सरडे (प्रतिनिधी): भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांच्या जयंतीचे औचित्य साधून सरडे येथे राजगृह युवा सामाजिक प्रतिष्ठानच्या वतीने विविध सामाजिक उपक्रमांचे आयोजन करण्यात आले आहे. या कार्यक्रमाचे मुख्य आकर्षण म्हणजे ८८९ ॲट्रॉसिटी व खून प्रकरणात पीडितांना न्याय मिळवून देण्यासाठी मोलाची भूमिका बजावणारे वैभव गीते यांची प्रमुख उपस्थिती आणि त्यांचा होणारा विशेष सन्मान. न्यायदानाच्या लढाईचा गौरव गेल्या काही काळापासून चर्चेत असलेल्या ८८९ ॲट्रॉसिटी आणि खून प्रकरणात कायदेशीर लढा देऊन न्यायाची बाजू भक्कमपणे मांडल्याबद्दल वैभव गीते यांचे सर्वत्र कौतुक होत आहे. त्यांच्या या उल्लेखनीय कार्याची दखल घेऊन राजगृह युवा सामाजिक प्रतिष्ठानच्या वतीने त्यांना यावर्षीचा मानाचा 'विशेष राजरत्न सन्मान' प्रदान करण्यात येणार आहे. डॉ. बाबासाहेब आंबेडकर यांच्या जयंतीनिमित्त आयोजित या सोहळ्यात सामाजिक सलोखा आणि विचारांची देवाणघेवाण व्हावी, या उद्देशाने राजगृह युवा सामाजिक प्रतिष्ठानने जय्यत तयारी केली आहे. प्रमुख उपस्थिती: वैभव गीते (विशेष सन्माननीय अतिथी) आयोजक: राजगृह ...

दालवडीत 'संविधान अमृत महोत्सव' केवळ कागदावरच; दोषींना पाठीशी घालणाऱ्या चौकशी विस्तार अधिकाऱ्यांची यांची चौकशी करा फलटण प्रतिनिधी: शासनाच्या आदेशानुसार राबवण्यात येणाऱ्या 'संविधान अमृत महोत्सव' अंमलबजावणीत दालवडी (ता. फलटण) ग्रामपंचायतीने गंभीर अनियमितता केल्याचा आरोप 'नॅशनल दलित मुव्हमेंट फॉर जस्टीस' (NDMJ) संघटनेने केला आहे. या प्रकरणाची चौकशी करणाऱ्या विस्तार अधिकाऱ्यांनी पक्षपातीपणा केल्याचा दावा करत, येत्या सात दिवसांत निष्पक्ष चौकशी न झाल्यास सातारा जिल्हाधिकारी कार्यालयासमोर आमरण उपोषण करण्याचा इशारा संघटनेच्या वतीने देण्यात येणार असल्याचे बोलले आहे. शासकीय निर्णयानुसार २६ नोव्हेंबर २०२५ ते २६ जानेवारी २०२६ या काळात सर्व ग्रामपंचायतींमध्ये संविधान अमृत महोत्सव साजरा करणे बंधनकारक होते. मात्र, दालवडी ग्रामपंचायतीने हा उत्सव प्रत्यक्षात साजरा न करता केवळ कागदोपत्री घोडे नाचवल्याचा आरोप तक्रारदारांनी केला आहे. या विरोधात १० मार्च रोजी फलटण पंचायत समितीसमोर उपोषण करण्यात आले होते. प्रशासनाने या तक्रारीनंतर २५ पानांचा अहवाल सादर केला. मात्र, या अहवालातील फोटो प...

फलटण): विठ्ठल बाबुराव निकाळजे यांच्या सेवापूर्ती निमित्त आयोजित गौरव समारंभ अत्यंत उत्साहपूर्ण आणि भावनिक वातावरणात पार पडला. शिक्षण क्षेत्रात जिद्द, कष्ट, निष्ठा आणि प्रामाणिकपणे कार्य करत विद्यार्थ्यांच्या जीवनात संस्कार व ज्ञानाची ज्योत प्रज्वलित करणाऱ्या विठ्ठल बाबुराव निकाळजे यांच्या कार्याचा यावेळी मान्यवरांनी गौरव केला. या कार्यक्रमाच्या अध्यक्षस्थानी श्री अर्जुन मलगुंडे सर (लाईफ मेंबर, रयत शिक्षण संस्था सातारा तथा श्री शंभू महादेव माध्यमिक विद्यालय व जुनिअर कॉलेज, कुकुटवाड) होते. बोलताना ते म्हणाले, अत्यंत हलकीच्या परिस्थितीत त्यांनी आपले शिक्षण पूर्ण केले आहे.त्यांनी त्यांच्या परिस्थितीविषयी माहिती आताच दिली आहे. माझ्या अगोदरचे वक्ते म्हणाले की, त्याच त्याच गोष्ट उगाळत बसायचे नाही. पण नव्या पिढीला हा इतिहास माहिती असणे खूप आवश्यक आहे. संस्थेने दिलेल्या प्रत्येक शाखेत आपण प्रामाणिकपणे रयत शिक्षण संस्थेची सेवा आपण केलेली आहे. कर्मवीर आण्णांच्या विचारांचे पालन करत आपण ती सेवा केली आहे. आरोग्याचा जर विचार केला तर पंचवीस वर्षांपुर्षापुर्वी पाहिले होते तसेच आजही तुम्ही आ...

जिद्द आणि संघर्षातून साकारलेला एक आदर्श शिक्षक: विठ्ठल बाबुराव निकाळजे यांचा गौरवशाली प्रवास फलटण (प्रतिनिधी): "शिक्षण हे वाघिणीचे दूध आहे," हा डॉ. बाबासाहेब आंबेडकरांचा विचार केवळ वाचला नाही, तर तो आपल्या आयुष्यात प्रत्यक्ष उतरवून शून्यातून विश्व निर्माण करणारे व्यक्तिमत्व म्हणजे आयुष्यमान विठ्ठल बाबुराव निकाळजे. अत्यंत हलाखीची परिस्थिती, कौटुंबिक संकटे आणि शारीरिक व्याधींवर मात करत त्यांनी शिक्षण क्षेत्रात बजावलेली ३१ वर्षांची सेवा ही येणाऱ्या पिढ्यांसाठी एक वस्तुपाठ ठरली आहे. ३१ मे २०२६ रोजी ते आपल्या प्रदीर्घ सेवेतून सन्मानाने सेवानिवृत्त होत आहेत. वडिलांचे छत्र हरपले, पण जिद्द कायम ५ मे १९६८ रोजी फलटण तालुक्यातील सोनगाव येथे जन्मलेल्या विठ्ठल निकाळजे यांचा प्रवास सोपा नव्हता. १९७६ मध्ये वडिलांचे अकाली निधन झाले आणि अवघ्या चौथीच्या वर्गात असतानाच त्यांच्या खांद्यावर संसाराचा भार पडला. परिस्थिती इतकी बिकट होती की, दोन वेळच्या अन्नासाठी रानभाज्या खाऊन आणि ऊस तोडून भूक भागवावी लागली. मात्र, प्रतिकूलतेच्या या अंधारातही त्यांनी शिक्षणाची पंती विझू दिली नाही. परीक्ष...

फलटण (प्रतिनिधी): भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांच्या जयंतीनिमित्त आणि भारतीय संविधानाला ७५ वर्षे पूर्ण होत असल्याच्या औचित्याने फलटण तालुक्यातील दलित वस्त्यांमध्ये आरोग्य शिबिरे आयोजित करण्याचे आदेश प्रशासनाने दिले आहेत. मात्र, या आदेशाची अंमलबजावणी न झाल्यास आंदोलनाचा मार्ग पत्करावा लागेल, असा इशारा नॅशनल दलित मुव्हमेंट फॉर जस्टीसचे राज्य सचिव तथा उपविभागीय दक्षता समितीचे सदस्य वैभव गीते यांनी दिला आहे. प्रशासकीय आदेश आणि पार्श्वभूमी जिल्हाधिकारी सातारा यांच्या 'घर-घर संविधान' कार्यक्रमांतर्गत, फलटणच्या तहसीलदारांनी उपजिल्हा रुग्णालय आणि तालुका आरोग्य अधिकाऱ्यांना स्पष्ट निर्देश दिले आहेत. या पत्रात नमूद केल्यानुसार: तालुक्यातील सर्व धर्मादाय रुग्णालये, महात्मा ज्योतिबा फुले जन आरोग्य योजनेअंतर्गत येणारी रुग्णालये आणि शासकीय वैद्यकीय महाविद्यालयांनी प्रत्येक अनुसूचित जाती/जमाती वस्तीमध्ये जाऊन सर्वरोग निदान शिबिरे घ्यावीत. या शिबिरांच्या माध्यमातून शासनाच्या सर्व आरोग्यविषयक योजनांचा प्रचार आणि प्रसार तळागाळातील लोकांपर्...

दहिवडी: प्रतिनिधी पोरगा असो वा मुलगी, कष्टाची तयारी आणि मनात जिद्द असेल तर ग्रामीण भागातील मुलेही गगनभरारी घेऊ शकतात, हे राणंद (ता. माण) येथील हर्षदा अजित सावंत हिने सिद्ध केले आहे. अत्यंत प्रतिकूल परिस्थितीवर मात करत हर्षदाची पुणे शहर पोलीस दलात निवड झाल्याबद्दल तिचे सर्व स्तरातून अभिनंदन होत आहे. हर्षदाचे प्राथमिक शिक्षण राणंद व माध्यमिक शिक्षण दहिवडी येथे झाले आहे. तिचे आई-वडील शेतकरी असून त्यांनी अत्यंत कष्ट करून तिला शिक्षणासाठी प्रोत्साहन दिले. आपल्या मुलीने अधिकारी व्हावे किंवा पोलीस दलात सेवा करावी, हे तिच्या आईचे स्वप्न होते. आई-वडिलांच्या कष्टाची जाणीव ठेवून हर्षदाने अभ्यासासोबतच मैदानी चाचणीसाठी कठोर मेहनत घेतली. तिने दहिवडी येथील फिनिक्स करिअर अकॅडमीमध्ये पोलीस भरतीचे प्रशिक्षण पूर्ण केले. अकॅडमीतील मार्गदर्शकांच्या मार्गदर्शनाखाली आणि स्वत:च्या परिश्रमाच्या जोरावर तिने पहिल्याच प्रयत्नात हे यश संपादन केले आहे. एका छोट्याशा खेड्यातून प्रवास सुरू करून आज तिने थेट पुणे शहर पोलीस दलात स्थान मिळवल्याने राणंद गावासह संपूर्ण दहिवडी तालुक्याच्या शिरपेचात मानाचा तुरा र...

फलटण (प्रतिनिधी): फलटण तालुक्यात सध्या विविध ठिकाणी मातीचे उत्खनन मोठ्या प्रमाणावर सुरू असल्याचे चित्र दिसत आहे. मात्र, या उत्खननाबाबत महसूल विभाग आणि गौण खनिज विभागाच्या अधिकाऱ्यांना कोणतीही माहिती नसल्याचे धक्कादायक वास्तव समोर आले आहे. यामुळे हे उत्खनन रीतसर परवानगी घेऊन सुरू आहे की अधिकाऱ्यांच्या 'वरदहस्ताने' छुप्या पद्धतीने सुरू आहे, असा प्रश्न नागरिक विचारत आहेत. तालुक्यातील अनेक भागांतून ट्रॅक्टरच्या सहाय्याने मातीची अवैध वाहतूक होत असल्याच्या तक्रारी नागरिकांकडून केल्या जात आहेत. या संदर्भात काही सजग नागरिकांनी गौण खनिज अधिकारी माने मॅडम यांच्याशी संपर्क साधून माहिती घेण्याचा प्रयत्न केला. त्यावर बोलताना त्यांनी, "सध्या तालुक्यात कुठेही माती उपशाचे पास (परवानगी) दिलेले नाहीत," असे स्पष्ट केले. अधिकाऱ्यांच्या या विधानामुळे संभ्रम वाढला आहे. जर प्रशासनाने कोणतेही पास दिलेले नाहीत, तर दिवसाढवळ्या राजरोसपणे मातीचे उत्खनन आणि वाहतूक कशी काय सुरू आहे? असा सवाल आता उपस्थित केला जात आहे. हे उत्खनन नेमके कोणाच्या फायद्यासाठी सुरू आहे आणि याकडे तहसील कार्या...

देवगड: सोलापूर इतिहास संशोधन मंडळाच्या १९ व्या राष्ट्रीय अधिवेशनाचे औचित्य साधून सामाजिक आणि पर्यावरण क्षेत्रातील उल्लेखनीय कार्याबद्दल ॲड. वर्षा देशपांडे आणि प्रा. नागेश दप्तरदार यांना प्रथम 'संघर्ष गौरव पुरस्कार' देऊन सन्मानित करण्यात आले. हे अधिवेशन देवगड येथील श्री स.ह. केळकर कला, वाणिज्य व शास्त्र महाविद्यालयात उत्साहात पार पडले. दोन्ही मान्यवरांना रोख ५,००० रुपये, सन्मानचिन्ह, शाल, श्रीफळ आणि सोलापूरी नॅपकिनचा गुच्छ देऊन गौरविण्यात आले. कार्यक्रमाच्या अध्यक्षस्थानी शिक्षण विकास मंडळ देवगडचे सभापती एकनाथ तेली होते. यावेळी व्यासपीठावर सोलापूर इतिहास संशोधन मंडळाचे माजी अध्यक्ष प्राचार्य सोपानराव जावळे, डॉ. अमिता जावळे, मंडळाचे सध्याचे अध्यक्ष प्रा. डॉ. संजय गायकवाड, प्राचार्य डॉ. विजयकुमार कुणुरे, समन्वयक प्रा. श्रीकांत सिरसाठे आणि उपाध्यक्ष डॉ. शिवाजी वाघमोडे उपस्थित होते. ॲड. वर्षा देशपांडे: (कै. कलावती संभाजी जावळे संघर्ष गौरव पुरस्कार) १९८८ पासून सामाजिक क्षेत्रात कार्यरत असलेल्या ॲड. देशपांडे यांनी स्त्री जन्माच्या स्वागतासाठी आणि गर्भलिंग निदान विरोधात दिल...

सांगवी (प्रतिनिधी): "साहेब, आमचं घर उध्वस्त होतंय, पोराबाळांच्या तोंडचा घास ही दारू हिरावून घेतेय... कुणीतरी वाचवा आम्हाला!" हा टाहो आहे सांगवी गावातील त्या माता-भगिनींचा, ज्यांच्या घराचा उंबरठा आज अवैध दारूमुळे काळवंडला आहे. गावात गल्लीबोळांत फुटलेल्या अवैध हातभट्ट्यांनी सांगवीचा श्वास गुदमरला असून, पोलीस प्रशासनाच्या 'आशीर्वादाने' हा मरणाचा व्यापार जोरात सुरू असल्याची चर्चा आता उघडपणे होऊ लागली आहे. सांगवी गावात आज परिस्थिती इतकी भयानक झाली आहे की, चहापेक्षा स्वस्त दारू मिळू लागली आहे. अवघ्या १० रुपयांत दारूचा ग्लास हातात पडतोय. ही 'स्वस्त' दारू गरिबांच्या आयुष्याची राखरांगोळी करत आहे. गावातील पारावर, शाळेच्या कोपऱ्यात आणि सार्वजनिक ठिकाणी मद्यपींचा राबता वाढला असून, सामान्य नागरिकांना रस्त्यावरून चालणे कठीण झाले आहे. तरुण पिढी या व्यसनाच्या विळख्यात अडकत असताना पोलीस मात्र सोयीस्कर डोळेझाक करत आहेत. गावात कुठे हातभट्टी सुरू आहे, कुठे छुपी विक्री होतेय, हे गावातील लहान मुलालाही माहित आहे; मग खाकी वर्दीला याचा सुगावा का लागत नाही? हा प्रश्न आता सं...

फलटण: प्रतिनिधी मैत्रीच्या दुनियेतील 'राजा माणूस' आणि टू-व्हीलर मेकॅनिक क्षेत्रात आपल्या कौशल्याने वेगळी ओळख निर्माण केलेले महेश जमदाडे यांचा आज वाढदिवस आहे. त्यांच्या वाढदिवसानिमित्त संपूर्ण पंचक्रोशीतून त्यांच्यावर शुभेच्छांचा वर्षाव होत आहे. गॅरेज व्यवसायात 'मास्तरकी' महेश जमदाडे यांनी आपल्या गॅरेज व्यवसायाच्या माध्यमातून अल्पावधीतच मोठे नाव कमावले आहे. कोणत्याही कंपनीची दुचाकी असो, त्यातील तांत्रिक बिघाड ओळखण्यात आणि तो चुटकीसरशी दुरुस्त करण्यात त्यांचा हातखंडा आहे. केवळ व्यवसाय न ठेवता, आपल्या ग्राहकांशी जिव्हाळ्याचे संबंध जोपासल्यामुळे आज पंचक्रोशीतील नावाजलेले मेकॅनिक म्हणून त्यांची ओळख निर्माण झाली आहे. मैत्रीचा 'राजा माणूस' व्यावसायिक कौशल्यासोबतच महेश जमदाडे हे त्यांच्या मनमिळावू स्वभावासाठी ओळखले जातात. 'दोस्तीच्या दुनियेतला राजा माणूस' अशी त्यांची त्यांच्या मित्रपरिवारात ओळख आहे. संकटाच्या वेळी मित्रांच्या मदतीला धावून जाणे आणि सर्वांना सोबत घेऊन चालणे हा त्यांचा स्वभाव गुण अनेकांना भावतो. आज त्यांच्या वाढदिवसा...

१२ वर्षांच्या प्रदीर्घ संघर्षानंतर 'नॅशनल दलित मुव्हमेंट फॉर जस्टिस'च्या पाठपुराव्याला यश ... वैभव गीते  वर्धा: वर्धा जिल्ह्यातील अनुसूचित जाती-जमाती अत्याचार प्रतिबंधक कायद्यान्वये (ॲट्रॉसिटी ॲक्ट) खून प्रकरणातील पीडित कुटुंबांना शासकीय सेवेत सामावून घेण्याचा महत्वपूर्ण टप्पा पूर्ण झाला आहे. जिल्ह्याचे पालकमंत्री डॉ. पंकज भोयर यांच्या हस्ते जिल्हाधिकारी कार्यालयात आयोजित कार्यक्रमात पात्र उमेदवारांना नियुक्ती आदेश प्रदान करण्यात आले. 'नॅशनल दलित मुव्हमेंट फॉर जस्टिस' (NDMJ) या संघटनेने गेल्या १२ वर्षांपासून केलेल्या सातत्यपूर्ण पाठपुराव्याला या निर्णयामुळे मोठे यश मिळाले आहे. मुख्यमंत्री देवेंद्र फडणवीस यांच्या नेतृत्वाखालील सरकारने खुनासारख्या गंभीर गुन्ह्यात उध्वस्त झालेल्या कुटुंबातील पात्र वारसाला शासकीय नोकरी देण्याचे धोरण राबवले आहे. नॅशनल दलित मुव्हमेंट फॉर जस्टिसचे राज्य महासचिव ॲड. डॉ. केवलजी उके यांच्या मार्गदर्शनात आणि राज्य सचिव वैभव गिते यांच्या नेतृत्वात या मागणीसाठी अनेक आंदोलने व पाठपुरावा करण्यात आला होता. याची दखल घेत शासनाने २...

प्रतिनिधी: महाराष्ट्र शासनाच्या सामाजिक न्याय व विशेष सहाय्य विभागाने ३० मार्च २०२६ रोजी निर्गमित केलेल्या शासन निर्णयानुसार, राज्यातील सर्व प्रशासकीय विभागांनी 'डॉ. बाबासाहेब आंबेडकर सप्ताह' अत्यंत प्रभावीपणे साजरा करण्याचे आदेश देण्यात आले आहेत. या सप्ताहाच्या अंमलबजावणीत कोणतीही कसर राहिल्यास संबंधित कार्यालयीन प्रमुखांच्या विरोधात तीव्र आंदोलन छेडण्याचा इशारा नॅशनल दलित मुव्हमेंट फॉर जस्टिसचे राज्य सचिव वैभव तानाजी गिते यांनी दिला आहे. ८ एप्रिलला पत्रकार परिषदेचे आयोजन शासकीय नियमानुसार, हा सप्ताह ८ जानेवारी ते १४ एप्रिल या कालावधीत विविध उपक्रमांनी साजरा होणार आहे. सप्ताहाची अधिकृत सुरुवात म्हणून ८ एप्रिल रोजी सर्व कार्यालयीन प्रमुखांनी आपल्या स्तरावर पत्रकार परिषदेचे आयोजन करणे बंधनकारक आहे. या परिषदेत सप्ताहादरम्यान राबवल्या जाणाऱ्या विविध कार्यक्रमांची सविस्तर रूपरेषा पत्रकारांसमोर मांडण्याच्या सूचना देण्यात आल्या आहेत.  सर्व कार्यालयीन प्रमुखांनी आपल्या स्तरावर या शासन निर्णयाची कडक अंमलबजावणी करण्यासाठी संबंधित अधिकारी व कर्मचाऱ्यांना तात्काळ सूचना द्याव्य...

फलटण (प्रतिनिधी): फलटण नगरपरिषदेचे कार्यक्षम आणि कर्तव्यदक्ष स्वच्छता निरीक्षक श्री. राजेंद्र भोसले यांचा वाढदिवस आज नगरपरिषद कार्यालयात सर्व कर्मचारी आणि मित्रपरिवाराच्या वतीने अत्यंत उत्साहात साजरा करण्यात आला. त्यांच्या कामाप्रती असलेली निष्ठा आणि शहरातील स्वच्छता मोहिमेतील त्यांचे योगदान यांमुळे त्यांच्यावर शुभेच्छांचा वर्षाव होत आहे. स्वच्छता दूताचा सन्मान राजेंद्र भोसले यांनी आपल्या कार्यकाळात फलटण शहराच्या स्वच्छतेचा दर्जा उंचावण्यासाठी विशेष प्रयत्न केले आहेत. केवळ एक अधिकारी म्हणून नव्हे, तर एक 'स्वच्छता दूत' म्हणून त्यांनी नेहमीच पुढाकार घेतला आहे. त्यांच्या याच कार्याची दखल घेत, वाढदिवसाच्या निमित्ताने आरोग्य विभागातील सर्व कर्मचारी, मुकादम आणि स्वच्छता कर्मचाऱ्यांनी एकत्र येत त्यांचे विशेष अभिनंदन केले. कर्मचाऱ्यांकडून शुभेच्छांचा वर्षाव वाढदिवसाच्या या कार्यक्रमात उपस्थित मान्यवरांनी भोसले यांच्या कामाचे कौतुक केले. "भोसले साहेब हे केवळ आदेश देणारे अधिकारी नसून, प्रत्यक्ष जमिनीवर उतरून काम करणारे मार्गदर्शक आहेत," अशा भावना कर्मचाऱ्यांनी व्यक्...

फलटण : फलटण तालुक्यातील राजाळे गावातील भीमनगर येथे यंदा एक अत्यंत ऐतिहासिक आणि प्रेरणादायी निर्णय घेण्यात आला आहे. भारतरत्न परमपूज्य बोधिसत्व डॉ. बाबासाहेब आंबेडकर यांच्या १३५ व्या सार्वजनिक जयंती महोत्सवाचे आयोजन पूर्णपणे महिलांच्या नेतृत्वाखाली करण्याचा निर्धार येथील महिलांनी केला आहे. हा निर्णय केवळ एक कार्यक्रम नसून सामाजिक समता, स्त्रीशक्ती आणि परिवर्तनाचा एक नवा अध्याय ठरत आहे. दि. २० मार्च १९२७ रोजी महाड येथे झालेला ऐतिहासिक महाड चवदार तळे सत्याग्रह हा मानवी हक्क आणि समानतेसाठीचा एक क्रांतिकारी टप्पा होता. या घटनेच्या स्मरणार्थ साजरा होणाऱ्या ‘समता दिना’च्या पार्श्वभूमीवर, या सत्याग्रहाच्या शताब्दी वर्षाच्या प्रारंभीच राजाळे भीमनगरातील महिलांनी घेतलेला हा निर्णय अधिकच अर्थपूर्ण ठरतो. क्रांतिसूर्य महात्मा ज्योतिबा फुले आणि प्रज्ञासूर्य डॉ. बाबासाहेब आंबेडकर यांच्या संयुक्त जयंती महोत्सवानिमित्त महिलांनी पुढाकार घेत, “स्त्री ही केवळ चूल आणि मूल” या मर्यादित चौकटीतून बाहेर पडून समाजात नेतृत्वाची भूमिका निभावण्याचा ठाम संदेश दिला आहे. बाबासाहेबांनी दिलेल्या समान हक्कांच्...

फलटण (प्रतिनिधी): उत्तर प्रदेश आणि बिहारमध्ये आपण अनेकदा 'भैया' संस्कृतीबद्दल ऐकले आहे, जिथे सत्तेच्या वरदहस्ताने काही ठराविक व्यक्ती संपूर्ण यंत्रणा चालवतात. मात्र, आता तसाच काहीसा प्रकार फलटण तालुक्यातही सुरू असल्याची चर्चा नागरिक आणि स्थानिक ठेकेदारांमध्ये रंगू लागली आहे. "आधी कामासाठी भैया शोधावे लागत होते, आता काम मिळवण्यासाठी भैयाची वाट पहावी लागते," अशा शब्दांत संताप व्यक्त केला जात आहे. मिळालेल्या माहितीनुसार, फलटण तालुक्यातील सार्वजनिक बांधकाम उपविभाग आणि इतर शासकीय विभागांतर्गत सध्या अनेक विकासकामे सुरू आहेत. मात्र, या कामांवर स्थानिक अधिकाऱ्यांचे कोणतेही नियंत्रण राहिलेले नाही. आश्चर्याची बाब म्हणजे, एखादा ठेकेदार किंवा नागरिक कामासंदर्भात अधिकाऱ्यांकडे गेला असता, संबंधित अधिकारी सरळ सांगतात की, "आधी 'भैया'ला कॉल करा किंवा त्यांना भेटा." सत्ताधाऱ्यांच्या नावे 'दलाली'? तालुक्यातील लोकप्रतिनिधींच्या (आमदार-खासदार) नावाचा वापर करून काही ठराविक व्यक्तींची 'भैया' म्हणून नेमणूक करण्यात आल्याची चर्चा आहे. हे 'भैया...

फलटण: एकीकडे सर्वसामान्य नागरिकांनी वीज बिल वेळेत भरावे यासाठी तगादा लावणाऱ्या आणि वीज बचतीचे आवाहन करणाऱ्या महावितरण विभागाचा अजब कारभार समोर आला आहे. ३१ मार्च रोजी सुट्टीचा दिवस असतानाही फलटण महावितरणच्या कार्यालयातील पंखे विनाकारण सुरू असल्याचे पाहायला मिळाले, ज्यामुळे शासकीय विजेची मोठी नासाडी होत असल्याची चर्चा नागरिक करत आहेत. ३१ मार्च हा आर्थिक वर्षाचा शेवटचा दिवस असल्याने सर्वत्र कामाची लगबग असते. मात्र, सुट्टीच्या दिवशी महावितरणचे कार्यालय सुरू आहे की बंद, याबाबत स्पष्टता नव्हती. कार्यालयात बिल भरण्यासाठी किंवा कामासाठी कोणतेही अधिकारी अथवा कर्मचारी उपस्थित नसल्याचे चित्र होते. असे असतानाही कार्यालयातील सर्वच कक्षांमधील पंखे पूर्ण वेगाने सुरू असल्याचे निदर्शनास आले. जिथे कोणीही माणूस उपस्थित नव्हता, तिथेही तासनतास पंखे सुरू राहिल्याने महावितरणच्या या बेजबाबदारपणावर प्रश्नचिन्ह उपस्थित केले जात आहे. सीसीटीव्ही तपासण्याची मागणी हे पंखे नेमके कधीपासून सुरू आहेत आणि ते बंद करण्याची जबाबदारी कोणाची होती? याची सखोल चौकशी होणे गरजेचे आहे. "कार्यालयातील सीसीटीव्ही फुट...

फलटण : भारतीय बौद्ध महासभा, सातारा जिल्हा (पूर्व) यांच्या वतीने भारतीय बौद्ध महासभा शाखा फलटण तालुका कार्यकारिणीची निवड प्रक्रिया उत्साहात व यशस्वीरीत्या पार पडली.या निवडीत अध्यक्षपदी आयु. भीमराव लोंढे, सरचिटणीसपदी आयु. केशव ठोंबरे तर कोषाध्यक्षपदी आयु. राजकुमार रणवरे यांची निवड करण्यात आली. नवीन कार्यकारिणीचे स्वागत भारतीय बौद्ध महासभा शाखा फलटण तालुक्याचे माजी अध्यक्ष आयु. महावीर भालेराव, माजी कोषाध्यक्ष आयु. विठ्ठल निकाळजे तसेच माजी प्रचार व पर्यटन उपाध्यक्ष आयु. रामचंद्र मोरे यांनी पुष्पगुच्छ देऊन केले. त्यांनी नूतन पदाधिकाऱ्यांना शुभेच्छा देत संघटनेचे कार्य अधिक गतिमान व प्रभावी करण्याचे आवाहन केले. या प्रसंगी राज्याचे संघटक, पुणे व सातारा प्रभारी तसेच समता सैनिक दलाचे असिस्टंट स्टाफ ऑफिसर आयु. दादासाहेब भोसले यांची प्रमुख उपस्थिती लाभली. त्यांनी नूतन पदाधिकाऱ्यांचे अभिनंदन करून पुढील कार्यासाठी शुभेच्छा दिल्या. आपल्या मार्गदर्शनपर भाषणात त्यांनी बुद्ध, धम्म आणि संघ या त्रिरत्नाचा स्वीकार करून कार्य करण्याचे आवाहन केले. त्यांनी सांगितले की, संघटनेचे काम करताना समता, बं...

गल्लीत फिरण्यापेक्षा ग्रामसभेत ग्रामपंचायत मध्ये बोला; सोशल मीडियाच्या 'लाईक्स'पेक्षा गावचा विकास ' महत्वाचा  फलटण (प्रतिनिधी): "गावाचा विकास करायचा असेल तर केवळ सोशल मीडियावर सक्रिय राहून चालणार नाही, तर ग्रामपंचायतीचा कारभार समजून घेणे काळाची गरज आहे. आजच्या तरुणांनी रील्स बनवण्यापेक्षा रस्त्यांच्या प्रश्नांकडे आणि फोटोंना मिळणाऱ्या लाईक्सपेक्षा गावातील स्ट्रीट लाईटच्या सुविधेकडे लक्ष दिले पाहिजे," असे परखड मत आता समाजमाध्यमांतून व्यक्त केले जात आहे. सध्याच्या काळात तरुण पिढी राजकारण आणि समाजकारणापासून दूर जात असल्याचे चित्र आहे. मात्र, जर तरुणांची ही ऊर्जा आणि ताकद ग्रामपंचायतीच्या कामकाजात गुंतली, तर गावाचा कायापालट होण्यास वेळ लागणार नाही. गल्लीबोळात वेळ घालवण्यापेक्षा थेट ग्रामसभेत ग्रामपंचायत मध्ये जाऊन गावासमोरील ज्वलंत प्रश्नांवर आवाज उठवणे अधिक महत्त्वाचे ठरत आहे. गावाच्या विकासासाठी नवा 'मंत्र': रील्सपेक्षा रस्ते महत्त्वाचे: सोशल मीडियावर व्हिडिओ व्हायरल करण्यापेक्षा गावातील खराब रस्त्यांचा प्रश्न मार्गी लावण्यासाठी पाठपुरावा करा. ...

खटकेवस्ती: आगामी निवडणुकांचे बिगुल वाजलेले असतानाच, ग्रा. खटकेवस्तीचे लोकप्रिय विकासरत्न सरपंच श्री. बापुराव दत्तात्रय गावडे यांच्या वतीने भव्य 'विजय संकल्प मेळाव्याचे' आयोजन करण्यात आले आहे. हा मेळावा शुक्रवार, दिनांक २७ मार्च २०२६ रोजी सायंकाळी ५ वाजता संपन्न होणार आहे. मेळाव्याचे उद्दिष्ट आणि स्वरूप परिसराचा सर्वांगीण विकास आणि जनसामान्यांच्या समस्यांना वाचा फोडण्यासाठी हा मेळावा अत्यंत कळीचा मानला जात आहे. सरपंच बापुराव गावडे यांच्या नेतृत्वाखाली खटकेवस्तीमध्ये झालेल्या विकासकामांचा आढावा आणि भविष्यातील नियोजित प्रकल्पांचा संकल्प या मेळाव्यात करण्यात येणार आहे. कार्यक्रमाचा तपशील: वार व दिनांक: शुक्रवार, २७ मार्च २०२६ वेळ: सायंकाळी ठीक ५:०० वाजता आयोजक: श्री. बापुराव दत्तात्रय गावडे (सरपंच, ग्रा. खटकेवस्ती) या मेळाव्याला दिग्गज राजकीय नेते सह परिसरातील नागरिक, तरुण वर्ग आणि प्रतिष्ठित मान्यवर मोठ्या संख्येने उपस्थित राहणार असल्याची चर्चा आहे. मेळाव्याच्या माध्यमातून सरपंच गावडे शक्तीप्रदर्शन करत आपल्या पुढील वाटचालीची दिशा स्पष्ट करण्याची शक्यता वर्तवण्यात येत आ...

फलटण : सातारा जिल्हा म्हणले की डोळ्यासमोर उभे राहतो शुरवीरांचा,संतांचा, जवानांचा,क्रांतीसिंहाचा, कर्मवीर आण्णांचा अशा साताऱ्यात निंदनीय घटना घडली ती म्हणजे सातारा जिल्हा परिषद निवडणूकीच्या दरम्यान सातारा जिल्ह्याचे पालकमंत्री शंभुराज देसाई यांना काही पोलिसान कडून धक्काबुक्की करण्यात आली आपमान स्पद वागणूक देण्यात आली याचे पडसाद राज्य भर उमडले यास अनुसरून आज भीम आर्मी संघटनेने उपविभागीय दंडाधिकारी यांना निवेदन देऊन निषेध व्यक्त करण्यात आला,व संबंधित पोलीस अधिकारी यांच्यावर करावाईची मागणी करण्यात आली .पुढे सांगितले की येथून पुढे तरी पोलिस प्रशासनाने निःपक्ष पणे आपली भूमिका पार पाडावी व मंत्री व सामान्य जनता यांना सन्मान पुर्वक, वागणूक देऊन पुन्हा जनतेचा विश्वास संपादन करावा या पोलिस प्रशासनाने प्रयत्न करावेत असे हि मत व्यक्त संघटने कडुन व्यक्त करण्यात आले.. निवेदन देते वेळी..  अजित संभाजी मोरे लक्षण काकडे, सुनील पवार, तेजस भोसले, सनी पवार, तुषार जाधव, विनय कांबळे