शाळा व कोचिंग केंद्रांनी नियमांचे उल्लंघन थांबवावे, कामगार संघर्ष संघटनेची भूमिका

फलटण ...कोचिंग सेंटरविषयी केंद्र आणि राज्य सरकारांनी ठरवलेल्या बोर्ड नियमावलीचे पालन न करणाऱ्या शाळांवर कठोर कार्यवाही करण्याची मागणी कामगार संघर्ष संघटनेने केली आहे. या संघटनेचा आरोप आहे की काही शाळा व कोचिंग संस्था नियमावलीचे उल्लंघन करत विद्यार्थी आणि पालक यांच्यासमोर समस्या निर्माण करत आहेत.

सरकारने कोचिंग क्लासेसच्या संचालनासाठी कडक नियमावली जाहीर केली आहे ज्यात शिक्षण मंत्रालयाने कोचिंग संस्था अनिवार्य नोंदणी, शुल्काचा खुलासा, विद्यार्थ्यांना गुण आणि रँकिंगची हमी न देणे यांसारखे बंधनात्मक नियम घातले आहेत. या नियमांचे उल्लंघन करण्याऱ्या संस्थांवर कडक दंडात्मक कारवाई आणि मान्यता रद्द करण्यासही प्राधान्य दिले गेले आहे

कामगार संघर्ष संघटनेने स्पष्ट केले की बऱ्याच शाळा कोचिंग सेंटर चालवताना या नियमांची पूर्तता करत नाहीत आणि अकार्यक्षम शुल्क आकारतात. यामुळे विद्यार्थी आणि पालक यांना आर्थिक व शैक्षणिक नुकसान सहन करावे लागत आहे. संघटनेचे मुख्य प्रवक्ते म्हणाले, "जर शाळा आणि कोचिंग सेंटर यांनी नियम पाळले नाहीत तर त्यांच्यावर त्वरित आणि काटेकोर कारवाई होणे आवश्यक आहे, अन्यथा विधिमंडळाने ठरवलेले उद्दिष्ट पूर्ण होणार नाही."

शिक्षण विभागाकडूनही या विषयावर लक्ष देण्याची गरज असून नियमावलीचे काटेकोर पालन करून शिक्षणाचा दर्जा उंचावण्याची अतिशय गरज आहे. तसेच, कोचिंग संस्थांनी विद्यार्थ्यांना फसवी आश्वासने देणे थांबवावे, कारण शैक्षणिक विकास हा परिश्रम आणि योग्य मार्गदर्शनानेच शक्य आहे

या प्रकरणाचा व्यापक गंभीर परिणाम असा होऊ शकतो की विद्यार्थी आणि पालक यांचा विश्वास शिक्षण संस्थांवरून कमी होईल, तसेच कोचिंग मंडळांच्या नियमांमध्ये सुधारणा व नियंत्रण आवश्यक ठरेल. म्हणून, या संघटनेने शाळांवर आणि कोचिंग सेंटरवर नियम मोडल्यास त्वरित कायदेशीर कारवाई करण्याची मागणी केली आहे.येत्या ७ दिवसात थांबले नाही तर गट शिक्षण अधिकारी कार्यालयाला टाळे ठोकणार कामगार संघर्ष संघटना अध्यक्ष सनी घनशाम काकडे, महादेव गायकवाड आप्पा, अमर झेंडे, सुरज भैलुमे, अतिश कांबळे, प्रकाश मोरे, साहिल काकडे,

या वेळी निवेदनाच्या माध्यमातून इशारा दिला आहे