बाबासाहेबांच्या भूमीवर महाडमध्ये अधिकाऱ्यांना लोकशाहीर डॉ.आण्णा भाऊ साठेंचा गौरव ग्रंथ सुपूर्द

महाड येथे भव्य ऐतिहासिक चौदार तळे येथे स्मारक दर्शन घेऊन उपविभागीय अधिकारी कार्यालयात महत्त्वपूर्ण बैठक झाली, जिथे रायगड जिल्ह्यातील महाड ,पोलादपूर, तालुक्याचे प्रमुख अधिकारी एकत्र आले होते. या कार्यक्रमात प्रांताधिकारी, उपविभागीय पोलीस अधिकारी, तहसीलदार, गट विकास अधिकारी आणि एन.डी.एम.जे. संघटनेचे सदस्य उपस्थित होते. बैठकीमध्ये महाड व पोलादपूर या तालुक्यांमध्ये मागासवर्गीयांवर होणाऱ्या अन्याय अत्याचार प्रकरणांमध्ये तातडीने कार्यवाही करणे.

भारतीय संविधानाचा प्रचार प्रसार करणे, संविधानातील प्रमुख तरतुदी प्रत्येक शाळा महाविद्यालयांमध्ये आठ कलमी कार्यक्रम राबवणे, सर्व जाती-धर्मांच्या नागरिकांना खाजगी अंगीकृत रुग्णालयांमध्ये मोफत व दर्जेदार उपचार मिळावेत.

महाड डॉ. बाबासाहेब आंबेडकर स्मारकाचा विकास करणे, महाड चवदार तळ्याचा व परिसराचा विकास करणे, महाड राष्ट्रीय स्मारकामध्ये विद्यार्थ्यांसाठी सोयीसुविधा उपलब्ध करणे. घरकुलांना शासकीय जागा मिळवून देणे, मागासवर्गीयांच्या अतिक्रमणे नियमानुकूल करणे, अशा विषयांवर दीड तास चर्चा झाली. विशेषतः, या महाड जि रायगड नॅशनल दलित मुव्हमेंट फॉर जस्टिस संघटनेच्या वतीने साहित्यरत्न लोकशाहीर डॉ. आण्णा भाऊ साठे यांचा गौरव ग्रंथ सर्व अधिकाऱ्यांना भेट म्हणून दिला गेला.

ही बैठक उपविभागीय अधिकारी महाड यांच्या अध्यक्षतेखाली आयोजित केली गेली होती. एन.डी.एम.जे.चे राज्य सचिव वैभव गीते, तसेच साप्ताहिक सातारा सम्राट मुख्य संपादक गोविंद मोरे, जय माने सामाजिक कार्यकर्ते ,आणि संजय सोनवणे यांनी या ग्रंथाचे वितरण केले. आण्णा भाऊ साठे जे मराठी लोककवी आणि समाजसुधारक होते, त्यांच्या साहित्यिक आणि सामाजिक कार्याला या गौरव ग्रंथाद्वारे अभिवादन करण्यात आले. 

महाडमध्ये झालेली ही प्रतिष्ठित घटना सामाजिक न्यायाच्या प्रगतीसाठी आणि स्थानिक प्रशासनाच्या समन्वयात एक महत्त्वपूर्ण टप्पा ठरली आहे. ग्रंथाच्या माध्यमातून साठेंच्या विचारधारेला आणि त्यांच्या आदर्शांना पुढे नेण्याचा प्रयत्न करण्यात आला आहे.