फलटण तालुक्यात राजे गटाचा सामान्य कार्यकर्त्यांविषयी दुर्लक्षामुळे गटाची स्थिती चिंताजनक...?

राजे गटाकडे कार्यकर्त्यांचा विश्वास कमी; इतर पक्षांमध्ये स्थलांतर सुरु  

फलटण तालुक्यात राजे गटाच्या राजकीय परिस्थितीत मोठा बदल दिसून येत आहे. येथील सामान्य कार्यकर्त्यांवर लक्ष न दिल्यामुळे अनेक नेते कार्यकर्ते भाजपसह इतर पक्षांकडे जाण्याच्या मार्गावर गेल्याचे दिसत आहेत. फलटणमधील राजे गट हे पूर्वीपासूनच शक्तिशाली मानले जात असले तरी त्यांनी मुख्यत: आपल्या गावठी समर्थकांवर भर दिला असून, सामान्य कार्यकर्त्यांना दुर्लक्ष केले आहे. या कारणामुळे कार्यकर्त्यांमध्ये असंतोष वाढत असून, राजकीय भविष्य काळजीत आहे.

राजे गटाच्या नेत्यांनी निवडणुकीच्या काळात कार्यकर्त्यांशी संवाद न ठेवता, स्वार्थी राजकारणाचा दाखला दिला आहे. सतत बदलणार्‍या राजकीय दबावामुळे सामान्य कार्यकर्त्यांच्या मनात संभ्रम निर्माण झाला आहे. पण तरीही अनेक कार्यकर्ते अजूनही या गटाकडे आपली आशा बाळगून आहेत. येणाऱ्या ग्रामपंचायत, पंचायत समिती आणि जिल्हा परिषद निवडणुकीत या गटाच्या कामकाजाचा परिणाम कसा होईल, हे पाहणे महत्वाचे ठरणार आहे.

स्थानिक नागरिक आणि अनुभवी राजकारणी लोक यांचा असा विश्वास आहे की जर सामान्य कार्यकर्त्यांचा विचार केला नाही तर राजे गटाचा अस्तित्व संकटात येऊ शकतो. फलटणमध्ये राजे गटाकडून नागरिकांच्या हिताची काळजी घेतली जात आहे कि नाही, याची सध्या मोठी गरज आहे. कार्यकर्त्यांना सक्षम नेतृत्वात सामील करून त्यांच्या मनातील नेतृत्वाची स्वप्ने पूर्ण करणे ही या गटासाठी हवी असलेली गरज बनली आहे.