कालकथित शैला बाबुराव कांबळे यांचे प्रथम पुण्यस्मरण बौद्ध पद्धतीने संपन्न.
सांगवी : प्रतिनिधी
कालकथित शैला बाबुराव कांबळे यांच्या प्रथम पुण्यस्मरणानिमित्त आयोजित संस्कारविधी बौद्ध पद्धतीने भावपूर्ण वातावरणात पार पडला. या वेळी त्यांच्या स्मृतींना अभिवादन करून त्यांच्या जीवनकार्याचे स्मरण करण्यात आले.
शैला कांबळे मॅडम यांनी अंगणवाडी शिक्षिका म्हणून कार्य करताना बालकांच्या संगोपनासाठी, शिक्षणासाठी आणि संस्कारांसाठी योगदान दिले. बालकांच्या जडणघडणीत अंगणवाडी शिक्षिकांची भूमिका महत्त्वाची असते. त्यांच्या कार्याची आठवण काढत उपस्थितांनी त्यांना आदरांजली अर्पण केली.
हा संस्कारविधी भारतीय बौद्ध महासभेचे केंद्रीय शिक्षक तथा बौद्धाचार्य आयु. चंद्रकांत मोहिते यांच्या मार्गदर्शनाखाली बौद्ध पद्धतीने पार पडला. यावेळी बुद्धांच्या विचारांचे स्मरण करण्यात आले. माता रमाईनगर, सांगवी येथील ग्रामस्थ, नातेवाईक आणि आप्तस्वकीय मोठ्या संख्येने उपस्थित होते.
कालकथित शैला बाबुराव कांबळे यांची मुलेदेखील सामाजिक कार्यात नेहमी अग्रेसर असतात. सामाजिक बांधिलकी जपत विविध उपक्रमांत सहभागी होण्याची त्यांची भूमिका ही त्यांच्या कुटुंबाच्या सामाजिक जाणीवेचे दर्शन घडवते.
प्रथम पुण्यस्मरणाच्या निमित्ताने उपस्थितांनी शैला कांबळे यांच्या आठवणींना उजाळा देत त्यांना विनम्र अभिवादन केले. त्यांच्या स्मृती कायम जपण्याचा भाव यावेळी व्यक्त करण्यात आला.
नमो बुद्धाय!
Comments
Post a Comment