सांगवी ग्रामपंचायतमध्ये 'संविधान अमृत महोत्सव' उत्साहात साजरा; सरपंच सनी मोरे यांच्या हस्ते ऐतिहासिक छायाचित्राचे अनावरण
स्वखर्चातून ऐतिहासिक स्मृतींची जोपासना
कार्यक्रमाचे मुख्य आकर्षण म्हणजे, सरपंच मा. संतोष (सनी) मोरे यांनी स्वखर्चातून उपलब्ध करून दिलेले डॉ. बाबासाहेब आंबेडकर यांचे दुर्मिळ छायाचित्र. हे छायाचित्र डॉ. आंबेडकर संविधान समितीला अंतिम मसुदा सुपूर्द करत असतानाचे असून, ते आता सांगवी ग्रामपंचायत कार्यालयाची शोभा वाढवणार आहे. या छायाचित्राचे विधिवत पूजन आणि अनावरण मान्यवरांच्या हस्ते करण्यात आले.
सामुदायिक संविधान वाचन आणि संकल्प
अनावरणानंतर उपस्थित सर्व पदाधिकारी, कर्मचारी आणि ग्रामस्थांनी एकत्रितपणे भारतीय संविधानाच्या उद्देशिकेचे (Preamble) वाचन केले. "आम्ही भारताचे लोक..." या शब्दांनी अवघा परिसर दुमदुमून गेला होता.
यावेळी बोलताना सरपंच संतोष मोरे म्हणाले की, "संविधान हा केवळ एक ग्रंथ नसून तो आपल्या जगण्याचा मार्ग आहे. सांगवी ग्रामपंचायतीच्या माध्यमातून संविधानाचा प्रचार आणि प्रसार करणारे दर्जेदार कार्यक्रम सातत्याने राबवले जात आहेत आणि भविष्यातही हे कार्य अधिक प्रभावीपणे सुरू राहील."
मान्यवरांची उपस्थिती
या मंगल प्रसंगी ग्रामविकास अधिकारी, माजी सरपंच, उपसरपंच, सर्व ग्रामपंचायत सदस्य तसेच गावातील प्रतिष्ठित सामाजिक कार्यकर्ते आणि ग्रामस्थ मोठ्या संख्येने उपस्थित होते. सर्वांनीच सरपंचांच्या या उपक्रमाचे कौतुक केले. असेच कार्यक्रम फलटण तालुक्यातील सर्व ग्रामपंचायत ठिकाणी होणे गरजेचे आहे असे नागरिक बोलत आहेत
Comments
Post a Comment