावट स्पर्धेचे’ आयोजन करण्यात आले असून, यामुळे संपूर्ण परिसरात उत्सवाचा आनंद द्विगुणित होणार आहे. कै. गणपत विठ्ठल भोसले (ग. वि.भोसले सर) यांच्या शैक्षणिक, सामाजिक, सांस्कृतिक व धार्मिक कार्यातून प्रेरणा घेऊन, समाजातील सृजनशीलता आणि पर्यावरण रक्षणाचा संदेश घराघरात पोहोचवण्यासाठी या अनोख्या स्पर्धेचे आयोजन करण्यात आले आहे. पैलू स्पर्धेचे: भरघोस बक्षिसे आणि सन्मानचिन्हांची लयलूट! आपल्या कल्पकतेने आणि श्रद्धेने गौरीची आरास सजवणाऱ्या माहेरवाशिणींसाठी प्रतिष्ठानने तब्बल चार मोठ्या क्रमांकांची बक्षिसे जाहीर केली आहेत : 🏆 प्रथम पारितोषिक: रोख रक्कम ₹ ३,५००/- आणि सन्मानचिन्ह. 🥈 द्वितीय पारितोषिक: रोख रक्कम ₹ २,५००/- आणि सन...

फलटण / लोणंद (प्रतिनिधी): नितीन जगताप  फलटण शहरासह लोणंद आणि साखरवाडी परिसरात सध्या अल्पवयीन मुलांच्या हाती सर्रास दुचाकी आणि चारचाकी वाहने पाहायला मिळत आहेत. वाहतुकीच्या नियमांची कोणतीही माहिती नसताना अन् परवाना नसताना ही मुले अतिवेगाने आणि बेदरकारपणे वाहने पळवत असल्याने इतर पादचारी व वाहनधारकांच्या जिवाला मोठा धोका निर्माण झाला आहे. या प्रकारांकडे वाहतूक पोलीस आणि उपप्रादेशिक परिवहन विभागाने (RTO) तातडीने लक्ष देऊन कडक कारवाई करावी, अशी जोरदार मागणी नागरिक करत आहेत. सकाळी आणि संध्याकाळी शाळा, कॉलेज सुटण्याच्या वेळी तसेच ट्यूशन क्लासच्या परिसरात अल्पवयीन विद्यार्थ्यांचा भरधाव वेगाने गाड्या चालवण्याचा स्टंटबाजीचा थरार पाहायला मिळतो. ट्रिपल सीट प्रवास करणे, कानठळ्या बसवणारे सायलेन्सर वापरणे आणि गर्दीच्या ठिकाणी स्टंटबाजी करणे हे प्रकार आता नित्याचेच झाले आहेत. यामुळे फलटण, लोणंद आणि साखरवाडीच्या अंतर्गत रस्त्यांवर लहान-मोठे अपघात होण्याचे प्रमाण चिंताजनकरीत्या वाढले आहे. अल्पवयीन मुलांच्या हाती वाहने सोपवणाऱ्या पालकांची बेजबाबदार वृत्तीही या समस्येला कारणीभूत आहे. अपघाता...

फलटण: गणेशोत्सवाच्या काळात होणारे ध्वनीप्रदूषण टाळण्यासाठी आणि नागरिकांचे आरोग्य जपण्यासाठी फलटण शहर पोलीस ठाण्याच्या वतीने आज, दि. १२ सप्टेंबर २०२६ रोजी भव्य 'ध्वनीप्रदूषण विरोधी जनजागृती रॅली'चे आयोजन करण्यात आले. फलटण नगरपरिषद हद्दीतील २५ शाळा व महाविद्यालयांच्या संयुक्त सहभागाने ही रॅली अतिशय उत्साहात पार पडली. उत्सवाचा आनंद लुटताना डीजेचा अतिवापर आणि वाढत्या आवाजामुळे वृद्ध, लहान मुले आणि रुग्णांच्या आरोग्यावर विपरीत परिणाम होतो. या पार्श्वभूमीवर गणेशोत्सवात डीजे वाजवू नये, ध्वनीप्रदूषण टाळावे आणि उत्सव पर्यावरणपूरक पद्धतीने साजरा करावा, असा संदेश या रॅलीच्या माध्यमातून शहरवासीयांना देण्यात आला. रॅलीमध्ये विविध शाळा व महाविद्यालयांचे हजारो विद्यार्थी, शिक्षक आणि प्रतिनिधी मोठ्या संख्येने सहभागी झाले होते. विद्यार्थ्यांनी हातामध्ये जनजागृतीपर फलक धरून आणि विविध घोषणा देऊन परिसर दुमदुमून टाकला. 'ध्वनीप्रदूषणमुक्त फलटण' घडवण्यासाठी प्रत्येक नागरिकाने आणि गणेश मंडळाने सहकार्य करण्याचे आवाहन रॅलीदरम्यान करण्यात आले. फलटण शहर पोलीस ठाण्याकडून सर्व गणेशोत्सव म...

मुख्याधिकारी निखिल जाधव गोरक्षकांचा प्रश्न तात्काळ मार्गी लावा अन्यथा आत्महत्या करू - सौरभ सोनवणे केवळ मतांच्या राजकारणासाठी लोकप्रतिनिधींनी या संवेदनशील विषयाकडे दुर्लक्ष..? फलटण (प्रतिनिधी): फलटण नगरपालिकेच्या मालकीचा बेकायदेशीररीत्या सुरू असणारा कत्तलखाना कायमस्वरूपी बंद करावा, या मागणीसाठी सुरू असलेल्या आमरण उपोषणाचा आज चौथा दिवस उजाडला आहे. मात्र, चार दिवस उलटूनही पालिका प्रशासनाने अथवा लोकप्रतिनिधींनी याची कोणतीही दखल न घेतल्याने शिवसेना/गोरक्षक अक्षय तावरे यांनी पालिका प्रशासन आणि स्थानिक लोकप्रतिनिधींवर जोरदार घणाघाती टीका केली आहे. "मुख्याधिकारी कामाच्या बाबतीत 'दिसायला दांडगा अन् कामाला उंडगा'" असे बोलले आहे.  मुख्याधिकारी निखिल जाधव यांनी आंदोलनस्थळी भेट देऊन चर्चा करण्याची तसदी घेतलेली नाही. यावर संताप व्यक्त करत अक्षय तावरे म्हणाले की, "मुख्याधिकारी केवळ दिसायला सक्षम असून कामाच्या बाबतीत मात्र 'दिसायला दांडगा आणि कामाला उंडगा' अशी त्यांची अवस्था आहे." पालिका प्रशासन संवेदनशीलतेचा पूर्णपणे अभाव दाखवत असल्याचा आरोपही त्यांनी ...

श्रावण महिना संपायला सुरुवात झाली आहे . गल्लीबोळातून, चौकातून फक्त एकाच गोष्टीची चर्चा सुरू होती—कधी एकदा श्रावण संपतोय आणि कधी ताटात झणझणीत रस्सा येतोय! एका गावात तिथेच शेजारी एक गृहस्थ मोठ्या उत्साहाने सर्वांना सांगत होते, "भाऊ, काहीही म्हणा... श्रावण संपल्यावर मटण खायला जी मजा आहे ना, ती कशातच नाही!" तिथे उभ्या असलेल्या एका तरुणाने सहज विचारले, "काका, एवढं कौतुकाने सांगताय, मग मटण नक्की कसलं आवडतं तुम्हाला? बोकडाचं, शेळीचं, की अजून कसलं?" ते गृहस्थ थोडे अडखळले, मान खाजवत म्हणाले, "अहो, ते कसले प्रकार मला काय माहीत! मटण म्हणजे मटण! ताटात आलं, की खायचं... आपल्याला फक्त मटणाशी मतलब!" त्यांचे हे बोलणे ऐकून बाजूलाच बसलेले एक अनुभवी वृद्ध शेतकरी हसले आणि म्हणाले, "काका, तुमची गोष्ट तर अगदी त्या 'काजू' समजून 'चुणचुण्या' खाणाऱ्या माणसासारखी झाली!" तरुणाने उत्सुकतेने विचारले, "बाबा, म्हणजे काय?" वृद्धाने सांगायला सुरुवात केली, "एक माणूस स्वतःला खूप मोठा खवय्या समजायचा. तो जिथे जाईल तिथे, 'मला काजूशिवाय दु...

खर्चावर नागरिकांचा तीव्र संताप!  नुकसानीची भरपाई कोणाकडून होणार? फलटण (विशेष प्रतिनिधी): फलटण नगरपालिकेचा ढिसाळ आणि संशयास्पद कारभार पुन्हा एकदा चव्हाट्यावर आला आहे. मुख्याधिकार्‍यांच्या केबिनचे लाखो रुपये खर्चून केलेले फर्निचर वाळवीने खाऊन टाकल्याची धक्कादायक बाब समोर आली असून, यामुळे प्रशासनाच्या निकृष्ट दर्जाच्या कामाचा बोगसपणा उघडा पडला आहे. जनतेच्या करातून झालेला हा अवाढव्य खर्च आता वाया गेल्याने, या नुकसानीची भरपाई संबंधित ठेकेदार आणि जबाबदार अधिकार्‍यांच्या खिशातून वसूल करावी, असा संतप्त सवाल फलटणकर विचारत आहेत. मुख्याधिकारी कार्यालयात अचानक एसी (Air Conditioner) बसवल्यामुळे आणि योग्य व्हेंटिलेशन (हवा खेळती) नसल्याने निर्माण झालेल्या दमट वातावरणामुळे लाकडाला वाळवी लागल्याची चर्चा रंगली आहे.  मुख्याधिकार्‍यांना कार्यालयात सोयी-सुविधा किंवा एसी बसवण्याचे प्रशासकीय अधिकार आहेत का ..? त्यासाठी सार्वजनिक निधीची उधळपट्टी करणे कितपत योग्य आहे?  फर्निचर करताना 'अँटी-टर्माइट' (वाळवी प्रतिबंधक) प्रक्रिया का केली गेली नाही? अवघ्या काही दिवसांत लाकूड खराब होणे हे...

फलटण: महाराष्ट्र शासनाकडून अनुसूचित जाती (S.C.) प्रवर्गाच्या आरक्षणात 'अ, ब, क, ड' असे उपवर्गीकरण करण्याच्या हालचाली सुरू असून, या उपवर्गीकरणाला तीव्र विरोध दर्शवण्यासाठी येत्या गुरुवार, दिनांक १० सप्टेंबर २०२६ रोजी फलटण येथे 'उपवर्गीकरण विरोधी संविधान समर्थन मोर्चा' चे आयोजन करण्यात आले आहे. आरक्षणातील या उपवर्गीकरणामुळे अनुसूचित जातीतील सर्व ५९ घटकांना आणि विशेषतः आगामी पिढीला मोठा फटका बसणार आहे. १३ टक्के आरक्षणाचे तुकडे झाल्यास शिक्षण घेणारे विद्यार्थी आणि स्पर्धा परीक्षांची तयारी करणाऱ्या गुणवंतांवर बेरोजगारीची कुऱ्हाड कोसळेल, अशी भीती समाजातील विविध घटकांकडून व्यक्त केली जात आहे. या संदर्भात मंगळवार पेठ येथील डॉ. बाबासाहेब आंबेडकर स्मृती भवनात विविध समाजप्रमुखांची महत्त्वपूर्ण बैठक पार पडली. यामध्ये बौद्ध, चर्मकार, हिंदू खाटीक, बुरुड, हिंदू ढोर, होलार, वाल्मिकी, मेहतर आणि रुखी समाजासह विविध घटक जातींच्या प्रमुखांनी उपवर्गीकरणाविरोधात एकमुखाने आवाज उठवला असून मोर्चात पूर्ण ताकदीने उतरण्याचा निर्धार व्यक्त केला आहे. मोर्चाचे नियोजन खालीलप्रमाणे: दिनांक: ...

फलटण/साखरवाडी: - प्रतिनिधी, नितीन जगताप. मराठा आरक्षणाच्या मागणीसाठी जालना जिल्ह्यातील अंतरावली सराटी येथे संघर्षयोद्धा मनोज जरांगे-पाटील यांच्या सुरू असलेल्या आमरण उपोषणातील मागण्या राज्य शासनाने मान्य न केल्याच्या निषेधार्थ सकल मराठा समाजाच्या वतीने सोमवार, दि. ७ सप्टेंबर रोजी संपूर्ण सातारा जिल्हा बंद आणि 'चक्का जाम' आंदोलनाचे जाहीर आवाहन करण्यात आले आहे. या जिल्हास्तरीय आंदोलनाला पाठिंबा दर्शवण्यासाठी फलटण तालुक्यातील साखरवाडी येथे दुपारी १ वाजेपर्यंत कडकडीत बंद पाळण्यात येणार आहे. व्यापारी, व्यावसायिक व नागरिकांचा उत्स्फूर्त पाठिंबा मराठा क्रांती मोर्चा, फलटण तालुक्यातील साखरवाडी परिसरात फलक लावून स्थानिक बंदची अधिकृत घोषणा करण्यात आली आहे. "एक मराठा लाख मराठा" आणि "संघर्षयोद्धा जरांगे पाटील यांच्या उपोषण समर्थनात साखरवाडी दुपारी १ वाजेपर्यंत बंद राहील" असा स्पष्ट संदेश या फलकाद्वारे देण्यात आला आहे. या आवाहनाला प्रतिसाद देत साखरवाडीतील सर्व व्यापारी, व्यावसायिक, दुकानदार आणि वाहनधारकांनी एकत्र येत आपापली दुकाने व प्रतिष्ठाने दुपारी १ वाजेपर...

फलटण : आज शनिवार, दिनांक ५ सप्टेंबर २०२६ रोजी सासकल येथे कालकथित उत्तम विठ्ठलराव घोरपडे यांच्या अस्थिसंकलन व पुण्यानुमोदन विधीचा कार्यक्रम शांततापूर्ण वातावरणात विधिवतरीत्या संपन्न झाला. पर्यावरण संवर्धनाचा विचार जपत अस्थींचे नदी अथवा जलाशयात विसर्जन न करता वृक्षाच्या सान्निध्यात जमिनीत विसर्जन करून त्यावर नारळाचे रोप लावण्यात आले. अस्थी पाण्यात प्रवाहित केल्यामुळे होणारे जलप्रदूषण टाळून, मृत्यूनंतर पंचस्कंधांपैकी पृथ्वीधातूचे शरीरातील अस्थी व इतर धातू पुन्हा मातीमध्ये विलीन व्हावेत, या भावनेतून हा पर्यावरणपूरक उपक्रम करण्यात आला. अस्थींचे जमिनीत विसर्जन करून त्याच ठिकाणी नारळाचे झाड लावण्यात आल्याने, दिवंगत व्यक्तीच्या स्मृती जपत निसर्ग संवर्धनाचा संदेशही देण्यात आला. निसर्गाच्या सान्निध्यात हा विधी पार पाडताना जीवनाची अनित्यता आणि मानवाचे निसर्गाशी असलेले अतूट नाते यांची जाणीव अधिक प्रकर्षाने झाली. या प्रसंगी कुटुंबीय, नातेवाईक व आप्तेष्ट उपस्थित होते. त्यामध्ये कालकथित उत्तम विठ्ठलराव घोरपडे यांचे चिरंजीव आयु. किशोर उत्तम घोरपडे, त्यांच्या मुली पल्लवी, दीपिका व रुपाली, प...

जनतेच्या व शेतकऱ्यांच्या हक्कासाठी लढणारा विकासाचा पूर्व भागाचा चेहरा ...विश्वासराव भोसले जिल्हा परिषद स्वीकृत सदस्यपदासाठी माजी सनदी अधिकारी विश्वासराव भोसले यांना संधी द्या: पूर्व भागातील सर्व समाजातील नागरिकांची मागणी सातारा: रायगड जिल्ह्यात राज्यस्तरीय यशवंत अभियानात शासनाने व पंतप्रधानांनी विशेष उपक्रमासाठी गौरवलेले, श्री विश्वासराव भोसले माजी सनदी अधिकारी यांची सातारा जिल्हा परिषदेच्या स्वीकृत सदस्यपदावर भारतीय जनता पार्टीने नियुक्ती द्यावी, अशी जोरदार मागणी सातारा जिल्ह्यातील पूर्व भागातील नागरिकांमधून केली जात आहे. एक अनुभवी आणि निवृत्तीनंतर देखील सतत सामाजिक तसेच ग्रामीण भागाच्या विकासासाठी योगदान देणारे, यांच्या गावाची तालुक्यातून मुख्यमंत्री अभियानामध्ये निवड झाली, अशा अधिकाऱ्यास भारतीय जनता पार्टीच्या माध्यमातून ही संधी दिल्यास जिल्ह्याच्या विकासाला एक वेगळी गती मिळेल, असा विश्वास सर्वसामान्यांतून व्यक्त होत आहे. विश्वासराव भोसले यांनी आपल्या प्रशासकीय सेवाकाळात रायगड जिल्हा परिषदेमध्ये कुपोषण मुक्त रायगड, टँकर मुक्त रायगड आणि तंटामुक्त रायगड म्हणून विशेष कार्य ...